తెలంగాణ
వైస్ చైర్మన్‌గా ఖాజా అత్తర్‌పటేల్‌లు ఏకగ్రీవ ఎన్నిక
S ,7 à 8 RSCA (si SASPAS) et 6 cialis pharmacie cialis rapports de stage.
సిద్దిపేట, ఏప్రిల్ 16 : మెదక్ జిల్లా సిద్దిపేట మున్సిపల్ చైర్మన్‌గా కడవేర్గు రాజనర్సు, వైస్ చైర్మన్‌గా ఖాజా అత్తర్‌పటేల్ ఎన్నికయ్యారు. రాజనర్సు మున్సిపల్ చైర్మన్‌గా రెండవ సారి ఎన్నికయ్యారు. మున్సిపల్ కార్యాలయంలో శనివారం చైర్మన్, వైస్ చైర్మన్ ఎన్నిక కోసం ప్రత్యేక సమావేశం నిర్వహించారు. ఎన్నికల ప్రిసైడింగ్ అధికారిగా, జడ్పీ సిఇఓ వర్షిణి వ్యవహరించారు. భారీ నీటిపారుదల శాఖ మంత్రి హరీష్‌రావు, మెదక్ ఎంపి కొత్త ప్రభాకర్‌రెడ్డి, ఎమ్మెల్సీ ఫారూక్‌హుస్సేన్, వివిధ పార్టీలకు చెందిన నూతన కౌన్సిలర్లు హజరయ్యారు. ఎన్నికల పరిశీలకులుగా దినకర్‌బాబు వ్యహరించారు. ఉదయం 11 గంటలకు సమావేశం ప్రారంభం కాగానే మున్సిపాల్టీకి కొత్తగా ఎన్నికైన కౌన్సిలర్లతో ప్రిసైడింగ్ అధికారి వర్షిణి ప్రమాణం స్వీకారం చేయించారు. అనంతరం మున్సిపల్ చైర్మన్, వైస్ చైర్మన్ ఎన్నికల ప్రక్రియ నిర్వహించారు. కడవేర్గు రాజనర్సు పేరును సీనియర్ కౌన్సిలర్ పల్లె వెంకట్‌గౌడ్ ప్రతిపాదించగా, 10వ వార్డుకు చెందిన మచ్చ వేణుగోపాల్‌రెడ్డి బలపర్చారు. చైర్మన్ పదవి కోసం ఒకే నామినేషన్ రావటంతో రాజనర్సు ఏకగ్రీవంగా ఎన్నికైనట్లు ఎన్నికల అధికారి వర్షిణి ప్రకటించగానే, కౌన్సిలర్లు కరతాళ ధ్వనులతో ఆమోదించారు. రాజనర్సుకు మున్సిపల్ చైర్మన్‌గా ఎన్నికైనట్లు ధృవీకరణ పత్రాన్ని అందచేశారు.
మున్సిపల్ వైస్ చైర్మన్ ఎన్నిక సందర్భంగా 10వ వార్డు కౌన్సిలర్ మచ్చ వేణుగోపాల్‌రెడ్డి ఖాజాఅత్తర్ పటేల్ పేరును ప్రతిపాదించగా, 32వ వార్డు కౌన్సిలర్ చిప్ప ప్రభాకర్ బలపర్చారు. వైస్ చైర్మన్ ఎన్నిక కోసం ఒకే నామినేషన్ రావటంతో ఏకగ్రీవంగా ఎన్నికైనట్లు ఎన్నికల ప్రిసైడింగ్ అధికారి వర్షిణి ప్రకటించారు. ఆనంతరం వైస్ చైర్మన్ ఎన్నికైనట్లు ధృవీకరణ పత్రాన్ని అందజేశారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.