ఉత్తరాయణం
వీరికీ అదే గతి తప్పదు..
S ,7 à 8 RSCA (si SASPAS) et 6 cialis pharmacie cialis rapports de stage.
కేంద్రంలో ఏ పార్టీ అధికారంలో ఉన్నా ఆంధ్రప్రదేశ్‌కు జరిగింది, జరుగుతున్నదీ అన్యాయమే. గతంలో నేషనల్ ఫ్రంట్ , యునైటెడ్ ఫ్రంట్ , యూపిఎ నేడు ఎన్‌డిఏ అయినా ఆంధ్రప్రదేశ్‌కు జరిగిన ప్రయోజనం అంటూ ఏమీ లేదు. ప్రతి చిన్న విషయానికీ కేంద్రంతో పోరాటం చెయ్యాల్సి వస్తున్నది. రాష్ట్రాన్ని అడ్డుగోలుగా విభజించిన కాంగ్రెస్ కాని, తాము అధికారంలోకి వస్తే ప్రత్యేక హోదా ఇస్తాం అంటూ ప్రగల్భాలు పలికిన బిజెపి నేతలు కాని ఈ రాష్ట్రాన్ని అనాథలా తయారుచేశారు. హోదా అన్నారు- అదీ లేదు, ప్యాకేజీ అన్నారు- అది కూడా దక్కలేదు. అందరూ కలిసి ఏపిని నిలువునా ముంచారు. ప్రజల ఆగ్రహానికి గురైనందునే 2014 ఎన్నికల్లో కాంగ్రెస్ తుడిచిపెట్టుకుపోయింది. ఆ పార్టీ కేంద్రంలో సైతం తన ప్రాభవాన్ని కోల్పోయింది. ప్రజల ఆకాంక్షలకు భిన్నంగా వ్యవహరిస్తే టిడిపి, బిజెపి కూటమికి అదే గతి పడుతుంది!
-మార్టూరు అజయ్‌కుమార్, రామచంద్రపురం
రిజర్వేషన్ల మతలబు ఏమిటి?
తెలంగాణ సిఎం కేసిఆర్ ముస్లింలకు ప్రతిపాదించిన రిజర్వేషన్ల పెంపు అంశం ఆచరణ సాధ్యం కాదని ఆయనకూ తెలుసు. ఆ బిల్లు పార్లమెంటులో ఆమోదం పొందకపోతే ఆ నేరం భాజపా మీదకూ, కోర్టు కొట్టేస్తే న్యాయవ్యవస్థపై నెపాన్ని నెట్టివేసి- తాను చేతులు దులుపుకొని పరిశుద్ధునిగా బయటపడవచ్చన్నది ఆయన వ్యూహం. ఇది ముస్లిం రిజర్వేషన్ కాదు- వారి వెనుకబాటుతనానికి తాను ఇస్తున్న రిజర్వేషన్ అని ఆయన చెప్పినా- అగ్రకులాల్లోని పేదల సంగతేమిటి? ముస్లింలకు మాత్రమే రిజర్వేషన్లు పెంచడాన్ని ఏమంటారు? పిల్లి పాలు తాగుతూ ఎవరూ చూడటం లేదనుకోవడం కేవలం భ్రమ. ప్రజలు చూస్తున్నారు..!
-సత్య, కరప
నిజాయితీ ముఖ్యం
ఉత్తరాదికి చెందిన సీనియర్ ఐఎఎస్ అధికారి ఎకె సింఘాల్‌ను టిటిడి ఈవోగా నియమించడాన్ని జనసేన పార్టీ అధినేత పవన్‌కళ్యాణ్ విమర్శించగా, ఐఏఎస్ అధికారుల సంఘం తగిన సమాధానం చెప్పింది. ఆ తర్వాత జనసేన నేతలు స్వరం మార్చి- ‘అబ్బే! ఉత్తరాదివారిని నియమించకూడదని అనలేదు. మధుర, వారణాసి లాంటి చోట్ల దక్షిణాదివారిని నియమించమని కోరాం’ అంటూ సర్దుకున్నారు. పవన్ వ్యాఖ్య ఎంత అసమంజసమో ఈ సర్దుబాటూ కూడా అంతే. ఏ అధికారి ఎక్కడ పనిచేయాలన్నది ముఖ్యమంత్రి ఇష్టం మీద ఆధారపడుతుంది. టిటిడి బోర్డు సభ్యుడిగా ఉంటూనే తమిళనాడుకు చెందిన శేఖర్‌రెడ్డి అక్రమ వ్యాపారాల్లో కోట్లు గడించాడు కదా! పని సామర్ధ్యం, నిజాయితీ ముఖ్యం గాని- ఫలానా అధికారి ఏ ప్రాంతం వాడన్నది అనవసర విషయం. ఉన్నతాధికారులకు సంబంధించి ఇలా ప్రాంతీయ వాదంతో ఆలోచించడం సమంజసం కాదు.
-లక్ష్మి, కాకినాడ
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.