రాష్ట్రీయం
ఆంధ్రలో వరద నష్టాల అంచనాకు రెండు కేంద్ర బృందాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 7: ఆంధ్రప్రదేశ్‌లో ఇటీవల కురిసిన భారీ వర్షాలకు దెబ్బతిన్న ప్రాంతాలను అంతర్‌మంత్రిత్వశాఖల అధికారులతో కూడిన కేంద్ర బృందాలు రెండు పరిశీలించనున్నాయి. వరద ప్రాంతాల్లో జరిగిన నష్టాన్ని ఈ కమిటీలు అంచనా వేస్తాయి. ఈ కమిటీలు 8వ తేదీన హైదరాబాద్ చేరుకుంటాయి. అదే రోజు వరద ప్రాంతాలకు బయలుదేరి వెళ్తాయి. హోం మంత్రిత్వశాఖ జాయింట్ సెక్రటరీ సత్యేంద్ర గార్గ్ నేతృత్వంలోని కమిటీ 9వ తేదీ నుండి 11 వరకూ నెల్లూరు జిల్లాలో పర్యటిస్తుంది. ఈ కమిటీలో ఉపరితల రవాణా, హైవేల మంత్రిత్వశాఖ రీజనల్ అధికారి ఎ కృష్ణప్రసాద్, వ్యవసాయ మంత్రిత్వశాఖ డిప్యూటీ డైరెక్టర్ మనోజ్ కుమార్ వర్మ, నీతి ఆయోగ్ రీసెర్చి ఆఫీసర్ వెంకట నారాయణ అంగిన ఉంటారు. ఇక రెండో బృందానికి వ్యవసాయ మంత్రిత్వశాఖ డైరెక్టర్ ఎస్‌ఎం కొల్హాత్కర్ నాయకత్వం వహిస్తారు. ఈ బృందంలో గ్రామీణాభివృద్ధిశాఖ డిప్యూటీ సెక్రటరీ రేఖా చౌహాన్, సిడబ్ల్యుసి ఎస్‌ఇ ఒఆర్‌కె రెడ్డి, ఆర్ధిక మంత్రిత్వశాఖ డిప్యూటీ సెక్రటరీ హరి మిశ్రా ఉంటారు. రెండు మూడు రోజుల పాటు జిల్లాల్లో పర్యటించి వచ్చిన తర్వాత ఈ బృందాలు ప్రభుత్వ ప్రధానకార్యదర్శి ఐ వై ఆర్ కృష్ణారావు, వివిధ శాఖల కార్యదర్శులతో సమావేశమవుతాయి. అనంతరం నష్టాలపై అంచనాకు వచ్చి ముఖ్యమంత్రి ఎన్ చంద్రబాబునాయుడును ఈ నెల 11వ తేదీన విజయవాడలో కేంద్ర బృందాలు కలుస్తాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.