అంతర్జాతీయం
ఉగ్రవాదంపై పాక్ ఉదాసీనత
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూన్ 3: భారత్‌పై దాడులకు పాల్పడిన లష్కరే తొయిబా, జైషే మహ్మద్ ఉగ్రవాద సంస్థలపై పాకిస్తాన్ ఎలాంటి చర్యలూ తీసుకోకపోవడంపై అమెరికా తప్పుపట్టింది. దీంతో ఉగ్రవాద సంస్థలు రిక్రూట్‌మెంట్‌లు, నిధుల సేకరణ నిరాటంకంగా కొనసాగుతోందని పేర్కొంది. అమెరికా విదేశాంగ శాఖ వార్షిక నివేదికలో పలు అంశాలను వెల్లడించింది. పాకిస్తాన్ మిలటరీ, భద్రతా దళాలు ఉగ్రవాదాన్న అణచివేయడానికి తీసుకున్న చర్యలను నివేదికలో వివరించింది. పాకిస్తాన్‌లోనే తెహ్రిక్ ఎ తాలిబన్ పాకిస్తాన్(టిటిపి) నిత్యం దాడులకు పాల్పడుతోంది. ఉగ్రవాదం, ఉగ్రవాద సంస్థలపై కఠిన చర్యలు తీసుకోవడంలో పాక్ విఫలమవుతోందని యుఎస్ తెలిపింది. లష్కరే తొయిబా, దాని అనుబంధ సంస్థలు జైమాత్ ఉద్ దువా, పలహా ఎ ఇన్‌సానియత్ ఫౌండేషన్‌లు పాకిస్తాన్‌లో ర్యాలీలు నిర్వహిస్తూ, నిధుల సేకరణ చేపడుతున్నాయని నివేదికలో వెల్లడించారు. ఆఫ్గన్ తాలిబన్ లేదా హఖ్ఖనీని పాక్ కట్టడి చేయలేకపోతోందని తెలిపింది. అంతర్జాతీయ ఉగ్రవాద సంస్థలు లష్కరే తొయిబా, జైషే మహ్మద్‌ల కార్యకలాపాలు కొనసాగుతునే ఉన్నాయని, శిక్షణ, రిక్రూట్‌మెంట్‌లు, నిధుల సేకరణ నిరాటంకంగా కొనసాగుతోందని నివేదిక బయటపెట్టింది. కరుడుగట్టిన లష్కరే ఉగ్రవాది హఫీజ్ సరుూద్ బహిరంగ ప్రదేశాల్లోకి వచ్చి సభల్లో పాల్గొనడం, వాటికి పాక్ మీడియాలో ప్రచారం కల్పించడాన్న అమెరికా తప్పుపట్టింది. ‘పాకిస్తాన్ ఎలక్ట్రానిక్ మీడియా రెగ్యులేటరీ ఏజెన్సీ లష్కరే అనుబంధం సంస్థలకు ఎలాంటి ప్రచారం ఇవ్వవద్దని సెప్టెంబర్‌లో నిర్ణయించింది. అయినప్పటికీ అది ఎక్కడా అమలుకావడంలేదు’అని నివేదిక పేర్కొంది. దేశంలోనే ఎక్కడికక్కడ కార్యకలాపాలు జరిగిపోతున్నాయన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.