రాష్ట్రీయం
ఐఏఎస్‌ల కోర్టు ధిక్కారం కేసు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 10: కోర్టు ధిక్కారం కేసు కింద హైకోర్టు సింగిల్ జడ్జి తెలంగాణ రాష్ట్రానికి చెందిన ముగ్గురు ఐఎఎస్ అధికారులకు విధించిన జరిమానా, శిక్షలను సస్పెండ్ చేస్తూ హైకోర్టు ధర్మాసనం ఆదేశాలు జారీ చేసింది. మార్కెటింగ్ శాఖ కమిషనర్ శరత్, రంగారెడ్డి కలెక్టర్ రఘునందన్, మహబూబ్‌నగర్ కలెక్టర్ శ్రీదేవి తమపై సింగిల్ జడ్జి ఇచ్చిన తీర్పును సవాలు చేస్తూ హైకోర్టు ధర్మాసనం వద్ద పిటిషన్ దాఖలు చేశారు. కోర్టు ఆదేశాలను ధిక్కరించినందుకు మార్కెటింగ్ కమిషననర్ శరత్‌కు ఐదు వేల రూపాయల జరిమానా, ఈ జరిమానా చెల్లించని పక్షంలో ఏడు రోజుల సాధారణ జైలు శిక్షను సింగిల్ జడ్జి విధించారు. గుడిమల్కాపూర్‌లో కూరగాయల కమిషన్ ఏజెంట్ల సంక్షేమ సంఘం ఇచ్చిన వినతిపత్రం అనుసరించి వారి డిమాండ్లను ఆమోదించేందుకు అవసరమైన చర్యలు తీసుకోవాలని సింగిల్ జడ్జి కోర్టు ఆదేశాలు జారీ చేసింది. ఈ ఆదేశాలను పాటించనందుకు జరిమానాను విధిస్తున్నట్లు పేర్కొన్నారు. రంగారెడ్డి జిల్లా పోచారం గ్రామంలో రోడ్డు అవరోధాలు తొలగించాలని కోర్టు ఇచ్చిన ఆదేశాలను రంగారెడ్డి జిల్లా కలెక్టర్ రఘునందన్ అమలు చేయలేదనే కారణంపై ఇదే కోర్టు కలెక్టర్‌కు రూ. 1116 జరిమానాను విధించింది. జరిమానాను చెల్లించని పక్షంలో రెండురోజుల సాధారణ జైలు శిక్షను అనుభవించాలని ఆదేశాలు జారీ చేశారు. ఒక కేసులో హైకోర్టు ఆదేశాలను పాటించనందుకు మహబూబ్‌నగర్ జిల్లా కలెక్టర్ టి కె శ్రీదేవికి రూ. 1116 జరిమానాను విధించారు. ఈ మూడు కేసుల్లో ముగ్గురు ఐఎఎస్ అధికారులు హైకోర్టును ఆశ్రయించారు. పిటిషన్లను విచారించిన హైకోర్టు తాత్కాలిక ప్రధాన న్యాయమూర్తి జస్టిస్ దిలీప్ బి భోసలే సింగిల్ జడ్జి కోర్టు ఇచ్చిన ఆదేశాలను నిలుపుదల చేస్తూ ఉత్తర్వులు జారీ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.