ఉత్తరాయణం
పరిణామ సిద్ధాంతం.. అధికారిక రాద్ధాంతం
S ,7 à 8 RSCA (si SASPAS) et 6 cialis pharmacie cialis rapports de stage.
కేంద్ర మానవ వనరుల శాఖ సహాయమంత్రి సత్యపాల్‌సింగ్ డార్విన్ పరిణామ సిద్ధాంతం తప్పు అని సెలవిచ్చారు. దానికి ఆయన తెచ్చిన ఋజువేమిటంటే ఆ సిద్ధాంతం చెబుతున్నట్టుగా కోతి నుంచి మనిషి పుట్టాడన్నది ఎవరూ చూడలేదు, రాయలేదు కదా అన్నది. వాదన బాగానే ఉంది. కానీ ఒక శాస్ర్తియ సిద్ధాంతం తప్పు అని నిరూపించడానికి వితండ వాదన ఒక్కటే సరిపోదు. ప్రత్యామ్నాయ వైఖరికి మద్దతుగా బలమైన, నిరూపించదగ్గ సాక్ష్యాలు కావాలి. అవి లేకుండా మాట్లాడడం కేవలం సొంత అభిప్రాయం కిందే మిగిలిపోతుంది. ఆయన ఇంతటితో ఆగినా బాగుండేది. పాఠ్యాంశాల్లోంచి డార్విన్ సిద్ధాంతాన్ని తొలగించాలని ఎకాయెకీ తీర్మానించారు. అది బరి తెగింపు. బాధ్యతారాహిత్యం. ప్రజల్లో శాస్ర్తియ దృక్పథం పెంపొందించేలా ప్రభుత్వం కృషి చేయాలని రాజ్యాంగంలోని ఆదేశిక సూత్రాలు చెబుతున్నాయి. అమాత్యులు అందుకు భిన్నంగా ప్రవర్తించకూడదు. డార్విన్ పరిణామ సిద్ధాంతాన్ని ప్రపంచం అంగీకరించింది. ససాక్ష్యంగా ఋజువుచేయనిదే, నేను ఏది చెబితే అది సత్యం అంటే కుదరదు. బాధ్యతాయుత పదవుల్లో ఉండేవారు ఆషామాషీగా మాట్లాడకుంటా ఉంటే మేలు. మంత్రిగారు కోతి నుండి మనిషి ఉద్భవించాడని నమ్మలేకపోవచ్చు. కానీ బుద్ధుల్లో మనిషి నుండి కోతిగా మారొచ్చనేది నమ్మితీరాలి. అదే.. పరిణామ సిద్ధాంతం. కాకపోతే ఉల్టాపల్టా!
డి.వి.జి.శంకరరావు, పార్వతీపురం
యూట్యూబ్‌లో
కాళేశ్వరం పనులు
తెలంగాణ ప్రభుత్వం ప్రతిష్టాత్మకంగా చేపట్టిన కాళేశ్వరం ప్రాజెక్టు పనులు చురుకుగా సాగుతున్నాయి. ఇటు గవర్నర్, అటు కేంద్రం ఈ ప్రాజెక్టుల వేగాన్ని చూసి అచ్చెరువొందుతున్నాయి. ఒకప్పుడు ఈ ప్రాజెక్టు గురించి విపులంగా పవర్‌పాయింట్ ప్రజెంటేషన్ చేసిన సీఎం పట్టుదలగా ఆ ప్రాజెక్టు పనులు చేయించడాన్ని గవర్నర్ ప్రశంసించడం విపక్షాలకు నచ్చినట్లు లేదు. వారి విమర్శల్లో పదును లేదు. నిజానికి ఈ ప్రాజెక్టు పనులు జరుగుతున్న తీరు, దశలపై నెలనెలా వీడియో తీసి వాటిని యూట్యూబ్‌లోను, ప్రభుత్వ వెబ్‌సైట్లలోనూ ప్రజలకు అందుబాటులో ఉంచాలి. అప్పుడు తెలంగాణ ప్రభుత్వం చేస్తున్న పని ఏమిటో తేటతెల్లం అవుతుంది. కువిమర్శలు చేస్తున్నవారికి సమాధానం చెప్పినట్లూ ఉంటుంది. నిజానికి తెలంగాణలో రైతులకు కాళేశ్వరం వల్ల ఎంతో మేలు జరుగుతుంది. ఇలాంటి పనులపై సరైన విమర్శలు చేయకపోతే విపక్షాలు ప్రజలకు దూరం అవుతారు. బాధ్యతాయుతంగా వ్యవహరిస్తూ ప్రాజెక్టు పనుల్లో లోపాలను ఎత్తిచూపుతూ ప్రభుత్వాన్ని సరైన మార్గంలో పెడితే అప్పుడు విపక్షాలకు విలువ ఉంటుంది. రాజకీయ వైరంతో విమర్శలు చేస్తే ఉపయోగం ఉండదు సరికదా నష్టం తప్పదు.
-చామర్తి వెంకటరామకృష్ణ, హైదరాబాద్
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.