రాష్ట్రీయం
ఆందోళన కలిగిస్తున్న వాతావరణంలో మార్పులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 10: వాతావరణ మార్పులతో నీరు, గాలి కాలుష్యంపై ప్రభావం చూపిస్తున్నందున దీనిని సమర్థవంతంగా ఎదుర్కొనేందుకు కార్యాచరణ ప్రణాళిక సిద్ధం చేస్తున్నట్లు పర్యావరణ పరిరక్షణ శిక్షణ, పరిశోధన సంస్థ (ఇపిటిఆర్‌ఐ) తెలిపింది. వాతావరణ మార్పులపై మంగళవారం ఇపిటిఆర్‌ఐ నోడల్ ఏజెన్సీ, హైదరాబాద్ మెట్రో వాటర్ సప్లయి, మురుగు నీటిపారుదల బోర్డు సంయుక్తంగా అమెరికాలోని చికాగోకు చెందిన మెట్రోపాలిటన్ వాటర్ రిక్లమేషన్ డిస్ట్రిక్ ఆఫ్ గ్రేటర్ చికాగో (ఎండబ్ల్యుఆర్‌డి) సహాకారంతో రెండు రోజుల వర్క్‌షాప్‌ను నిర్వహించింది. ఇపిటిఆర్‌ఐ డైరెక్టర్ జనరల్ బి. కళ్యాణ్ చక్రవర్తి, మున్సిపల్ పరిపాలన కార్యదర్శి నవీన్ మిట్టల్, హెచ్‌ఎండబ్ల్యుఎస్‌ఎస్‌బి మేనేజింగ్ డైరెక్టర్ ఎం. దాన కిషోర్, అమెరికాకు చెందిన ఎండబ్ల్యుఆర్‌డి ఎగ్జిక్యూటివ్ డైరెక్టర్ డేవిట్ సెంట్ పియర్రే, ఎండబ్ల్యుఆర్‌డి ఆర్థిక విభాగం చైర్మన్ ఫ్రాంక్ అవిలా, ఇపిటిఆర్‌ఐ పర్యావరణ ఇంజనీర్ షేక్ అల్లవలీ తదితరులు పాల్గొన్నారు. చికాగోకు చెందిన ఎండబ్ల్యుఆర్‌డి అక్కడ డ్రైనేజీ, మురుగు నీటి పారుదల ట్రీట్‌మెంట్ ప్లాంట్లను, వర్షపు నీటి డ్రైనేజీల నిర్వహణను విజయవంతంగా నిర్వహిస్తున్నది. ప్రజలకు అసౌకర్యం కలగకుండా తీసుకుంటున్న చర్యల గురించి ఎండబ్ల్యుఆర్‌డి ప్రతినిధులు ఈ వర్క్‌షాప్‌లో వివరించారు. హైదరాబాద్‌లో పెరుగుతున్న జనాభాకు అనుగుణంగా నీటి సరఫరా, నిరుపయోగ వ్యర్థాల వినియోగ సౌకర్యం మెరుగుపరచుకోవడానికి రాష్ట్ర ప్రభుత్వం ఆసక్తిగా ఉన్నదని రాష్ట్రానికి చెందిన అధికారులు వివరించారు. ఈ సందర్భంగా ఎండబ్ల్యుఆర్‌డి ప్రతినిధులు తమ అనుభవాలను వెల్లడించారు. తెలంగాణలో వ్యవసాయం, దాని అనుబంధ విభాగాలు, నీరు, సంక్షేమం, పరిశ్రమలు, విద్యుత్తు వంటి ముఖ్యమైన విభాగాలపై వాతావరణ మార్పులతో పడుతున్న ప్రభావం గురించి రాష్ట్రానికి చెందిన అధికారులు తెలిపారు. దీనిని ఎదుర్కొనేందుకు వీలుగా కార్యాచరణ ప్రణాళిక సిద్ధం చేస్తున్నట్లు రాష్ట్రానికి చెందిన నోడల్ ఏజెన్సీ ఇపిటిఆర్‌ఐ అధికారులు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.