ఉత్తరాయణం
పర్యావరణాన్ని కాపాడుదాం
S ,7 à 8 RSCA (si SASPAS) et 6 cialis pharmacie cialis rapports de stage.
మానవ సమాజాన్ని ఓ వైపు ఉగ్రవాద, అణుబాంబు భయం, మరో వైపు ‘గ్లోబల్ వార్మింగ్’ (్భమి వేడెక్కకడం) తీవ్రంగా భయపెడుతున్నాయి. పారిశ్రామిక దేశాలు ఇష్టమొచ్చినట్టుగా గ్రీన్‌హౌస్ వాయువులను విడుదల చేస్తుండడంతో భూగోళం అంతకంతకూ వేడెక్కిపోతోంది. ఎన్నో అధ్యయనాలు ఈ విషయాన్ని చెబుతున్నా అగ్రరాజ్యాలు పట్టించుకోకపోవడం శోచనీయం. మంచు కరిగిపోయి సముద్ర మట్టాలు పెరిగిపోతున్నాయి. వాతావరణ మార్పులు తీవ్ర వ్యాధులకు కారణమవుతున్నాయి. ఈ విలయాలను ఆపాలంటే అభివృద్ధి చెందిన దేశాలన్నీ చిత్తశుద్ధితో వ్యవహరించాలి. భావితరాలు నిశ్చింతగా జీవనం గడపాలంటే వాయు కాలుష్యాన్ని తగ్గించి పర్యావరణాన్ని పరిరక్షించడం తప్పనిసరి. పరిస్థితులు చక్కబడాలంటే పౌరులందరు విధిగా కొన్ని సామాజిక బాధ్యతలు నిర్వర్తించాలి. పరిసరాల్లో మొక్కల్ని విరివిగా నాటాలి. ఇంటింటా ఇంకుడు గుంతల నిర్మాణం నిబంధనను కచ్చితంగా అమలు చేయాలి. సౌర విద్యుత్ వాడకాన్ని ప్రోత్సహించాలి. విద్యుత్, నీరు, కాగితం దుర్వినియోగాన్ని అరికట్టాలి. వ్యక్తిగత వాహన వినియోగాన్ని తగ్గించుకునే మార్గాలను అనే్వషించాలి.
-గూరుడు అశోక్, గోదూర్
పసలేని పవన్ విమర్శలు
‘జనసేన’ అధినేత, సినీనటుడు పవన్ కల్యాణ్ ఈమధ్య సారం లేని వ్యాఖ్యలు చేస్తున్నారు. దక్షిణాది వారు నల్లగా ఉన్నా వివక్ష లేకుండా వారితో కలిసి పనిచేస్తున్నామని ఒక భాజపా నేత అన్నందుకు- ఆయనపై ఒంటికాలిపై లేచాడు పవన్. ఆ నేత అన్నదాంట్లో తప్పేం ఉంది? తెలుగు సినిమాల్లో నల్లవారి పట్ల వివక్ష కొనసాగడం పవన్‌కి తెలియదా? ఆ వివక్ష నిర్మూలనకు ఆయనేం చేశాడు? మిర్చి రైతులకు మద్దతుగా కేంద్రం క్వింటాల్‌కు 5 వేలు ప్రకటించడాన్ని విమర్శిస్తునన్నాడు. సినిమాల్లో నటిస్తూ కోట్లు ఆర్జిస్తున్న పవన్ రైతుల కోసం ఏ మేరకు విరాళం ఇచ్చాడు? షూటింగ్‌లు లేనప్పుడు హైదరాబాద్‌లో తీరుబడిగా కూర్చుని పవన్ ఇలా మొసలి కన్నీరెందుకు?
చంద్రిక, కాకినాడ
‘ఆధార్’తో అనర్థాలు..
బ్యాంకులు, పోస్ట్ఫాసులు, రైల్వేశాఖ, మొబైల్ నెట్‌వర్క్‌లో ఏ పని కావాలన్నా ఆధార్ కార్డు కాపీని సంతకం చేసి ఇమ్మంటున్నారు. అమాయక ప్రజలు అలాగే ఇచ్చేస్తున్నారు. ఆధార్ జిరాక్స్ కాపీలు చేజిక్కించుకున్న సంఘ వ్యతిరేక శక్తులు తమ స్వార్థానికి వాడుకుంటున్నట్లు వార్తలు వస్తున్నాయి. ఏమీ తెలియని ప్రజలు చిక్కుల్లో పడుతున్నారని అంటున్నారు. ఆధార్ ఇచ్చేటప్పుడు సంతకం, తారీఖు, ఎందుకు ఇస్తున్నామో కారణం రాసి మరీ ఇమ్మని వాట్సప్‌లో మెసేజీలు వస్తున్నాయి. తస్మాత్ జాగ్రత్త..!
-ఎన్.రామలక్ష్మి, సికింద్రాబాద్
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.