బిజినెస్
ఇక విమానాశ్రయాల్లో తెలుగు అనౌన్స్‌మెంట్లు
S ,7 à 8 RSCA (si SASPAS) et 6 cialis pharmacie cialis rapports de stage.
విజయనగరం, మే 25: రాష్ట్రంలోని అన్ని ఎయిర్‌పోర్టుల్లో హిందీ, ఇంగ్లీష్‌తోపాటు తెలుగులో కూడా అనౌన్స్‌మెంట్ చేస్తారని కేంద్ర పౌరవిమానయానశాఖ మంత్రి పి.అశోక్‌గజపతిరాజు వెల్లడించారు. రాష్ట్రంలోని పలు సంస్థలు నిర్వహిస్తున్న ఎయిర్‌లైన్స్‌లతోపాటు ఎయిర్‌పోర్టులలో కూడా తెలుగులో అనౌన్స్‌మెంట్లు ఉండాలని డిప్యూటీ స్పీకర్ మండలి బుద్ధప్రసాద్ రాసిన లేఖకు కేంద్రమంత్రి అశోక్‌గజపతిరాజు స్పందించారు. దేశంలో అనేక భాషలు ఉన్నందున అన్ని భాషలలో క్రూ సిబ్బందికి శిక్షణ ఇవ్వడం కష్టసాధ్యమని, అందువల్లనే డొమెస్టిక్ విమానాల్లో హిందీ, ఇంగ్లీషులలో మాత్రమే అనౌన్స్‌మెంట్ చేస్తున్నామన్నారు. రాష్ట్రంలో ఎయిర్‌పోర్టు అథారిటీ ఆఫ్ ఇండియా స్వంతంగా నిర్వహిస్తున్న విశాఖపట్నం, రాజమండ్రి, విజయవాడ, తిరుపతి, కడప ఎయిర్‌పోర్టులలో ఇక నుంచి హిందీ, ఇంగ్లీష్‌తోపాటు తెలుగులో కూడా అనౌన్స్‌మెంట్ ఉంటుందని ఆయన స్పష్టం చేశారు.
సింగరేణిలో సమ్మె సైరన్
జూన్ 15 నుంచి ప్రారంభించాలని జాతీయ కార్మిక సంఘాల పిలుపు
కొత్తగూడెం, మే 25: సింగరేణి కాలరీస్ కార్మికులు జూన్ 15 నుంచి సమ్మె బాట పట్టనున్నారు. తెలంగాణ ప్రాంతంలోని అతిపెద్ద బొగ్గు పరిశ్రమ అయిన సింగరేణిలో వారసత్వ ఉద్యోగాల అమలు కోసం ఐదు జాతీయ కార్మిక సంఘాలు సమ్మెకు పిలుపిచ్చాయి. వారసత్వ ఉద్యోగాలపై గురువారం హైద్రాబాద్‌లో జాతీయ కార్మిక సంఘాల నాయకులకు, డిప్యూటీ లేబర్ కమిషనర్ (సెంట్రల్)కు చర్చలు విఫలం కావటంతో జాతీయ కార్మిక సంఘాల నాయకులు సమ్మెకు సిద్ధమయ్యారు. వారసత్వ ఉద్యోగాలను అమలుచేయాలంటూ గత నెలలో సమ్మె నోటీసు ఇచ్చిన నేపథ్యంలో జరిగిన ఈ చర్చలు విఫలం కావటంతో సమ్మె అనివార్యమయింది. సింగరేణి యాజమాన్యం అటార్నీ జర్నల్ అభిప్రాయం కోసం నెల రోజుల గడువు కోరినప్పటికీ కార్మిక సంఘాలు తిరస్కరించి సమ్మె చేయాలని నిర్ణయం తీసుకున్నాయి. సింగరేణి కాలరీస్ వర్కర్స్ యూనియన్ (ఎఐటియుసి) అధ్యక్షుడు వై గట్టయ్య, సింగరేణి కోల్‌మైన్స్ లేబర్ యూనియన్ (ఐఎన్‌టియుసి) కార్యదర్శి జనక్‌ప్రసాద్, సింగరేణి కాలరీస్ ఎంప్లాయిస్ యూనియన్ (సిఐటియు) కార్యదర్శి మంద నర్సింహారావు, భారతీయ మజ్దూర్ సంఘ్ (బిఎంఎస్) నాయకుడు మాధవ్‌నాయక్, హెచ్‌ఎంఎంస్ కార్యదర్శి రియాజ్ అహ్మద్ చర్చల్లో పాల్గొన్నారు. డిప్యూటీ చీఫ్ లేబర్ కమిషనర్ శ్యాంసుందర్, సింగరేణి యాజమాన్యం నుంచి డైరెక్టర్ పవిత్రన్‌కుమార్ హాజరయ్యారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.