తెలంగాణ
గవర్నర్‌తో కెసిఆర్ భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 25: గవర్నర్ ఇఎస్‌ఎల్ నరసింహన్‌తో తెలంగాణ ముఖ్యమంత్రి కె చంద్రశేఖర్‌రావు శుక్రవారం మధ్యాహ్నం భేటీ అయ్యారు. రాజ్‌భవన్‌లో ముఖ్యమంత్రి సుమారు రెండు గంటలపాటు గవర్నర్‌తో సమావేశమయ్యారు. శాసనసభ బడ్జెట్ సమావేశాలు కొనసాగుతున్న తీరు తెన్నులు, ఈ నెల 29న సభలో ప్రవేశపెట్టనున్న ద్రవ్యవినిమయ బిల్లు తదితర అంశాలపై చర్చించినట్టు తెలిసింది. అలాగే బడ్జెట్ సమావేశాలు ముగిసిన అనంతరం ఈ నెల 30, 31 తేదీలలో రెండు రోజుల పాటు ఉభయ సభల సభ్యులకు నీటిపారుదల ప్రాజెక్టులపై ముఖ్యమంత్రి పవర్ పాయింట్ ప్రజెంటేషన్ చేయనున్న అంశాన్ని కూడా గవర్నర్‌కు ముఖ్యమంత్రి వివరించినట్టు తెలిసింది. ప్రధాన మంత్రి నరేంద్ర మోదీ రాష్ట్రాల ప్రభుత్వ ప్రధాన కార్యదర్శులతో జరిపిన వీడియో కాన్ఫరెన్స్‌లో తెలంగాణ ప్రభుత్వానికి కితాబు ఇచ్చిన అంశాన్ని కూడా గవర్నర్‌కు ముఖ్యమంత్రి వివరించినట్టు సమాచారం.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.