వీరాజీయం

వయ్యారి కనె్న కన్నుగీటితే.. మన్మధ బాణమే!

S ,7 à 8 RSCA (si SASPAS) et 6 cialis pharmacie cialis rapports de stage.

‘అందంలో పందెం వేస్తా.. అందాల మకరందాలు అందెల్లో చిందిస్తా’ నంటూ- ఈ అందాలరాశి చిందులు వెయ్యలేదు. ఓసారి ‘ఇలా’ కన్నుకొట్టింది అంతే- కటారి చూపుల కనె్నపిల్ల ఇంకా టీనేజరే.. విరిసీ విరియని మొగ్గ- ఈమధ్యే కాలేజీలో బికాంలో చేరింది. కానీ నిన్నటిదాకా ‘ఇసుకూలు’ పిల్లే.. కామ్‌గా వుండే రకం గాదు ‘‘ఓరు ఆడారు లవ్’’ అనే మలయాళ సినిమాలో అరంగేట్రం చేస్తోంది. పేరు ప్రియాప్రకాష్ వారియార్- కురువింద పువ్వు లాంటి పిల్ల. ‘వాలంటైన్స్ డే’ సంబరాల సందర్భంలో - తాను నటిస్తున్న సినిమా ‘ఆడారు లవ్’ పాటలోని ఓ చిన్న మచ్చుముక్కని పాడుతూ చూపించిందో లేదో మొత్తం జనాలు ఫిదా అయిపోయారు- ఔను, వూరికే, ఇలాపాడుతూ కనబడినదా? కటారి కన్నుల చిన్నది? కిసుక్కున కన్నుకొట్టి.. కన్ను కొట్టి మోహాన్ని సమ్మోహనంగా ఇలా తిప్పింది.. అదీ కేవలం ఫినిష్ ముప్పయి రెండు సెకన్లు పరిగెత్తే చరణం అది - ‘మాణిక్యాలరా పూవై..’ అంటే ఓ కురువింద పూలబాలా - ‘మాణిక్య పువ్వులాంటి’ చిన్నదాన, మదీనాలో మహారాణి లాగ విలసిల్లినదానా?.. అంటూ ఆ పిల్లని వర్ణిస్తూ సాగే సుమధుర సంగీతమ్.. ముగ్ధులై ఓ నలభై లక్షల జనాలు ‘లైకులు’ కొట్టి- గూగుల్‌ని తెగ వెర్రిగా వెతికేసి చూశారు - అదీ విషయం - ముంబయిలో పుట్టిన ఈ మలయాళీ కుట్టి అక్కడ కొంత పెరిగి వాళ్ల నాన్నకి ట్రాన్స్‌ఫర్ కాగా ఎర్నాకుళం వచ్చింది- మోడలింగ్, సింగింగు, డ్యాన్సింగ్ వగైరా నేర్చుకుంటూ మొత్తం మీద ఆడిషనులో పైమెట్టేక్కేసింది.. ఈ సినిమా డైరెక్టర్ జనాబ్ ఒమర్ లులూ ఈమెకి మరో నలుగురు అమ్మాయిలతో పాటు ఎగిరి గెంతేసే చక్కని పాత్రని ఇచ్చాడు -
ఇక ఈ పాట సంగతి. దీనిని మలబార్‌లో ఒక ముస్లిం సంప్రదాయ బద్ధమయిన పాటగా - పాడుకుంటూనే ఉంటారుట. కాకపోతే కన్నుగొడుతూ కాదు. పైగా తీస్తున్న ఆ సినిమాకు నిర్మాత దర్శకుడు రచయితా అందరూ మహమ్మదీయులే- కానీ ఈ అందాల బొమ్మ ఇలా కన్నుకొట్టడంతో అసలు చిక్కు వచ్చి పడ్డది. దీని మానానా ఇది వైరల్ అయిపోయింది కాని, ఆ కన్ను గీటుడు తోనే మొదట హైదరాబాద్‌లో ఆనక మిగతా రాష్ట్రాలలో ముస్లిం వర్గాలలో కినుక మొదలైంది. సరే ఇప్పుడు పాట లిటిగేషన్ అయ్యింది. వివాదంతో కోర్టుకి వచ్చింది కనుక మనం- దానిమీద ‘నో డిస్కషన్’..
పోలీస్‌స్టేషన్- హైదరాబాద్ ఎఫ్‌ఐఆర్‌ల నుంచి ముంబయిలో క్రిమినల్ కేసుల దాకా కథ నడుస్తున్నది - దీనితో ప్రియప్రకాష్ నిర్మాత కూడా ముందస్తు జాగ్రత్తగా సుప్రీం కోర్టు తలుపు తట్టారు. కోర్టువారు రెడీగా విచారిస్తామన్నారు- నిర్మాత చెప్పాడు- ఈ సినిమాకి ఇంతవరకు కోటిన్నర ఖర్చు చేశాం అంతా పూర్తి చేసి జూన్‌లో విడుదల చేస్తామనుకుంటున్నాము అని.. అదిట్లుండ నిండు.. ఈ కటారి చిన్నారి - ‘సోషల్ మీడియా’ అని ముద్దుగా మనం అంటూ వుంటామే మనం- అందులో ఓ చిన్నసైజు సునామీ తీసుకువచ్చింది. ‘ఇన్‌స్టాగ్రామ్’ నుండి ట్వీట్‌ల లోకంలోకి, ఫేస్‌బుక్‌లోకి- ఈ పిల్ల అందాల చర్చ గుర్రపుడెక్కలాగ అల్లుకుపోయింది. వీడియో కెమెరాలు- మీడియా ప్రతినిధులు పోటీపడి మరీ పరుగులు తీశారు. వైరల్ అయిపోయిన ఈ చిన్ని జున్ను ముక్కలాంటి కన్ను గీటుడు- ఎంత కిర్రెక్కించింది అంటే - ‘ప్రియా మళ్ళీ మళ్ళీ అలాగే కన్ను గొట్టు ప్రియా..- కనుబొమ్మల్ని మన్మధబాణం లాగ లాగి సంధించు అదీ అలా..’ అంటూ- పదేపదే ప్రాధేయపడి ఇంటర్వ్యూలు చేసోస్తోంటే - పాటని కూడా చిన్న పిసరు తన కోకిల సదృశ గాత్రంతో పాడడం - కూడా మొదలెట్టింది పాప- ఈటె ఎందుకు? బాణ మెందుకు? చిన్నదాని చూపు- చాలునూ..
అది చూపా? మన్మధుడు ఎక్కుపెట్టి వదిలిన తూపు.. కాని అటు వైరల్ దెబ్బకి గింజుకుంటున్న కళాభిమానులు ప్రశ్నల వానతో ఆమెకు నీరాజనాలు పడుతూ వుంటే బాలీవుడ్‌లో భూమి కంపించ జొచ్చింది- నిన్నటి దాకా ఫేసుబుక్కు మీద- సన్నీ లియోన్ అనే సెక్స్ బాంబు రాజ్యం ఏలింది. సెర్చ్ కొట్టినా లైక్ కొట్టినా - సన్నీదే పైచెయ్యి.. ఆ తరువాత, దీపిక పదుకొనే.. అప్పుడు కత్రినా కైఫ్ ఇంకా ఇటీవల రంగంలో రంగులు చిమ్ముతున్న - వలపు వొంపుల వయ్యారి అలియా భట్‌దే ముందు స్కోరు... రెండు రోజుల్లో వీళ్ళ రికార్డులని- ప్రియ ఇంతపిసరు మొహమాటం లేకుండా ఓసారి ఇలా కన్నుగీటి - అలా మూతితిప్పి- కనుబొమ్మలతో సమ్మోహక చిత్తరువులు పలికించి - వీళ్లందరినీ లుమ్మ చుట్టి అవతల పారేసింది. పాపం! అవతల ఈమెకి స్పందించే పాత్ర వేసిన కుర్రాడు కూడా-కేకా-లేదా ఈనాటి కుర్రాళ్ళ మాటల్లో చెప్పాలి అంటే - గొప్ప ‘‘తోపే’’ కాని ఎవడూ పట్టించుకొనే నాథుడు లేదు.. ఈ ‘‘కన్ను-గన్ను’’కి మీ కాలేజీ కుర్రకారంతా- డమాల్ అయిపోయి వెంట పడుతున్నారా?- అడిగాడో- సినీ జర్నలిస్ట్ లేదండీ బాబూ! నేను ఆడపిల్లల కాలేజీకి పోతున్నా... అని ఇలా నవ్వేసింది- ప్రియ/ ‘‘నాకు మోజు? ఎవరిమీద అయినా ‘ఇదా?/’’.. అబ్బే అట్టి పిచ్చి గట్రా.. అదేమిలేదండీ- అసలు మా వాళ్లు బయట అడుగే పెట్టనివ్వటం లేదు.. మరి? అని జవాబు. ప్రియా కేవలం కన్ను కొట్టడమే - సోషల్ మీడియాలో యమ సక్సెస్ అయింది కాని ఇంటర్ వ్యూలలో- కన్నుగీటక- ఊరుకుందా? రెండు వ్రేళ్ళు- లేత బెండకాయల్లాంటి తన రెండు వేళ్లు - ఇలా తుపాకీలాగ చేసి- ఆ వేలిద్వయాన్ని తన మాణిక్య పుష్పం రేకులవంటి పెదవులకి సుతారంగా తాకించి- ఆ కుర్రది మనవైపు- అంటే కెమెరాలోకి గురిపెట్టి డిష్యుం డిష్యుం అని నవ్వింది- పడ్డారు బోర్లా.. సదరు యూ ట్యూబు వీడియో కూడా అరిగిపోయింది- కాని రసికజన ప్రేక్షక మహాజనం అలసిపోలేదు- ఇట్టి తరి- ‘‘అమ్మాయ్! ప్రియా! మీ డాడీ క్యా కర్తెహైన్? మమీ హ్యాపీనా? నువ్వు ముంబాయి వెళ్ళగలవా/’’ లాంటి ప్రశ్నలు వేయడంలో మీడియాకు మొహమాటం వుండదు.. ఈ అందాల బొమ్మలకి కోరికల్ని ఏకరువు పెట్టడానికి విసుగు వుండదు- ఓ మీడియా వాలా ప్రశ్న. దీనికి - మా డాడ్ - సెంట్రల్ ఎక్సైజు- ముంబయిలోనే చదువుకున్నాను- అంటే హిందీ వచ్చును- అని అర్థం. ప్రపంచ సుందరి మానుషి చిల్లర్ మొదట - అబ్బే అబ్బే నేను సినిమాలకు వల్లను అన్నది కాని ఆడువారి మాటలకి అర్థాలే వేరు - కొంచెం గ్యాప్ ఇవ్వాలి- నాకు షారూక్ అంటే ఇష్టం నాకు సల్మాన్ అంటే ఇష్టం అంటూ ‘‘మన్కీ బాత్’’ బయటపెడతారు.. ఈమె టాలెంటు చూడగా రెండు వేపులా వాడిగల కత్తిలాగ వున్నది.. మలయాళీ మార్దవం వున్నది, హిందీ తెగువ వున్నది - గడుసుగా చదువుకుంటూ - సిన్మాలల్లో నటిస్తాను- ఎందుకంటే నటన ముఖ్యమే. అందరూ- నన్ను కన్నుగీటే కలువభామా ఏదీ మరొక్కసారి కన్నుగొట్టు అంటున్నారు తప్ప ‘‘నాలోని నటనాభినివేశాన్ని పట్టించ్కోడం లేదు- అందుకని నేను ఒక మంచి నటిని అనిపించుకోవాలి.. దీపిక లాగ రాణించాలి.. అని చెప్పుకు పోయింది.. అంతలేసి కనులు - చిరుగాలికి చెదిరే తమలపాకుల్లాంటి పెదాలమీద చిరు దరహాసం.. కాని కనుబొమ్మలతో బాణాలు వేసిందంటే - ముంబాయి నటీమణుల గుండెల్లో రైలు బండ్లు- ఇప్పుడే...
నిర్మాతకి అయాచితంగా- పబ్లిసిటీ- ఈమెకి అంతులేని ‘‘హైపూ’’ రెండు దొరికి పోయాయి- తంతే బోర్లా పడతారు అనుకుంటున్న వాళ్లు ఈ మధ్య సోషల్ మీడియాలో వైరల్ అయిపోయి తిన్నగ పోయి, బూరెల గంపలో పడుతున్నారు- ఓ చిన్న కాంట్రవర్సీ - చిన్న సెంటిమెంటు మీద దెబ్బ - అంటూ గోల చెయ్యడానికి - ఇంటర్నెట్‌ని వాడుకోడానికి చాలు. ఎంతో వెసులుబాటు దొరుకుతోంది. ఓ వర్గం వారు మరో వర్గం వారు ‘పద్మావత్’ కేసు ఏమయ్యింది? -రాజీ పడతారు- ఈలోగా అభిమానులు ఆయాస పడతారు- కాకపోతే ప్రియ వారియర్ తప్ప మిగతా యూనిట్ అంతా ఒక వర్గం వారే కాబట్టి- ప్రియకిది అత్యంత ప్రియమైన చాన్సు- మెట్లు కట్టుకుని వాటిని ఎక్కుతూ వెళ్లవలసిన ఫీల్డ్స్‌లో ‘‘వారియమ్మ’’కి రెక్కలు వచ్చాయి.. ముంబయి ఫీల్డు మీదే కన్నువేసింది గాని- ఈ అందాల మలయాళీ బొమ్మ- తెలుగులో తక్షం ‘తత్కాల్’ బుకింగ్సు దొరుకుతాయి సుమా.. భాష, యాస ఇవేమీ అక్కరలేదు.. పైగా ఇప్పుడే ఫీల్డులోకి వచ్చి వున్న అన్యభాషా సుందరాంగనలు తెలుగు నేర్చేసుకుంటున్నారు- అదో యాంటీ గ్లామర్ పాయింటు. చిల్లర్లకి, వార్రియర్లకి లక్కీ చాన్సులు ఇస్తే- మన డబ్బింగ్ ఆర్టిస్టులకు దెబ్బ తగలదు. బికినీల ఖర్చు కత్తెర లాగుల పోజుల బెడద తప్పుతాయి- ఔనా?
ప్రియ గడుసుపిల్ల - నటించమంటే అలాగే నటిస్తున్నా అంతే గాని ఏ వర్గంతోనూ నాకు సంబంధం వుండదు - అందర్నీ ఆనందాబ్దిలో ముంచడమే లక్ష్యం. అనేస్తుంది.. ఫినిష్! ఈ మాటలతో పాటు నాట్యం సంగీతం కూడా నేర్చనని కూడా చెప్పింది- ఈ సినిమా అవ్వాలి - సెన్సారు అవ్వాలి- వాళ్ల కోతలు రావాలి - అవి మళ్లీ వివాదాగ్రస్తం కావాలి అబ్బో - స్టేషన్ చాల దూరం వుంది- ఈలోగా - ఈ కన్ను గీటుడు సీను కోర్టువారి చలవతో- సిన్మా నుంచి లేచిపోతుందేమో? చూడాలి.. ఈలోగానే... ఆలసించిన ఆశభంగము..
టుమారో ఈజ్ టూ లేట్.. గెట్ వైరల్!