రాష్ట్రీయం
ఇంధన పొదుపులో భేష్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 14: ఇంధన పొదుపులో దక్షిణ మధ్య రైల్వేకు తొమ్మిది జాతీయ ఇంధన పొదుపు అవార్డులు లభించాయి. బుధవారం ఢిల్లీలో జరిగిన ఒక కార్యక్రమంలో కేంద్ర విద్యుచ్ఛక్తి, బొగ్గు, కొత్త పునరుత్పాదక ఇంధనాలు, గనుల శాఖ మంత్రి పియూష్ గోయల్ చేతుల మీదుగా దక్షిణ మధ్య రైల్వే జిఎం వశిష్ఠ జోహ్రీ ఈ అవార్డులను అందుకున్నారు. 2016 సంవత్సరానికి గానూ మొత్తం భారతీయ రైల్వేలోని అన్ని జోన్లకు 27 అవార్డులు లభించగా, అందులో 9 అవార్డులను దక్షిణ మధ్య రైల్వే కైవసం చేసుకుంది.
జోనల్ రైల్వేస్‌కు, రైల్వే వర్క్‌షాప్స్‌కు, ఆఫీస్ బిల్డింగ్స్‌కు ప్రథమ బహుమతులు వచ్చాయి. సాంకేతికంగా ఇంధన సామర్థ్యానికి సంబంధించి పలు చర్యలు తీసుకోవడంతోపాటు ఇంధన పొదుపునకు ముమ్మరంగా దక్షిణ మధ్య రైల్వే చర్యలు తీసుకుంది. గత సంవత్సరం ఏకంగా ఏడు అవార్డులు అందుకోగా, ఈ ఏడాది రికార్డు సంఖ్యలో 9 అవార్డులను అందుకుంది. ఈ అవార్డులు దక్షిణ మధ్య రైల్వేలో జోనల్ రైల్వేస్ సెక్టార్ కేటగిరి కింద ప్రథమ బహుమతి, ఆఫీస్ బిల్డింగ్స్ సెక్టార్‌లో సికిందరాబాద్‌లోని పిఆర్‌ఎస్ బిల్డింగ్‌కు ప్రథమ బహుమతి, రైల్వే వర్క్‌షాపు సెక్టార్‌లో కాజీపేటలోని ఎలక్ట్రికల్ లోకోషెడ్, ఆఫీస్ బిల్డింగ్స్ సెక్టార్‌లో సికిందరాబాద్‌లోని లేఖా భవన్‌కు ద్వితీయ బహుమతి, విశ్వవిద్యాలయాలు, ఇంజనీరింగ్ శిక్షణా సంస్థలున్న భవనాల కేటగిరీలలో సికిందరాబాద్‌లోని ఇరిసెట్ సంస్థ భవనానికి ద్వితీయ బహుమతి, సర్ట్ఫికేట్ ఆఫ్ మెరిట్ బహుమతి, ఆసుపత్రుల కేటగిరిలో నాందేడ్‌లోని రైల్వే ఆసుపత్రికి, శిక్షణా సంస్థల భవనాల కేటగిరిలో విజయవాడలోని ఎలక్ట్రిక్ ట్రాక్షన్ శిక్షణా కేంద్రం భవనానికి, రైల్వే స్టేషన్ కేటగిరిలో పాకాల స్టేషన్‌కు, రైల్వే వర్క్‌షాపు సెక్టార్‌లో విజయవాడలోని డీజిల్ లోకోషెడ్‌కు బహుమతులు లభించాయి. ఈ కార్యక్రమంలో జనరల్ మేనేజర్‌తోపాటు అవార్డులు అందుకున్న వారిలో దక్షిణ మధ్య రైల్వే చీఫ్ ఎలక్ట్రికల్ ఇంజనీర్ జాన్ థామస్, చీఫ్ ఎలక్ట్రికల్ జనరల్ ఇంజనీర్ అగర్వాల్, సికిందరాబాద్ డివిజన్ సీనియర్ డివిజనల్ ఎలక్ట్రికల్ ఇంజనీర్ గోపాల్, హైదరాబాద్ డివిజన్ సీనియర్ డివిజనల్ ఎలక్ట్రికల్ ఇంజనీర్ ఆనంద చెక్కి తదితరులు ఉన్నారు.
చిత్రం... కేంద్ర మంత్రి చేతుల మీదుగా అవార్డు అందుకుంటున్న దక్షిణ మధ్య రైల్వే జిఎం వశిష్ఠ జోహ్రీ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.