తెలంగాణ
వక్ఫ్ బోర్డు చైర్‌పర్సన్‌గా ఎమ్మెల్సీ సలీం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 24: తెలంగాణ స్టేట్ వక్ఫ్ బోర్డు చైర్ పర్సన్‌గా ఎమ్మెల్సీ సలీం ఏకగ్రీవంగా ఎన్నికయ్యారు. వక్ఫ్ బోర్డు కార్యాలయంలో శుక్రవారం నూతనంగా ఎన్నికైన బోర్డు సభ్యులతో పాటు నామినేటెడ్ సభ్యులు ఈ మేరకు సమావేశమై చైర్ పర్సన్‌ను ఎన్నుకున్నట్టు వక్ఫ్ బోర్డు సిఇవో అసదుల్లా అధికారికంగా ప్రకటించారు. రాష్ట్ర వక్ఫ్ బోర్డుకు తొలి అధ్యక్షునిగా ఎన్నికైన సలీం, గతంలో ఉమ్మడి ఆంధ్రప్రదేశ్‌లో 2002-2004 వరకు వక్ఫ్‌బోర్డు చైర్ పర్సన్‌గా పని చేశారు. వక్ఫ్ బోర్డులో మొట్ట మొదటిసారిగా మహిళా సభ్యురాలిని ప్రభుత్వం నామినేటెట్ చేయడం మరో విశేషం. కొత్తగా ఎన్నికైన వక్ఫ్ బోర్డు సభ్యులు ప్రగతి భవన్‌లో ముఖ్యమంత్రి కెసిఆర్‌ను కలిసి శుభాకాంక్షలు అందుకున్నారు. వక్ఫ్ ఆస్తుల పరిరక్షణ, అన్యాక్రాంతమైన ఆస్తులను స్వాధీనం చేసుకోవడానికి తన వంతు కృషి చేస్తానని సలీం అన్నారు. సమావేశానికి ఎంపి అసదుద్దీన్ ఒవైసీ, నామినేటెడ్ సభ్యుడు తఫ్‌సీర్ ఇక్బాల్ స్థానికంగా అందుబాటులో లేకపోవడంతో గైర్హాజర్ అయినట్టు బోర్డ్ సిఇవో పేర్కొన్నారు.
చిత్రం..ముఖ్యమంత్రి కెసిఆర్ ను కలిసి పుష్పగుచ్ఛం అందజేస్తున్న వక్ఫ్ బోర్డు చైర్ పర్సన్ సలీం, ఇతర సభ్యులు. చిత్రంలో డప్యూటీ సిఎం మహమూద్ అలీ ఉన్నారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.