రాష్ట్రీయం
విద్య, వైద్యానికే తొలి ప్రాధాన్యత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 26: రానున్న బడ్జెట్‌లో విద్య, వైద్యం, సాంఘిక సంక్షేమ శాఖలకే పెద్ద పీట వేస్తామని ఆర్థిక మంత్రి యనమల రామకృష్ణుడు పేర్కొన్నారు. రెండు రోజులుగా ఆయన వివిధ మంత్రిత్వశాఖ అధికారులతో చర్చలు జరపుతూ బడ్జెట్ ప్రతిపాదనలను రూపొందిస్తున్నారు. వైద్య విభాగానికి సంబంధించి కాంట్రాక్టు పద్ధతిలో 501 మంది డాక్టర్లను, వెయ్యి మంది నర్సులను నియమించాలని కూడా బడ్జెట్ ప్రతిపాదనల సందర్భంగా నిర్ణయించారు. అదే విధంగా నూతన పారిశుద్ధ్య విధానానికి అనుగుణంగా నిధులను పెంచాలని నిర్ణయించారు. వైద్యశాఖ, దేవాదాయ శాఖల ఆధ్వర్యంలో సంయుక్తంగా ఆయుష్, యోగా, నేచురోపతి కేంద్రాలను ఏర్పాటు చేయాలని కూడా నిర్ణయించారు. సాంఘిక సంక్షేమ శాఖకు సంబంధించిన హాస్టళ్లలో మెస్ చార్జీలను 10 శాతం పెంచాలని నిర్ణయించారు. స్కాలర్‌షిప్‌లను ఏ నెలకు ఆ నెల చెల్లించేలా కూడా బడ్జెట్ కేటాయింపులు ఉండాలని అన్నారు. 2016-17 విద్యాసంవత్సరానికి హాస్టళ్లు అన్నింటినీ రెసిడెన్షియల్ హాస్టళ్లుగా మార్చాలని కూడా నిర్ణయించారు. ప్రైవేటు భవనాల్లో నడుస్తున్న హాస్టళ్లు అన్నింటికీ స్వంత భవనాలు ఏర్పాటు చేయాలని నిర్ణయించారు. కొత్త స్కాలర్‌షాప్‌లకు సంబంధించి విద్యా సంవత్సరంలో మొదటి సంవత్సరంలో చేరిన వారికి సెప్టెంబర్ మాసంలో రెన్యువల్ చేయాల్సిన స్కాలర్‌షిప్‌లు జూలై 1వ తేదీ నుండి మొదలుపెట్టాలని, స్కాలర్‌షిప్‌లను ఏ నెలకు సంబంధించినవి అదే నెలలో చెల్లించాలని నిర్ణయించారు. వీటితో పాటు అనేక శాఖలకు సంబంధించిన వివిధ అంశాలపై కూడా పూర్తి స్థాయిలో సంబంధిత శాఖల మంత్రులు, అధికారులతో ఆర్ధిక శాఖ మంత్రి యనమల రామకృష్ణుడు సమీక్ష నిర్వహించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.