మంచి మాట
భగవంతుని ప్రేమ
S ,7 à 8 RSCA (si SASPAS) et 6 cialis pharmacie cialis rapports de stage.
భగవంతుడు ప్రేమ స్వరూపుడు. నిర్హేతుక జాయమాన కరుణాసముద్రుడని భక్తులు వర్ణిస్తారు. భగవంతుని ప్రేమ అనంతం. అపారం. అతని ప్రేమకు ఎక్కువ తక్కువ భేదాలుగాని స్వపర భేదాలు గానీ లేవు. తనను ద్వేషించే వారినీ తనను ఆరాధించేవారినీ సమానంగానేప్రేమిస్తాడు.
జీవులకు జీవించినంత కాలం లభిస్తున్న ఆహారం నీరు, గాలి, వెలుతురు అన్నీ భగవంతుని దయతో కలిగినవే. మనకు హాని తలపెట్టిన వారికి తిరిగి హాని తలపెడతాము. మేలు చేసిన వారికి మేలు కలిగిస్తాము.ఇది సామాన్యుల మానవ లక్షణం. కాని పరమాత్మ తనను నమ్ముకున్న భక్తులకేకాదు తనను నిత్యము ద్వేషించినవారికి కూడా మోక్షాన్ని ప్రసాదించాడు.
శిశుపాలుడు ఎప్పుడూ కృషుణ్ణి దూషించడమే పనిగా పెట్టుకున్నాడు. హిరణ్యకశిపుడు సర్వదా హరిని ద్వేషిస్తునే ఉండేవాడు. అటువంటి వారికి కూడా శ్రీహరి సద్గతులను కలిగించాడు.
కొందరు నాస్తికులు, భగవంతుడి ఉనికిని అంగీకరించరు. భగవంతుడు లేడని ప్రచారం కూడా చేస్తారు. అటువంటి వారిపై కూడా భగవంతుడు ప్రేమ వర్షాన్ని కురిపిస్తాడు.
కొందరు భక్తులకు భగవంతునిపై అపార విశ్వాసం, భక్తి భగవంతుడు లేడని ఎవరైనా అంటే వారిపై ఎక్కడలేని కోపం తెచ్చుకుంటారు. అటువంటి వారిపై ద్వేషం కూడా పెంచుకుంటారు. కాని భక్తుడైనవాడికీ ఏ ప్రాణియందు కూడా ద్వేషబుద్ధి ఉండకూడదు. భక్తుడి లక్షణాలలో అది మొదటి లక్షణం. భగవద్గీత భక్తియోగంలో చెప్పినట్లుగా భక్తుడు సర్వుల యెడ భగవంతుని అంశనే చూడాలి.
ఒకసారి ఒక భక్తుడింటికి ఆకలితో అలమటిస్తూ ఒక వృద్ధుడు వచ్చాడు. అతనిని సాదరంగా పిలిచి భోజనం పెట్టాడు. సాక్షాత్ భగవంతుడే మిమ్ములను అతిథి రూపంలో పంపించాడు. తృప్తిగా భుజించమని చెప్పాడు. అపుడు ఆ వృద్ధుడు అయ్యా ఆ హారం పెట్టినందుకు మీకు ధన్యవాదాలు. కాని మధ్యలో లేని భగవంతుడి గురించి ఎందుకు లెండి. భగవంతుడే ఉంటే, నా గతి ఇలా ఎందుకుంటుంది? అని నిష్ఠూరంగా మాట్లాడాడు.
భక్తుడికి కోపం వచ్చింది. వెంటనే వచ్చిన వానిని ఆతిథ్యం ఇస్తున్నవాడిని మీరు మాఇంట భోజనం చేయనవసరం లేదు. నాస్తికులకు భోజనం మేము పెట్టము. బయటకు నడవండి అంటూ తింటున్న ఆహారాన్ని లాక్కొని తోసేసాడు.
ఆ రాత్రి నిద్రలో భగవంతుడు ఆ భక్తునికి కనిపించాడు. ఆకలి తో వచ్చిన వృద్ధుడిని అలా అవమానించెందుకు నాయనా ? ఎన్నో ఏళ్లుగా అతడు నన్ను దూషిస్తూనే ఉన్నాడు. ఐనా యినే్నళ్లు గా అతనిని పోషిస్తూ వస్తున్నాను కదా. నా కోసం నువ్వు ఒక్క పూట అతనిని భరించలేకపోయావు అని అన్నాడు.
వెంటనే మేల్గాంచిన భక్తునికి కనువిప్పు కలిగింది. ద్వేషించినా, ఆరాధించినా అందరూ భగవంతుని పిల్లలే కదా. అమ్మ పిల్లలందరినీ సమాన దృష్టితో చూచినట్లు గా భగవంతుడు కూడా సృష్టి మొత్తాన్ని సమానంగా చూస్తాడు . కనుక నేను భగవంతునికి ఇష్టమైన దానినే చేస్తాను. నాకు భగవంతుణ్ణి ఇష్టపడేవారైనా ఇష్టపడని వారైనా ఒక్కటే. జంతువు అయినా మనిషి యైనా భగవంతుని అంశంగానే చూస్తాను ఇప్పటి నుంచిఅనుకొన్నాడు. తెలియక చేసిన తన తప్పును క్షమించమని భగవంతుని వేడుకున్నాడు.
జీవారాధకుడే నిజమైన శివారాధకుడు. జీవులను ద్వేషిస్తూ దేవుని ప్రేమిస్తున్నానని చెప్పడం అజ్ఞానమే. ప్రేమ అమరం. ప్రేమ పవిత్రం. ప్రేమ దైవ స్వరూపం. దైవం ప్రేమ స్వరూపం. సత్యము, ధర్మము , ప్రేమ, శాంతి ఈ నాలుగు దైవ లక్షణాలు. ఎవరైనా సరే ఈ లక్షణాలను నేర్చుకుని మరీ ఆచరిస్తే వారికి భగవంతుడికి భక్తుడికి తేడా ఉండదు.
Related Articles
(నిన్నటి సంచిక తరువాయి)
భోజనం వడ్డించమని అడిగాడు పోతన తన భార్యతో. ఆమె చోద్యంగా చూస్తూ ‘అదేమిటండీ! ఇప్పుడే కదండీ భోజనం చేసి వెళ్లారు. మళ్లీ భోజనం అంటున్నారు? మళ్లీ అప్పుడే ఆకలయిందా’ అని నవ్వుతూ అడిగింది ఆ సాధ్వీమణి.
నాటకం/నాటిక సంపూర్ణంగా పండాలంటే అందులో సమష్టి కృషి ఉంటుంది. ఒక దర్శకుడు, ఒక నటుడు, ఒక నటి, ఒక సంగీత దర్శకుడు... ఇలా... అంతా వారి వారి బాధ్యతల్లో నూటికి నూరుపాలు మమేకమైనప్పుడే ఫలితం చేతికందుతుంది. కాని, నాటకం ఇంతగా అందరినీ ఆకట్టుకోవాలంటే వీరే కాదు తెరవెనుక వాళ్లూ కావలసిందే.
నూకల చిన్న సత్యనారాయణ ‘త్యాగరాజ సారస్వత సర్వస్వం’ (900 పేజీలు), ‘వాగ్గేయకార కృతి సాగరం (రెండు భాగాలు), వంటి ఉద్గ్రంథాలలో వివిధ వాగ్గేయకారుల 1500 వందల వరకూ కృతులను ‘సాహిత్య స్వర’ బద్ధంగా, మూర్ఛన, స్వర, రాగ, తాళ విభజనాది సూచికలతో సర్వ సమగ్రంగా నూకల సంగీత ప్రపంచానికి అందించారు.
కడుపు నిండిన మనిషి మానసికానందం కోసం వెంపర్లాడాడు. ప్రకృతి వైపు పరవశించి చూశాడు. గాలికి ఆకు కదిలితే తాను తన చేయిని కదిలించాడు. గాలికి ఎండుటాకు గలగలమంటే తన గళాన్ని సరిచేసుకొని దాన్ని అనుసరించాడు. ఇలా చేస్తూ చేస్తూ మాట్లాడడం తన పూర్వీకులు గురించి తెలుసుకొన్నాడు. తాను అబ్బురం చెందాడు.
ఒక్క భారతదేశంలో మాత్రమే వినోద కార్యకలాపాల్లో చోటుచేసుకున్నది ఈ ‘ది గ్రేట్ ఇండియన్ రోప్ ట్రిక్!’ ఇప్పుడు దాదాపుగా కనుమరుగైపోయిన ఈ విద్య 19వ శతాబ్దానికి ముందుది అని కొందరు, తొమ్మిదో శతాబ్దం నుంచే ప్రజలను అలరారుస్తోందని వివరించే కథనాలు కూడా ఇప్పటికీ వినిపిస్తూనే ఉంటాయి. అంతేకాదు...