జాతీయ వార్తలు
25 నుంచి మెరుగైన యుఎస్‌ఎస్‌డి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 10: పెద్ద నోట్ల రద్దు వలన దేశ వ్యాప్తంగా నగదు కొరత తీవ్రస్థాయిలో కొనసాగుతున్నందున నగదు రహిత చెల్లింపుల కోసం ఈ నెల 25వ తేదీ నుంచి వినియోగదారులకు మరింత అనుకూలమైన యుఎస్‌ఎస్‌డి (అన్‌స్ట్రక్చర్డ్ సప్లిమెంటరీ సర్వీస్ డేటా) వెర్షన్‌ను లేదా ఫీచర్ మొబైల్ ఫోన్లతో చెల్లింపులకు జరిపేందుకు ఉపయోగించే *99అ సేవను అందుబాటులోకి తీసుకురావాలని డిజిటల్ చెల్లింపులపై ముఖ్యమంత్రులతో ఏర్పాటైన కమిటీ కేంద్ర ప్రభుత్వాన్ని కోరింది. ప్రజలకు మరింత విస్తృతంగా డిజిటల్ చెల్లింపులను అందుబాటులోకి తీసుకురావడం ఎలా? అనే విషయంపై దృష్టి సారించేందుకు ఏపి సిఎం చంద్రబాబు నాయుడు సారథ్యంలో ఏర్పాటైన ఈ కమిటీ కేంద్ర ఆర్థిక మంత్రిత్వ శాఖకు కొన్ని సిఫారసులను సమర్పించింది. డిసెంబర్ 25వ తేదీ నుంచి మరింత మెరుగైన (అప్‌గ్రేడెడ్) యుఎస్‌ఎస్‌డి వెర్షన్‌ను అందుబాటులోకి తీసుకురావడంతో పాటు ఆధార్‌ను ఉపయోగించడం ద్వారా కెవైసి (నో యువర్ కస్టమర్)ని సరళీకృతం చేసేందుకు చర్యలు చేపట్టాల్సిందిగా ఈ కమిటీ సూచించిందని శనివారం విడుదలైన ఒక అధికారిక ప్రకటన వెల్లడించింది. ఈ కమిటీ రెండవ సమావేశం నీతి ఆయోగ్ కార్యాలయంలో శుక్రవారం జరిగింది. ప్రభుత్వ, ప్రైవేటు రంగాల్లోని ప్రధాన బ్యాంకుల సిఎండిలతో గురువారం ముంబయిలో చంద్రబాబు నాయుడు, నీతి ఆయోగ్ ఉపాధ్యక్షుడు అరవింద్ పనగారియా, రిజర్వు బ్యాంకు గవర్నర్ ఉర్జిత్ పటేల్, ఆర్‌బిఐ ఉన్నతాధికారులు చర్చలు జరిపిన అనంతరం ఈ సమావేశం జరిగింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.