తెలంగాణ
వంశీరెడ్డి మృతదేహాన్ని ‘తీసుకువచ్చేందుకు చర్యలు’
S ,7 à 8 RSCA (si SASPAS) et 6 cialis pharmacie cialis rapports de stage.
నక్కలగుట్ట (వరంగల్) ఫిబ్రవరి 13: వరంగల్ అర్బన్ జిల్లా హసన్‌పర్తి మండలంలోని వంగపహాడ్ గ్రామానికి చెందిన సంజీవరెడ్డి కుమారుడు వంశీరెడ్డి అమెరికా కాలిఫోర్మియాలో ఆగంతకుని కాల్పులలో మృతి చెందిన విషయం విదితమే. సోమవారం సంజీవరెడ్డి కుటుంబ సభ్యులు హైదరాబాద్‌లో పలువురు నాయకులను కలసి వంశీరెడ్డి మృతదేహాన్ని త్వరగా తీసుకుని వచ్చేందుకు ప్రయత్నాలు చేయాలని కోరారు. వారు భాజపా నేత కిషన్‌రెడ్డితో కలసి రాష్ట్ర అధ్యక్షుడు లక్ష్మణ్ వద్దకు వెళ్లగా, ఆయన కేంద్ర విదేశాంగ మంత్రి సుష్మాస్వరాజ్‌కు ఫోన్ ద్వారా విషయాన్ని తెలుపగా ఆమె సానుకూలంగా స్పందించి మృతదేహాన్ని తీసుకునివచ్చేందుకు భారత ప్రభుత్వం ద్వారా తీసుకోవాల్సిన అన్ని చర్యలు తీసుకుంటామని, వీలైనంత త్వరగా మృతదేహాన్ని భారత్ రప్పించడానికి ప్రయత్నాలు చేస్తామని హామీ ఇచ్చినట్లు వారు తెలిపారు. అనంతరం వరంగల్‌లోని స్థానిక ఎమ్మెల్యేలతో కలసి ఉపముఖ్యమంత్రి కడియం శ్రీహరి కలవగా ఆయన కూడా సానుకూలంగా స్పందించి ప్రభుత్వ ఖర్చుతో మృతదేహాన్ని స్వస్థలానికి తీసుకుని వచ్చేలా అధికారులతో మాట్లాడి చర్యలు తీసుకుంటామని భరోసా ఇచ్చినట్లు కుటుంబ సభ్యులు తెలిపారు. కాగా, వంశీరెడ్డి కుటుంబ సభ్యులను సోమవారం నగర మేయర్ నన్నపనేని నరేందర్, కుడా చైర్మన్ మర్రి యాదవరెడ్డి పరామర్శించారు. రాష్ట్ర ప్రభుత్వంతో మాట్లాడి మృతదేహాన్ని తీసుకుని రావడానికి తమ వంతు ప్రయత్నం చేస్తామని, బాధిత కుటుంబానికి బాసటగా ఉంటామని తెలిపారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.