రాష్ట్రీయం
మాటలు చూసి ఓట్లు వేస్తారా? పనులు చూసి వేస్తారా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: కేసీఆర్ మాటలు చూసి ఓట్లు వేసేందుకు తెలంగాణ ప్రజలు సిద్ధంగా లేరని, బీజేపీ చేసిన పనులు చూసి ఓట్లు వేసేందుకు ముందుకు వస్తున్నారని బీజేపీ రాష్ట్ర అధ్యక్షుడు డాక్టర్ కే లక్ష్మణ్ పేర్కొన్నారు. బుధవారం కాంగ్రెస్ పార్టీకి చెందిన మాజీ ఎమ్మెల్యే సోయం బాపూరావు బీజేపీలో చేరిన సందర్భంగా జరిగిన కార్యక్రమంలో లక్ష్మణ్ మాట్లాడుతూ ఎన్నికల సభల్లో టీఆర్‌ఎస్ నేతలు పచ్చి అబద్దాలు చెబుతున్నారని, ప్రజలను మోసం చేస్తున్నారని అన్నారు. ఐదేళ్లు ఫెయిల్ అయిన టీఆర్‌ఎస్ ఎంపీలను మళ్లీ పాస్ చేయించడానికి కేసీఆర్ విఫల ప్రయత్నాలు చేస్తున్నారని అవకాశం ఇచ్చిన వారికి ప్రజలు మళ్లీ అవకాశం ఇస్తారా అవకాశం ఇవ్వని వారికి మళ్లీ అవకాశం కల్పిస్తారా ప్రజలు ఆలోచించుకోవాలని అన్నారు. కేసీఆర్ తన మాటలు చూసి ఓట్లు వేయమని అంటున్నారని, కానీ జనం మాత్రం బీజేపీ పని తీరును చూసి ఓట్లు వేయబోతున్నారని చెప్పారు. మోదీ పాలన పరిపాలన చూసి చాలా మంది బీజేపీలో చేరుతున్నారని, తెలంగాణ ప్రజలను మభ్యపెట్టేందుకు ముఖ్యమంత్రి కేసీఆర్ ఎన్ని చెప్పినా రాష్ట్ర ప్రజలు మాత్రం మోదీవైపు చూస్తున్నారని అన్నారు. సాయంత్రం పార్టీ కార్యాలయంలో ఎమ్మెల్సీ రామచందర్ రావు మాట్లాడుతూ రాష్ట్రంలో 16 సీట్లూ గెలిస్తే రాష్ట్రానికి ఏదో చేస్తామని చెబుతున్న టీఆర్‌ఎస్ నేతలు గతంలో గెలిచి ఏం చేశారని ప్రశ్నించారు. టీఆర్‌ఎస్ ఎంపీలు కలిసి గత ఐదేళ్లుగా పార్లమెంటులో ఎంత సేపు మాట్లాడారో చెప్పాలని నిలదీశారు. కేటీఆర్ బుల్లెట్ ట్రైన్ గురించి మాట్లాడటం హాస్యాస్పదమని అన్నారు. టీఆర్‌ఎస్ చెప్పే అసత్యాలను ప్రజలు నమ్మేస్థితిలో లేరని రామచందర్‌రావు పేర్కొన్నారు.
చిత్రం..కాంగ్రెస్ పార్టీ మాజీ ఎమ్మెల్యే సోయం బాపూరావు బీజేపీలో చేరిన దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.