రాష్ట్రీయం
కాల్‌మనీ నిందితులపై ‘నిర్భయ’ కేసులు పెట్టాలి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 20: విజయవాడ కేంద్రంగా రాష్టవ్య్రాప్తంగా ప్రకంపనలు సృష్టిస్తున్న కాల్‌మనీ వ్యవహారాన్ని ఏఒక్కరూ కూడా రాజకీయ కోణంలో చూడరాదని బిజెపి మహిళా మోర్చా జాతీయ ఇన్‌చార్జ్, మాజీ కేంద్ర మంత్రి దగ్గుబాటి పురంధ్రీశ్వరి అన్నారు. వడ్డీ సొమ్ము బకాయిదారులపై లైంగిక, మానసిక వేధింపులకు పాల్పడిన వారందరిపై నిర్భయ చట్టం కింద తక్షణం కేసులు నమోదు చేయాలని ఆమె డిమాండ్ చేశారు. ఇక్కడి బిజెపి రాష్ట్ర కార్యాలయంలో ఆదివారం ఏర్పాటు చేసిన విలేఖర్ల సమావేశంలో ఆమె మాట్లాడారు. అతి సామాన్యులు, చిరువ్యాపారులెవరూ వడ్డీ వ్యాపారుల బారిన పడరాదనే సదుద్దేశ్యంతోనే ప్రధాని నరేంద్ర మోదీ జన్‌ధన్ యోజన పథకాన్ని, ముద్రా బ్యాంక్‌ను నెలకొల్పారన్నారు. అత్యవసరాల కోసం ఇతరుల వద్ద చేయి చాపరాదనే లక్ష్యంతో బ్యాంక్ ఖాతా కలిగిన వారందరికీ రూ.5వేల వరకు ఓడీ సదుపాయాన్ని కల్పించారన్నారు. ముద్రా బ్యాంక్ ద్వారా ఇప్పటికి దాదాపు రూ.80లక్షల మంది చిరువ్యాపారులకు ఒక్కొక్కరికి రూ.58వేల వరకు రుణ సదుపాయం లభించిందన్నారు. రాజ్యసభలో జిఎస్‌టి వంటి ఎంతో కీలకమైన 16 బిల్లులు పెండింగ్‌లో ఉన్నాయన్నారు. దేశాభివృద్ధి కోసమే జిఎస్‌టి బిల్లును ప్రభుత్వం ముందుకు తెచ్చిందని ఆమె చెప్పారు. ప్రజాసామ్య వ్యవస్థలో మంచీచెడు చర్చించుకుని అవసరం మేరకు చట్టాలను చేయడానికే చట్టసభలున్నాయని, ఆర్డినెన్స్‌లతో ఈ దేశాన్ని పాలించాలనే కోర్కె బిజెపికి లేదన్నారు. నిర్భయ కేసులో బాల నేరస్థుడు కావటంతో ఒక దోషి మరణశిక్షను, అలాగే జీవిత ఖైదును కూడా తప్పించుకుని జైలు నుంచి బైటకు రాగలిగాడని పురంధ్రీశ్వరి అన్నారు. అందుకే బాలనేరాల చట్టాన్ని సవరించడానికి బిజెపి ప్రయత్నిస్తుంటే కాంగ్రెస్, ఇతర విపక్షాలు అడ్డుకుంటున్నాయన్నారు. జ్యోతిసింగ్‌పై జరిగిన అమానుష హింసలో ఈ బాలనేరస్థుని పాత్ర ఎక్కువగా ఉందని, అయితే అప్పటికీ 18ఏళ్లకు కొద్దిమాసాలు తక్కువగా ఉండబట్టి సంస్కరణ గృహంలో మూడేళ్లపాటు ఉంచి నేడు విడుదల చేశారన్నారు. కాలమాన పరిస్థితుల్లో పిల్లల్లో ఎక్స్‌పోజ్, మేథోపరిమితి పెరుగుతుందని వారిలో నేరప్రవృత్తి కూడా పెరుగుతున్నందనే బాలనేరస్థుల వయస్సు పరిమితిని 18నుంచి 16ఏళ్లకు కుదించేందుకు బిజెపి చట్టసవరణ కోసం బిల్లును తీసుకొస్తే విపక్షాలు అడ్డుకుంటున్నాయని అన్నారు. చట్టసభల్లో మహిళా రిజర్వేషన్ బిల్లుకు బిజెపి అనుకూలంగా ఉందని ఓ ప్రశ్నకు సమాధానంగా చెప్పారు. మిత్రపక్ష బిజెపి, తెలుగుదేశం పార్టీల మధ్య భిన్నాభిప్రాయాలు ఉన్నప్పటికీ రెండు పార్టీల నేతలు కూర్చొని సర్దుబాటు చేసుకుంటున్నారని చెప్పారు. అలాగే నామినేటెడ్ పదవులపై కూడా చర్చిస్తున్నామని పురంధ్రీశ్వరి వివరించారు. విలేఖర్ల సమావేశంలో మహిళా మోర్చా రాష్ట్ర అధ్యక్షురాలు మాలతీ రాణి, ఐటి విభాగం ఇన్‌చార్జి జోగులాంబ, తదితరులు పాల్గొన్నారు.
విలేఖరులతో మాట్లాడుతున్న పురంధ్రీశ్వరి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.