తెలంగాణ
అర్ధరాత్రి తాళాలు పగులగొట్టి తనిఖీ
S ,7 à 8 RSCA (si SASPAS) et 6 cialis pharmacie cialis rapports de stage.
నర్సంపేట, నవంబర్ 8: వరంగల్ రూరల్ జిల్లా నర్సంపేటలో కాంగ్రెస్ కార్యాలయ తనిఖీ సందర్భంగా చోటుచేసుకున్న పరిణామాలు గురువారం తీవ్ర ఉద్రిక్తతకు దారితీశాయి. కాంగ్రెస్ కార్యాలయ తాళాన్ని ఎన్నికల అధికారులు పగులగొట్టారని ఆగ్రహిస్తూ గురువారం నర్సంపేటలో కాంగ్రెస్ పార్టీ శ్రేణులు భారీ ర్యాలీ, రాస్తారోకో నిర్వహించారు. ఎన్నికల అధికారులు, పోలీసులు, కాంగ్రెస్ పార్టీ నాయకుల కథనం ప్రకారం.. నర్సంపేట పట్టణంలోని ఆర్‌అండ్‌బీ అతిథి గృహం సమీపంలో కాంగ్రెస్ కార్యాలయం గత 14 సంవత్సరాలుగా కొనసాగుతోంది. అయితే, తాజాగా ఎన్నికల ఫ్లయింగ్ స్క్వాడ్ గురువారం తెల్లవారుజామున కాంగ్రెస్ కార్యాలయాన్ని తనిఖీ చేశారు. తమకు అందిన సమాచారం మేరకు తనిఖీ చేశామని అధికారులు చెబుతుండగా.. అధికార పార్టీ నాయకుల ఒత్తిడితో ఎన్నికల అధికారులు దౌర్జన్యంగా తాళం పగులగొట్టారని కాంగ్రెస్ నాయకులు చెబుతున్నారు. అరగంటలోనే కాంగ్రెస్ శ్రేణులు పెద్ద సంఖ్యలో చేరుకుని ఎన్నికల ఫ్లయింగ్ స్క్వాడ్ ఇన్‌చార్జి సతీష్‌తో వాగ్వాదానికి దిగారు. నర్సంపేటలో కాంగ్రెస్ కార్యాలయం తాళాన్ని పగులగొట్టారనే సమాచారాన్ని కాంగ్రెస్ నాయకులు ఫోన్‌లో తమ క్యాడర్‌కు తెలపడంతో పెద్ద సంఖ్యలో వాహనాల్లో కార్యకర్తలకు నర్సంపేటకు తరలివచ్చారు. ప్రజాస్వామ్య స్ఫూర్తికి విరుద్ధంగా అధికారులు ఎలాంటి అనుమతీ తీసుకోకుండా తాళం పగులగొట్టారని ఆగ్రహిస్తూ కాంగ్రెస్ నాయకులు పట్టణంలో భారీ ర్యాలీ నిర్వహించారు. వరంగల్ రోడ్ కూడలి వద్ద అరగంట పాటు రాస్తారోకో చేయడంతో రాకపోకలకు తీవ్ర అంతరాయం చోటుచేసుకుంది. గురువారం ఉదయం నుంచి మధ్యాహ్నం పనె్నండు గంటల వరకు కాంగ్రెస్ నాయకుల ఆందోళనతో నర్సంపేటలో ఒక్కసారిగా రాజకీయ వాతావరణం వేడెక్కింది. ఈ రాస్తారోకోలో కాంగ్రెస్ పార్టీ నియోజకవర్గ కన్వీనర్ తక్కళ్లపల్లి రవీందర్‌రావు, నాయకులు జగన్మోహన్‌రెడ్డి, రామానంద్, మురళీధర్, అశోక్, జక్క అశోక్, సొంటిరెడ్డి రంజిత్‌రెడ్డి తదితరులు పాల్గొన్నారు.
చిత్రం.... నర్సంపేటలో ర్యాలీ నిర్వహిస్తున్న కాంగ్రెస్ కార్యకర్తలు, నాయకులు..
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.