తెలంగాణ
విద్యుత్ ఉద్యోగుల వివాదం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 7: ఈ నెల 9వ తేదీన గవర్నర్ సమక్షంలో జరగనున్న రెండు రాష్ట్రాల మంత్రుల సమావేశంలో తెలంగాణ విద్యుత్ సంస్ధలు రిలీవ్ చేసిన 1259 మంది విద్యుత్ ఉద్యోగుల వివాదం తేలనుంది. ఈ వివాదం 25 నెలలుగా కొనసాగుతోంది. ఏపి, తెలంగాణ రాష్ట్రాల విద్యుత్ సంస్ధ ఎండిలు గవర్నర్ నరసింహన్‌కు నివేదికలను సమర్పించనున్నారు. తెలంగాణ రిలీవ్ చేసిన 1259 మంది విద్యుత్ ఉద్యోగుల్లో 710 మంది ఉద్యోగులు ఆంధ్ర స్ధానికత కలిగినట్లు తేలింది. రాష్టప్రతి ఉత్తర్వుల మేరకు తెలంగాణలో లేదా ఆంధ్రాలో వరుసగా ఏడు సంవత్సరాల పాటు విద్యను అభ్యసించిన వారు స్ధానికులవుతారు. ఈ ప్రాతిపదికన మొత్తం 1259 మంది ఉద్యోగుల్లో 710 మంది ఆంధ్ర ప్రాంతానికి చెందిన వారు ఉన్నట్లు తేలింది. తెలంగాణ అధికారులు మాత్రం ఉద్యోగి జన్మించిన ప్రాతిపదికన తీసుకుని స్థానికతను పరిగణనలోకి తీసుకోవాలని వాదిస్తున్నారు. తెలంగాణ స్ధానికత కోసం నకిలీ విద్యా పత్రాలను సృష్టించారని తెలంగాణ అధికారులంటున్నారు. తెలంగాణ ఉద్యోగులు మాత్రం జన్మస్ధలం ప్రాతిపదికన తీసుకుంటే తప్ప తమకు అన్యాయం జరుగుతోందంటున్నారు. ఈ మొత్తం వ్యవహారంపై గవర్నర్ నరసింహన్ ఈ నెల 9వ తేదీ గురువారం సమీక్షించనున్నారు. తన అభిప్రాయాన్ని వెల్లడించనున్నారు. విద్యార్హత, జన్మస్ధలం అంశంపై తలెత్తిన వివాదంపై పోలీసు విచారణ చేపట్టి పూర్తి వివరాలను వెంటనే తెప్పించుకునే ప్రతిపాదనను కూడా రెండు రాష్ట్రప్రభుత్వాలు గవర్నర్‌కు నివేదించనున్నట్లు సమాచారం. కగాగా విద్యుత్ సౌద ప్రాంగణంలో తమకు న్యాయం చేకూర్చాలని కోరుతూ రెండు వారాలుగా రిలీవ్ అయిన ఉద్యోగులు నిరాహార దీక్షలు చేస్తున్నారు.
గవర్నర్ వద్ద హైదరాబాద్‌లోని 17 ప్రభుత్వ రంగ సంస్ధల ఆస్తులు, ఉద్యోగాల పంపకంపై కూడా చర్చలు జరగనున్నాయి. ఏపిఎస్‌ఆర్టీసి, ఆగ్రోస్, ఫుడ్స్, ఇండస్ట్రియల్ డెవలప్‌మెంట్ కార్పోరేషన్, డెయిరీ డెవలప్‌మెంట్ కార్పోరేషన్, మహిళా సహకార ఆర్ధిక సంస్ధ, సివిల్ సప్లైయిస్ కార్పోరేషన్, హౌసింగ్ కార్పోరేషన్, మినరల్ డెవలప్‌మెంట్ కార్పోరేషన్, టూరిజం డెవలప్‌మెంట్ కార్పోరేషనన్, వికలాంగుల సంస్ధ, స్పోర్ట్స్ అథారిటీ ఆఫ్ ఏపి, ఏపి ట్రాన్స్‌కో, ఏపి జెన్కో, సెంట్రల్ పవర్ డిస్ట్రిబ్యూషన్ లిమిటెడ్, ఈస్ట్రన్ పవర్ డిస్ట్రిబ్యూషన్ కంపెనీ, ఫిల్మ్, టివి, థియేటర్ డెవలప్‌మెంట్ కార్పోరేషన్ ఉన్నాయి. ఇవన్నీ 9వ షెడ్యూల్‌లో ఉన్నాయి. వీటి ఆస్తుల విలువను మదింపు చేసి, ఉద్యోగులను జనాభా నిష్పత్తి మేరకు పంపకాలు చేయాల్సి ఉంది.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.