ఉత్తరాయణం
మనె్నం పోరు..
S ,7 à 8 RSCA (si SASPAS) et 6 cialis pharmacie cialis rapports de stage.
తాతముత్తాతల కాలం నుంచి
ఇక్కడే జీవనం సాగిస్తున్నాం
నల్లమల మా పుట్టిల్లు
చెట్టుచేమ, ఆకు అలములు
సకల జీవులు మా తోబుట్టువులు
కొండకోనలు, వాగువంకలు,
నదులు, సెలయేళ్ళు
మా ఇలవేల్పులు
అడవితల్లిని నమ్ముకున్నోల్లం
అనె్నం పునె్నం ఎరుగని ఆదివాసీలం
ఇప్పుడు
మా నల్లమల ‘ఎద’మీద
మీ కార్పొరేట్ కండ్లు పడ్డయ్
యురేనియం పేరిట ఉరితాళ్ళు పేనుతున్నరు
అటవీ సంపద కొల్లగొట్టే కుట్రలు పన్నుతున్నరు
పచ్చదనపు గుండెల్లో గునపం
దింపజూస్తున్నరు
మాఫియా ముష్కరులారా!
ఎగదోస్తున్న ఏలికల్లారా!
మీ ధ్వంసరచన ఇలాగే సాగిస్తే...
వౌనం గొంతుకలోంచే
ధిక్కార స్వరాలు వినిపిస్తాయి
భయం గుండెలోంచే విల్లంబులు విరబూస్తాయి
నిర్బంధం నీడలోంచే ఆయుధాలు మొలుస్తాయి
ఇకనైనా..
‘నల్లమల’పై మీ చీకటి చేష్టలు చాలించండి
కుయుక్తుల మృత్యురాగాలు విరమించండి
కాదు...కూడదు... అన్నారో!
మరో ‘మనె్నం పోరు’ రగులుట తథ్యం...
ఆ అగ్నిజ్వాలలో మీరు,
మీ దోపిడీ వ్యవస్థలు కాలి కూలుట సత్యం...
(నల్లమలలో యురేనియం తవ్వకాలపై ఆదివాసీల మనోగతం)
-కోడిగూటి తిరుపతి 95739 29498
యురేనియం తవ్వకాలు వద్దు
నల్లమల అడవుల్లో ప్రభుత్వం తలపెట్టిన యురేనియం వెలికితీత కార్యక్రమం ఉభయ తెలుగు రాష్ట్రాలకు తీరని నష్టం కలగజేస్తుంది. ఆ ప్రాంతంలో పర్యావరణ కాలుష్యంతోపాటు, కృష్ణానది నీటిని కలుషితం చెయ్యడం ద్వారా లక్షలాది మందిపై దుష్ప్రభావం చూపుతుంది. అక్కడ నివాసమున్న ప్రజలు, మూగజీవులు దీర్ఘకాలిక వ్యాధుల బారిన పడే అవకాశాలు అధికమని వైద్య నిపుణులు హెచ్చరిస్తున్నారు. కడప జిల్లా తుమ్మపల్లె ప్రాంతంలో చేపట్టిన యురేనియం తవ్వకాల వల్ల జరుగుతున్న నష్టం కళ్లెదుటే ఉండడాన్ని వారు గుర్తు చేస్తున్నారు. రక్షణ, వ్యూహాత్మక ఆయుధ అవసరాల కోసం రేడియో ధార్మిక యురేనియం లాంటివి దిగుమతి చేసుకుంటేనే మంచిది. యురేనియంను అధికంగా వినియోగిస్తున్న అమెరికా కూడా తన అవసరాలకు 90 శాతాన్ని దిగుమతి చేసుకొంటోంది. మన దేశంలో విద్యుత్ అవసరాల కోసం ప్రత్యామ్నాయ మార్గాలు పుష్కలంగా ఉన్నాయి. సౌర, వాయు విద్యుత్ వినియోగంలో ఇంకా మనం ప్రాథమిక దశలోనే ఉన్నాం. వాటిని పూర్తిగా వినియోగించుకొంటే దేశీయ అవసరాల్ని సులభంగా తీర్చుకోవచ్చు. ప్రకృతిపరంగా ఉన్న అనుకూలతల్ని వదిలి, అణు కుంపట్లని తలకెత్తుకోవడం మతిలేని పని. కాబట్టి కేంద్రం, ఉభయ తెలుగు రాష్ట్రాలు నల్లమల అడవుల్లో యురేనియం తవ్వకాల ఆలోచన పక్కకు పెట్టాలి. ప్రత్యామ్నాయ ఇంధన వనరులపై దృష్టిపెట్టాలి. దీర్ఘకాలికంగా దేశాన్ని ఆదుకొనే మార్గమిదే.
-డా. డి.వి.జి.శంకరరావు, విజయనగరం
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.