తెలంగాణ
కాంట్రాక్టు కార్మికుల హక్కుల సాధనకు టిజెఎసి అండ
S ,7 à 8 RSCA (si SASPAS) et 6 cialis pharmacie cialis rapports de stage.
చార్మినార్, జూలై 17: సింగరేణి కాంట్రా క్టు కార్మికులు వేతనాల కోసం చేస్తున్న డిమాండ్ న్యాయమైనదని, చట్టబద్ధమైన హక్కులు, సౌకర్యాల సాధనకు అండగా ఉంటామని టిజెఎసి చైర్మన్ ప్రొ.కోదండరామ్ అన్నారు. ఆదివారం బషీర్‌బాగ్ ప్రెస్‌క్లబ్‌లో సింగరేణి కాలరీస్ కాంట్రాక్ట్ వర్కర్స్ యూనియన్, ఐఫ్‌టియూ సంయుక్త అధ్వర్యంలో ఏర్పాటు చేసిన రాష్ట్ర సదస్సుకు ముఖ్యవక్తగా విచ్చేసిన కోదండరామ్ మాట్లాడుతూ కార్మకులు ఐక్యంగా ఉండి హక్కులు సాధించుకోవాలని అన్నారు. 1991లో వచ్చిన సరళీకరణ విధానంతో సింగరేణిలో ప్రైవేటీకరణను 1996 అమలు చేశారని తెలిపారు. కోల్ ట్రాన్స్‌పోర్ట్, మట్టి తొలగింపు, ఓవర్ నైట్ బడ్డన్ , కొన్ని కీలక పనులను కాంట్రాక్టర్లకు అప్పగించారని పేర్కొన్నారు. సింగరేణిలో లక్ష 14వేల పర్మినెంట్ కార్మికులు ఉండగా ప్రస్తుతం 52వేల మంది ఉన్నారని చెప్పారు. కాంట్రాక్టు కార్మికులు 30 వేల మంది ఉన్నారని, చిత్తశుద్ధితో అమలు కావాల్సిన హైపవర్ కమిటీ వేతనాలు, బోనస్ చెల్లిపులపై జెబిసిసిఐలో నిర్ణయం జరిగినప్పటికీ అమలు చేయకుండా యాజమాన్యాలు నిర్లక్షం చేస్తున్నాయని చెప్పారు.
సింగరేణి కాంట్రాక్టు కార్మిక ఉద్యోగులకు వేతనాలు, విద్యా, వైద్యం, రెసిడెన్షియల్ పాఠశాలలు ఏర్పాటు చేయాలని లేదంటే కార్మికులు ఉద్యమిస్తారని తలిపారు. కార్యక్రమంలో ఎ.వెంకన్న,బి.ప్రదీప్, కె.సూర్యం, జె.సీతారామయ్య, బి.సంపత్ కుమార్ పాల్గొన్నారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.