తెలంగాణ
ఇద్దరు చీఫ్ సూపరింటెండెంట్ల తొలగింపు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 18:పదో తరగతి పరీక్షల్లో అక్రమాలకు వీలుకల్పించిన ఇద్దరు చీఫ్ సూపరింటెండెంట్లు, ఒక డిపార్టుమెంటల్ ఆఫీసర్‌ను విధుల నుండి తొలగించారు. మరో 14 మంది ఇన్విజిలేటర్లపై చర్యలు తీసుకున్నారు. ఒక ఆఫీసు సబార్టినేట్‌ను కూడా విధుల నుండి తొలగించినట్టు పరీక్షల డైరెక్టర్ బీ సుధాకర్ తెలిపారు. టెన్త్ పరీక్షలకు 5,07,591 మంది హాజరయ్యారని, 1878 మంది మాత్రమే గైర్హాజరయ్యారని అన్నారు. ఫ్లయింగ్ స్క్వాడ్‌లు, జిల్లా స్థాయి అబ్జర్వర్లు 903 కేంద్రాల్లో తనిఖీలు నిర్వహించారని పరీక్షలు ప్రశాంతగా జరుగుతున్నాయని ఆయన పేర్కొన్నారు.
28 వరకూ ఓపెన్ స్కూలింగ్‌కు గడువు
ఓపెన్ స్కూలింగ్ ద్వారా ఎస్సెస్సీ, ఇంటర్మీడియట్ పరీక్షలకు హాజరయ్యే విద్యార్ధులు దరఖాస్తు చేసుకునేందుకు తత్కాల్ పద్ధతిలో ఈ నెల 28 వరకూ గడువు విధించినట్టు తెలంగాణ ఓపెన్ స్కూల్ సొసైటీ ఒక ప్రకటనలో పేర్కొంది. ఈ నెల 22 నుండి ఓపెన్ స్కూలింగ్‌లో టెన్త్ పరీక్షలు రాసే వారు 500 రూపాయిలు, ఇంటర్ పరీక్షలు రాసేవారు వెయ్యి రూపాయిలు చెల్లించాల్సి ఉంటుంది.
ఏప్రిల్ 11న జేఈఈ ఎగ్జామ్ లేదు
ముందుగా ప్రకటించిన విధంగా ఏప్రిల్ 11న జేఈఈ మెయిన్ ఎగ్జామ్ లేదని నేషనల్ టెస్టింగ్ ఏజన్సీ ప్రకటించింది. బీ ఆర్క్, బీ ప్లానింగ్ కోర్సుల వారికి పేపర్-2ను ఏప్రిల్ 7న నిర్వహిస్తారు. పేపర్-1 పరీక్షను ఏప్రిల్ 8,9,10,12 తేదీల్లో నిర్వహిస్తారు. దానికి అనుగుణంగానే 11వ తేదీ ఆన్‌లైన్ టెస్టుకు దరఖాస్తు చేసిన వారిని సర్దుబాటు చేస్తారు. ఆన్‌లైన్ పరీక్ష ఉదయం 9.30 నుండి 12.30 వరకూ, మధ్యాహ్నం 2.30 నుండి 5.30 వరకూ నిర్వహిస్తారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.