రాష్ట్రీయం
హాస్టళ్లలో జాడలేని బయోమెట్రిక్
S ,7 à 8 RSCA (si SASPAS) et 6 cialis pharmacie cialis rapports de stage.
కరీంనగర్, డిసెంబర్ 25: విద్యార్థుల సంక్షేమాన్ని కాంక్షించి ప్రభుత్వ వసతిగృహాల్లో ఏర్పాటుచేసిన బయోమెట్రిక్ విధానం ఆరంభశూరత్వంగానే మారింది. ఆదిలో దీని అమలుపై అధికారయంత్రాంగం ప్రత్యేక శ్రద్దచూపినా, అనంతరకాలంలోఅంతగా పట్టించుకోకపోవటంతో అత్యధిక హాస్టళ్ళలోని సిబ్బంది ఈవిధానాన్ని అటకెక్కించారనే ఆరోపణలు వెల్లువెత్తుతున్నాయి. హాస్టల్ విద్యార్థులకోసం అందిస్తున్న పలు సౌకర్యాలు వారికి అందటంలేదనే భావనతో ఉమ్మడి రాష్ట్రంలోఅప్పటి సంక్షేమశాఖ కార్యదర్శి రేమండ్‌పీటర్ హాస్టళ్ళలో బయోమెట్రిక్ విధానం అమలుకు శ్రీకారం చుట్టారు. దీనిని 23జిల్లాల్లో అమలుచేసేందుకు తగిన నిధులు కూడా విడుదల చేయటంలో కీలకపాత్ర పోషించారు. బయోమెట్రిక్ విధానానికి సంబంధించిన లాప్‌టాప్,సిసిటివి కెమెరాలు, థంబింగ్ మెషిన్లు కూడా జిల్లాలవారీగా సరఫరాచేసి, ముందుగా ఎస్సీ, ఎస్టీ హాస్టళ్ళలో ఏర్పాటుచేసేందుకు కసరత్తు చేశారు. ఈలోపు రాష్ట్ర విభజన జరగటం, సంక్షేమశాఖ విడిపోవటంతో గత ఆర్దిక ఏడాదిలో ఈవిధానం అమలుచేయటానికి అవాంతరంగా మారింది. అయితే, దీని అమలుకోసం విడుదల చేసిన నిధులు రెండు రాష్ట్రాలు పంచుకోగా తెలంగాణకు రూ.20కోట్లు వచ్చాయి. ఈమొత్తంతో రాష్ట్రంలోని 10జిల్లాల్లోని 1134 ఎస్సీ, ఎస్టీ వసతిగృహాల్లో విధిగా అమలుచేసేలా ఆర్దికమంత్రి ఈటెల రాజేందర్ ప్రత్యేకంగా చొరవతీసుకున్నారు. ఇందుకోసం హాస్టళ్ళవార్డెన్లకు లాప్‌టాప్, థంబింగ్ మిషన్ల వినియోగంపై విడతల వారీగా శిక్షణ కూడా ఇచ్చారు.
అనంతరం దీనిని అమలుచేస్తున్నట్లు అన్ని జిల్లాలనుంచి ప్రకటనలు కూడా వచ్చినా, ఇది ఆరంభశూరత్వంగానే మిగిలింది. ఈవిధానం అమల్లోకి వస్తే ప్రతి విద్యార్థి రోజు రెండుసార్లు థంబింగ్‌చేయాల్సి ఉంటుంది. విద్యార్థుల సంఖ్యను బట్టి సరుకులు వినియోగించాల్సి ఉంటుంది. ఈవిధానం సక్రమంగా అమలైతే ప్రభుత్వానికి ఏటా రూ.40నుంచి రూ.55కోట్ల వరకు ఆదా అవుతుందని గణాంకాలు స్పష్టంచేస్తున్నాయి. వసతిగృహాల అధికారులు ఇష్టారాజ్యంగా సరుకులను వినియోగించే అవకాశం ఉండదు. దీంతో గతంలో మాదిరి అదనపు రాబడి లేకపోగా, నిత్యం హాస్టళ్ళ పర్యవేక్షణ తప్పనిసరిగా మారింది. దీంతో బయోమెట్రిక్‌లో సాంకేతికలోపాలు సృష్టించి వాటిని అటకెక్కిస్తున్నట్లు ఆరోపణలొస్తున్నాయి. దీనిని పసిగట్టిన అవినీతినిరోధకశాఖ అధికారులు రాష్ట్రంలోని పలు హాస్టళ్ళపై అకస్మికదాడులు చేసి లోపాలు గుర్తించారు. అవకతవకలపై ఆయా జిల్లాల కలెక్టర్లకు కూడా నివేదికలందించారు. దీనిపై స్పందించాల్సింది పోయి బిసి సంక్షేమ హాస్టళ్ళలో కూడా అమలుకు కావాల్సిన నిధులు విడుదల చేయాలంటూ అధికారులు ప్రభుత్వానికి లేఖ రాసినట్లు సమాచారం. ఓవైపు ఇప్పటికే ఏర్పాటుచేసిన మిషన్లు నిరుపయోగంగా మారుతుంటే, మరోవైపు కొత్తగా అవసరమంటూ ప్రతిపాదనలు పంపటం నిధుల దుర్వినియోగానికే అనే అనుమానాలు వ్యక్తమవుతున్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.