తెలంగాణ
సైబర్ నేరాలకు చెక్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 15: తెలంగాణలో దేశంలోనే తొలిసారిగా సైబర్ సెక్యూరిటీ చట్టాన్ని అమలులోకి తీసుకురానున్నట్లు రాష్ట్ర ఐటి శాఖ కార్యదర్శి జయేష్ రంజన్ తెలిపారు. సైబర్ నేరాల నియంత్రణ, ఈ-కామర్స్ విధానాన్ని డిజిటలైజేషన్ చేయడం, ఈ-కామర్స్‌లో కొనుగోలుకు ప్రోత్సాహం తమ లక్ష్యమన్నారు. తెలంగాణ, ఆంధ్ర ఫ్యాప్సీ ఆధ్వర్యంలో శుక్రవారం ఇక్కడ ఈ-కామర్స్‌పై జరిగిన సదస్సులో ముఖ్య అతిథిగా మాట్లాడారు. సెప్టెంబర్ నుంచి అమలులోకి రానున్న సైబర్ చట్టం ద్వారా ఆన్‌లైన్ మోసాలకు అడ్డుకట్టవేస్తామన్నారు. బెంగళూరులో ఏర్పాటు కానున్న అమెజాన్ కేంద్రం తెలంగాణకు తరలి వచ్చిందని, ఇందుకు రాష్ట్రప్రభుత్వం విశేష కృషి చేసిందన్నారు. దేశంలోనే ఐటి రంగంలో తెలంగాణ అగ్రభాగాన ఉందన్నారు. మన దేశంలో ఈ-కామర్స్‌కు అపారమైన అవకాశాలు ఉన్నాయన్నారు. ప్రతి సూక్ష్మ, మధ్య తరహా పరిశ్రమలు, రిటైల్ రంగ వ్యాపారవేత్తలు ఈ రంగంలో సేవలు అందిపుచ్చుకోవాలన్నారు. తెలంగాణ, ఏపి ఫ్యాప్సీ అధ్యక్షుడు రవీంద్రమోదీ మాట్లాడుతూ దేశ వాణిజ్య ప్రగతిని ఈ-కామర్స్ నిర్దేశిస్తుందన్నారు. అన్ని వస్తువులు ఏ సమయంలోనైనా ఈ-కామర్స్ ద్వారా అందుబాటులోకి వస్తాయన్నారు. 2009నుంచి దేశంలో ఈ-కామర్స్ వృద్ధి 34 శాతం ఉందని సిఏజిఆర్ నివేదిక వెల్లడించిందన్నారు. 2014లో ఈ-కామర్స్ టర్నోవర్ 16.4 బిలియన్ డాలర్లకు చేరుకుందని, ఈ ఏడాదికి 22 బిలియన్ డాలర్లకు చేరుకుంటుందన్నారు. ఈ సదస్సులో ఎస్‌టిపిఐ డైరెక్టర్ సివిడి రాంప్రసాద్, ఈ-కామర్స్ నిపుణులు పాల్గొన్నారు. ఈ-కామర్స్ డాక్యుమెంట్‌ను ఐటి శాఖ కార్యదర్శి జయేష్ రంజన్ ఆవిష్కరించారు.
చిత్రం... ఈ-కామర్స్‌తో వ్యాపార అవకాశాలపై డాక్యుమెంట్‌ను విడుదల చేస్తున్న ఐటి కార్యదర్శి జయేష్ రంజన్
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.