రాష్ట్రీయం
కేంద్రం నేతృత్వంలో జర్నలిస్టుల సంక్షేమ పథకం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్ : ‘జర్నలిస్టుల సంక్షేమ పథకం’ (జర్నలిస్ట్స్ వెల్ఫేర్ స్కీం) పేరుతో ఒక సంక్షేమ పథకాన్ని జర్నలిస్టుల కోసం కేంద్ర ప్రభుత్వం ప్రత్యేకంగా కొనసాగిస్తోంది. కేంద్ర సమాచార, ప్రసార మంత్రిత్వ శాఖ నేతృత్వంలో జర్నలిస్టుల సంక్షేమ పథకానికి పరిస్థితులకు అనుగుణంగా అవసరమైన మార్పులు చేర్పులు చేస్తున్నారు. ఐదేళ్లుగా జర్నలిస్టుగా పనిచేస్తున్న వారు ఏ రాష్ట్రానికి చెందిన వారైనా ఈ పథకం ప్రయోజనాలు పొందేందుకు అర్హులేనని వెల్లడించారు. ఈ పథకం కింద కల్పించిన సౌకర్యాలు ఇలా ఉన్నాయి. ఎవరైనా జర్నలిస్టు ప్రమాదవశాత్తు మరణిస్తే 5 లక్షల రూపాయలు చెల్లిస్తారు. జర్నలిస్టులు ఎవరైనా శాశ్వతంగా వికలాంగులు అయినా 5 లక్షల రూపాయలు చెల్లిస్తారు. క్యాన్సర్, రీనల్ ఫెయిల్యూర్, ఓపెన్ హార్ట్ సర్జరీ (బైపాస్), ఆంజియోప్లాస్టీ, మెదడుకు సంబంధించిన చికిత్సలు, పెరాలిసిస్ తదితర వ్యాధులకు కోసం 65 ఏళ్లలోపు వారికి మూడు లక్షల రూపాయల వరకు చెల్లిస్తారు. ప్రమాదాలకు గురై తీవ్రమైన గాయాలపాలైతే చికిత్సకోసం 2 లక్షల రూపాయల వరకు చెల్లిస్తారు. వర్కింగ్ జర్నలిస్టుల చట్టం 1955కు లోబడి పనిచేస్తున్న జర్నలిస్టులు ఈ పథకం ద్వారా సాయం పొందేందుకు అర్హులని కేంద్ర సమాచార, ప్రసారాల మంత్రిత్వ శాఖ స్పష్టం చేసింది. పత్రికలు, రేడియో, టీవీ తదితర మీడియా సంస్థల్లో పనిచేసే వారంతా అర్హులే. న్యూస్ ఎడిటర్లు, రిపోర్టర్లు, ఫోటోగ్రాఫర్లు, కెమెరామెన్, ఫోటో జర్నలిస్టులు ఫ్రీలాన్స్ జర్నలిస్టులు అర్హులని వివరించారు. భారతీయులై ఉండి పీఐబీ ద్వారా గుర్తింపు పొందిన వారితో పాటు గుర్తింపు లేని జర్నలిస్టులు కూడా అర్హులేనని స్పష్టం చేశారు. నాన్-అక్రిడిడేటెడ్ జర్నలిస్టులకు ఒక లక్ష రూపాయల వరకు సాయం చేస్తారు. పీఐబీలో ప్రిన్సిపాల్ డైరెక్టర్ జనరల్ (మీడియా అండ్ కమ్యూనికేషన్లు)కు వచ్చిన దరఖాస్తులను ప్రభుత్వం ఏర్పాటుచేసిన ప్రత్యేక కమిటీ పరిశీలనకు నివేదిస్తోంది. సమాచార, ప్రసారాల మంత్రిత్వ శాఖ సెక్రటరీ చైర్మన్‌గా ఉండే ఈ కమిటీలో ప్రెస్ ఇన్‌ఫర్మేషన్ బ్యూరో (పీఐబీ) ప్రిన్సిపాల్ డైరెక్టర్ జనరల్, జాయింట్ సెక్రటరీ (పీ అండ్ ఏ) సభ్యులుగా ఉంటారు. అలాగే, జర్నలిస్టులుగా పనిచేస్తున్న మరో ఆరుగురు సభ్యులుగా ఉన్నారు. ఆర్థిక సాయం కోసం వచ్చే దరఖాస్తులను ఈ కమిటీ పరిశీలించి నిధులు మంజూరు చేస్తుంది. పీఐబీ వెబ్‌సైట్‌లో (పీఐబీ.ఎన్‌ఐసీ.ఇన్) దరఖాస్తు ఫారం ఉంటుంది. ఈ ఫారాన్ని నింపి ప్రిన్సిపాల్ డీజీ (మీడియా, కమ్యూనికేషన్స్)కి పంపించాల్సి ఉంటుంది. కొన్ని సందర్భాల్లో దరఖాస్తు రాకపోయినా సూమోటోగా నిధులు మంజూరుచేసే అధికారం ఈ కమిటీకి ప్రభుత్వం కల్పించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.