తెలంగాణ
హైదరాబాద్‌లో కుంభవృష్టి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/ఖైరతాబాద్, జూలై 17: బంగాళఖాతంలో ఏర్పడ్డ అల్పపీడనం ప్రభావంతో నగరంలో సోమవారం భారీ వర్షం కురిసింది. గత మూడు రోజులుగా ఆకాశం మేఘావృతం అయి ఉన్నా వర్షం మాత్రం చిరుజల్లులతో సరిపెట్టుకుంది. కాగా సోమవారం ఉదయం నుంచి రాత్రి వరకు ఓ మోస్తరు నుంచి భారీ వర్షం నమోదైంది. భారీ వర్షం కారణంగా నగరంలో రోడ్లన్నీ జలమయం అయ్యాయి. వర్షంతో పంజాగుట్ట, లక్డీకాపూల్, ఖైరతాబాద్, అమీర్‌పేట, ఎస్సార్‌నగర్, ఉప్పల్, దిల్‌సుఖ్‌నగర్, బేగంపేట, కోఠి, అబిడ్స్, పాతబస్తీలోని పలు ప్రాంతాల్లో ట్రాఫిక్‌కు స్వల్ప అంతరాయం ఏర్పడింది. పంజాగుట్ట ప్రధాన రహదారిపై మోడల్ హౌస్ వద్ద నీరు నిలిచిపోవడంతో ట్రాఫిక్ సమస్య తలెత్తింది. అమీర్‌పేట మైత్రీవనం వద్ద, ఎస్సార్‌నగర్ మానసిక వైద్యశాల వద్ద రోడ్డుపై నీరు నిలిచిపోవడంతో వాహనదారులు ఇబ్బందులు ఎదుర్కొన్నారు. అయితే బోనాల సందర్భంగా సోమవారం కూడా సెలవు కావడంతో నగర రోడ్లపై ట్రాఫిక్ సమస్య అంతగా కనిపించలేదు. భారీ వర్షంతో ఖైరతాబాద్‌లోని మారుతీనగర్, బిఎస్ మక్తా, ఎంఎస్ మక్తా, ఇందిరానగర్, అశోక్‌నగర్ తదితర లోతట్టు ప్రాంతాల్లో నీరు చేరడంతో బస్తీవాసులు ఇబ్బందులు పడ్డారు.
నగరవాసుల సంతోషం
నైరుతి రుతుపవనాల ప్రభావంతో ఈ ఏడు వర్షాలు సమృద్ధిగా కురుస్తాయని భావించినా ఆశించిన స్థాయిలో వర్షపాతం నమోదు కాలేదు. గతంలో ఎన్నడూ లేని విధంగా జూన్ 1వ తేదీ నుంచే వర్షాలు ప్రారంభం అయినా సాధారణ వర్షపాతానికే పరిమితం అయింది. బోనాల సందర్భంగా తగినంత వర్షాలు కురవాలను అమాత్యుల నుంచి సాధారణ భక్తులు మొక్కుకున్న రెండు రోజుల్లోనే నగరంలో భారీ వర్షం కురియడంతో నగరవాసులు సంతోషాన్ని వ్యక్తం చేస్తున్నారు.
చిత్రాలు.. హైదరాబాద్‌లో కురిసిన వర్షానికి జలమయమైన రోడ్లపై అవస్థపడుతున్న వాహనదారులు
ఆంధ్రభూమి బ్యూరో
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.