వారం వారం గోచారం (22.9.2019నుంచి 28.9.2019వరకు)

మేషం (అశ్వని, భరణి, కృత్తిక 1పా.)

ఈవారం ప్రారంభంలో కమ్యూనికేషన్స్ విస్తరిస్తాయి. వేరువేరు రూపాల్లో సంప్రదింపులు. అనేక రకాల వార్తలు కన్‌ఫ్యూజ్ చేసే అవకాశం. వ్యాపారాదుల్లో శుభపరిణామాలు. భాగస్వామ్యాల్లో అనుకూలత. ఇతరుల సహకారంకోసం ప్రయత్నిస్తారు. ప్రయాణాదులకు అవకాశం. విహార యాత్రలలో కాలం ధనం వ్యర్థంకాకుండా చూసుకోవాలి. వారం మధ్యమంలో సౌకర్యాలు ప్రభావితంచేస్తాయి. సౌఖ్యంగా గడుపుతారు. గృహవాహనాది వ్యవహారాల్లో మంచి నిర్ణయాదులుంటాయి. పార్టీలు చేసుకునే అవకాశం. మాతృసౌఖ్యం ఉంటుంది. తల్లివైపు బంధువుల కార్యక్రమాలుంటాయి. వారాంతంలో అభీష్టాలు నెరవేర్చుకునే ప్రయత్నం. కొంత ఉద్రిక్త భావనలు తప్పకపోవచ్చు.

సింహం (మఖ, పుబ్బ, ఉత్తర 1పా.)

ఈవారం ప్రారంభంలో లాభాలు సంతోషాన్నిస్తాయి. అత్యధిక ప్రయోజనాలను ఆశిస్తారు. శ్రమ లేకుండా ఫలితాలుపొందాలనే భావాలు వస్తుంటాయి. కుటుంబంలో అనుకూలత. మానసికమైన ఒత్తిడులకు కూడా అవకాశంఉంది. నిర్ణయాదులు ఆలస్యం అవుతాయి. పెద్దల ఆశీస్సులకోసం ప్రయత్నిస్తారు. వారం మధ్యమంలో ఖర్చులు అధికం. పెట్టుబడులు సంతోషాన్నిస్తాయి. ఆహార విహారాలకోసం ధనం కాలం వెచ్చిస్తారు. ప్రయాణాదులుంటాయి. విహార యాత్రలకు కూడా అవకాశం ఉంటుంది. సౌఖ్యంగా గడుపుతారు. పూర్తి విశ్రాంతి లభిస్తుంది. వ్యతిరేకతలున్నా విజయం సాధిస్తారు. గుర్తింపు లభిస్తుంది. వారాంతంలో నిర్ణయాదులు సంతోషాన్నిస్తాయి. ఆత్మవిశ్వాసంతో వ్యవహరిస్తారు.

ధనుస్సు (మూల, పూర్వాషాఢ, ఉత్తరాషాఢ 1 పా.)

ఈవారం ప్రారంభంలో భాగస్వామ్యాలపై దృష్టి, సామాజిక అనుబంధాలు విస్తరిస్తాయి. కొత్త పరిచయాల్లో జాగ్రత్తవహించాలి. భాగస్వామితో కొంత అప్రమత్తంగా మెలగాలి. కాలం ధనం వ్యర్థమయ్యే సూచనలున్నాయి. నూతన కార్యక్రమాలపై దృష్టిఉన్నా బద్ధకంగా ఉంటుంది. పనులను వాయిదావేస్తుంటారు. వారం మధ్యమంలో ఆరోగ్య సమస్యలకు అవకాశం. అన్ని పనుల్లోనూ అప్రమత్తంగా ఉండాలి. ముఖ్యంగా ఆహార విహారాల్లో జాగ్రత్త. నిర్ణయాదులను వాయిదావేయడం మంచిది. అనుకోని సమస్యలు, ఊహించని సంఘటనలకు అవకాశం. శ్రమలేని సంపాదనలపై దృష్టి, కుటుంబ వ్యవహారాల్లోనూ జాగ్రత్తగా మెలగాలి. వారాంతంలో ఉన్నత వ్యవహారాలను నిర్వహించే ప్రయత్నం. కీర్తిప్రతిష్ఠలు పెంచుకుంటారు.

వృషభం (కృత్తిక 2,3,4 పా., రోహిణి, మృగశిర 1,2పా.)

ఈవారం ప్రారంభంలో కుటుంబంలో అనుకూలత. మాట విలువ పెరుగుతుంది. బంధువర్గ వ్యవహారాల్లో కొంత అప్రమత్తంగా మెలగాలి. వ్యాపార వ్యవహారాలు లభిస్తాయి. క్రియేటివిటీ పెరుగుతుంది. స్పెక్యులేషన్ లాభిస్తుంది. సంతానంతో సంతోషం. ఆర్థిక వ్యవహారాల్లో కొన్ని సమస్యలున్నా అధిగమిస్తారు. నిల్వధనం పోకుండా చూసుకోవాలి. వారం మధ్యమంలో సంప్రదింపులు సంతోషాన్నిస్తాయి. ఇతరుల సహకారం లభిస్తుంది. మాతృవర్గంవారి సపోర్ట్ దొరుకుతుంది. మీడియా రంగంలోనివారికి అనుకూలం. దగ్గరి ప్రయాణాలుంటాయి. ఆధ్యాత్మిక యాత్రలవల్ల మరింత మేలు. వైజ్ఞానిక వ్యవహారాలు పూర్తి సంతృప్తినిస్తాయి. వారాంతంలో సౌకర్యాల విషయంలో కొంత జాగ్రత్త వహించాలి.

కన్య (ఉత్తర 2,3,4 పా., హస్త, చిత్త 1,2పా.)

ఈవారం ప్రారంభంలో వృత్తి ఉద్యోగాదులు ప్రభావితం చేస్తాయి. అనేక కార్యక్రమాలను నిర్వహించాల్సి వస్తుంది. వేరువేరు బాధ్యతలు ఉక్కిరిబిక్కిరి చేస్తాయి. వ్యాపారాదుల్లో అనుకూలత. నిర్ణయాదులు సమస్యలకు గురిచేయవచ్చు. శ్రమాధిక్యం. కృషితో సామాజిక గౌరవం పెంచుకుంటారు. ఆహార విహారాల్లో సమస్యలుంటాయి. వారం మధ్యమంలో అన్నిరకాలుగా ధనధాన్య లాభాలు. ఏ పనిచేసినా ప్రయోజనాన్ని ఆశిస్తారు. ఆహార విహారాలకు అనుకూలం. ఆలోచనలకు రూపకల్పన. పెద్దల ఆశీస్సులు లభిస్తాయి. క్రియేటివిటీ పెంచుకుంటారు. కొత్త పనులపై దృష్టిఉంటుంది. ప్రయాణాదులు ఉంటాయి. నిర్ణయాదుల్లో చాలా జాగ్రత్తగా మెలగాల్సివస్తుంది. అధికారిక వ్యవహారాల్లో అప్రమత్తం.

మకరం (ఉత్తరాషాఢ 2,3,4 పా., శ్రవణం, ధనిష్ఠ 1, 2పా.)

ఈ వారం ప్రారంభంలో పోటీలు అధికం. ఒత్తిడులతో కార్యక్రమాలు నిర్వహించాల్సి వస్తుంది. కార్యనిర్వహణలో శ్రమ. ఋణాలు, రోగాలు శ్రమకు గురిచేయవచ్చు. అన్ని పనుల్లోనూ జాగ్రత్తఅవసరం. విజయ సాధన. పోటీ రంగంలో గుర్తింపు ఉంటుంది. వ్యర్థమైన ఖర్చులకు, ప్రయాణాలకు అవకాశం. అసంతృప్తి ఉంటుంది. వారం మధ్యమంలో పరిచయాలు స్నేహానుబంధాలు విస్తారిస్తాయి. భాగస్వామితో సంతోషంగా గడుపుతారు. ఆత్మవిశ్వాసం పెంచుకుంటారు. గౌరవ మర్యాదలుంటాయి. ఆహార విహారాలకు అనుకూలం. మిత్రులతో కలయిక సంతోషాన్నిస్తుంది. కార్యనిర్వహణ దక్షత. అనేక బాధ్యతలను నిర్వర్తిస్తారు. అనారోగ్య భావనలకు అవకాశం. ఆకస్మిక నష్టాలుంటాయి.

మిథునం (మృగశిర 3,4పా. ఆరుద్ర, పునర్వసు 1,2,3పా.)

ఈ వారం ప్రారంభంలో నిర్ణయాదులకు అనుకూలం. ఆత్మవిశ్వాసంఉన్నా ఇతరుల భావాలకు లొంగిపోతుంటారు. సౌకర్యాలపై ప్రత్యేకదృష్టి. బాధ్యతలు అధికవౌతాయి. భాగస్వామ్యాల్లో అనుకూలత. వ్యాపారాదులు విస్తరించుకునే ప్రయత్నం. తొందరపాటు నిర్ణయాదులు కూడదు. వారం మధ్యమంలో కుటుంబంలో అన్నీ శుభపరిణామాలు. బంధువర్గంవారు సంతోషాన్నిస్తారు. నిల్వధనం పెరుగుతుంది. మాటతీరువల్ల సంతోషం పెరుగుతుంది. ఆత్మీయత ఏర్పడుతుంది. కొన్ని ఊహించని ఇబ్బందులున్నా అధిగమిస్తారు. వారాంతంలో కమ్యూనికేషన్స్ విషయంలో అప్రమత్తంగా ఉండాలి. సంప్రదింపుల్లో కొంత చికాకు. సౌకర్యాలు, సౌఖ్యాలకు సంబంధించిన సమాచారాలు అందుతాయి.

తుల (చిత్త 3,4 పా., స్వాతి, విశాఖ 1,2,3 పా.)

ఈవారం ప్రారంభంలో ఉన్నత లక్ష్యాలపై దృష్టి. సుదూర ప్రయాణాదులు. వ్యాపారాదుల్లో అనుకూలత. ఖర్చులు పెట్టుబడులుకూడా ఉంటాయి. సంప్రదింపుల్లో సమస్యలు. సేవక వర్గ సహకారం మాత్రం లభిస్తుంది. ఉన్నతమైన విద్య, వైజ్ఞానికభావాలు విస్తరించే అవకాశం ఉంది. వారం మధ్యమంలో వృత్తిలో అనుకూలత. ఉద్యోగంలో పదోన్నతులకు అవకాశం. సామాజిక గౌరవం పెంచుకుంటారు. ఆహార విహారాల్లో శుభపరిణామాలు. సంతోషంగా గడుపుతారు. గుర్తింపు లభిస్తుంది. తండ్రి తరఫు బంధువుల వ్యవహారాలను నిర్వహించాల్సి వస్తుంది. కార్యనిర్వహణలో దక్షత. వారాంతంలో ప్రయోజనాలు సంతోషాన్నిస్తాయి. అనేక రూపాల్లో లాభాలకు అవకాశం. పెద్దల ఆశీస్సులు లభిస్తాయి.

కుంభం (్ధనిష్ఠ 4పా., శతభిషం, పూర్వాభాద్ర 1, 2,3పా.)

ఈ వారం ప్రారంభంలో మానసికమైన సంతోషం. సృజనాత్మక శక్తి. సంతానవర్గంతో సంతోషంగా గడుపుతారు. కొత్త నిర్ణయాలు తీసుకుంటారు. ఆశించిన లాభాలు అందకపోవచ్చు. ప్రణాళికాబద్ధంగా వ్యవహరిస్తారు. కొంత ఆందోళన కూడా ఉంటుంది. దైవధ్యానం తప్పనిసరి. వారం మధ్యమంలో వ్యతిరేకతలపై విజయం. గుర్తింపు లభిస్తుంది. శ్రమతో కార్యక్రమాల నిర్వహణ. పోటీల్లో విజయం సాధిస్తారు. ఋణాదులను అధిగమిస్తారు. ఖర్చులు పెట్టుబడులు కూడా ఉంటాయి. ఆశించిన విశ్రాంతి అందక పోవచ్చు. పనుల ఒత్తిడి తీవ్రం అవుతుంది. వారాంతంలో పరిచయాలు విస్తరిస్తాయి. స్నేహానుబంధాలు పెంచుకునే ప్రయత్నం. పాత మిత్రుల కలయిక, స్మృతులు. ఆత్మవిశ్వాసంతో వ్యవహరిస్తారు.

కర్కాటకం (పునర్వసు 4పా., పుష్యమి, ఆశే్లష)

ఈవారం ప్రారంభంలో ఖర్చులు పెట్టుబడులు అత్యధికం అవుతాయి. పరామర్శలకు అవకాశం. సౌఖ్యంగా గడపాలనే ప్రయత్నం. ప్రయాణాలు, సౌకర్యాలు, సౌఖ్యంకోసం కాలం ధనం బాగా వెచ్చించాల్సి వస్తుంది. అప్రమత్తంగా ఉండాలి. సంప్రదింపుల్లో శుభపరిణామాలు. మంచి వార్తలు వింటారు. వ్యతిరేకతలు ఇబ్బంది పెడతాయి. పోటీ రంగంలో సమస్యలు. వారం మధ్యమంలో ఆత్మవిశ్వాసంతో కార్యనిర్వహణ. అనేక కార్యక్రమాల బాధ్యతలుంటాయి. గుర్తింపు, గౌరవాదులు పెంచుకుంటారు. ఆహారాదుల్లో అనుకూలత. కొత్త నిర్ణయాలు తీసుకుంటారు. తొందరగా పూర్తిచేసే ప్రయత్నం. భాగస్వామ్యాల్లో శుభపరిణామాలు. వారాంతంలో కుటుంబంలో అనుకూలత. రాజకీయ వ్యవహారాలపై దృష్టి.

వృశ్చికం (విశాఖ 4పా., అనూరాధ, జ్యేష్ఠ)

ఈవారం ప్రారంభంలో అనుకోని సమస్యలుంటాయి. ఆరోగ్యపరమైన ఇబ్బందులకు అవకాశం. ఆర్థిక నిర్ణయాదుల్లో జాగ్రత్త. వ్యాపార లోపాలుంటాయి. ఆశించిన లాభాలు అందకపోవచ్చు. కుటుంబంలో ఒత్తిడులు. మాట విలువ తగ్గే సూచనలు. ముఖ్యమైన నిర్ణయాదులను వాయిదావేసుకోవాలి. పెద్దలతో జాగ్రత్తగా మెలగాలి. వారం మధ్యమంలో అన్ని పనుల్లోనూ అనుకూలత. కొత్త నిర్ణయాలు తీసుకుంటారు. కీర్తిప్రతిష్ఠలు పెరుగుతాయి. సుదూర ప్రయాణాలకు అవకాశం. వైజ్ఞానిక, సాంకేతిక రంగాల్లో పరిశోధనలకు అనుకూలం. ఆధ్యాత్మిక వ్యవహారాలుంటాయి. ఉన్నత లక్ష్యాలను సాధించేందుకు ప్రయత్నం. సంతోషంగా గడుపుతారు. వారాంతంలో వృత్తిలో అనుకూలత.

మీనం (పూర్వాభాద్ర 4 పా. ఉత్తరాభాద్ర, రేవతి)

ఈవారం ప్రారంభంలో ఆహార విహారాలపై దృష్టి. సౌఖ్యంకోసం ప్రయత్నం. గృహ వాహనాది సౌకర్యాల విషయంలో జాగ్రత్తఅవసరం. ప్రయాణాలలో ముందుజాగ్రత్తలు అవసరం. విద్యారంగంలోని పిల్లలకు శ్రమాధిక్యం. వృత్తిఉద్యోగాదుల్లో ఒత్తిడులుంటాయి. పదోన్నతులు వాయిదాపడే సూచనలు. వ్యాపార భాగస్వామ్యాలకు అనుకూలం. వారం మధ్యమంలో అభీష్టాలు నెరవేరుతాయి. ఆలోచనలకు రూపకల్పన. అన్ని పనుల్లోనూ సంతోషం. క్రియేటివిటీతో పనిచేసేస్తారు. ప్రణాళికాబద్ధమైన వ్యవస్థ ఉంటుంది. సంతానంతో సంతోషంగా గడుపుతారు. లాభాలు సంతృప్తినిస్తాయి. ప్రయోజన దృష్టిపెంచుకుంటారు. కొత్త పనులపై దృష్టిఉంటుంది. వారాంతంలో వ్యతిరేకతలపై విజయం. గుర్తింపు లభిస్తుంది.