వాసిలి వాకిలి
నేను.. నవనీత ప్రజ్ఞానాన్ని..
S ,7 à 8 RSCA (si SASPAS) et 6 cialis pharmacie cialis rapports de stage.
-1-
నేను.. మీనాన్ని
ఇహ జీవానికి తొలి కణాన్ని
చలనానికి చిరునామాని
తడి ఆరని తత్వానికి నేపథ్యాన్ని.
*
విశ్వ చైతన్యానికి కరచాలనాన్ని
దృష్టి మాధ్యమానికి మీననేత్రాన్ని
శబ్ద తరంగానికి నిశ్శబ్ద అంతరంగాన్ని
జలధి వనరుకి నిరుపమాన సౌందర్యాన్ని.
*
రూపానికి చేపను
సృష్టి పరిణామానికి తెరచాపను
ప్రవాహ వేగానికి అనవరత ఎదురీతను
కడలి కెరటాల అలుపెరుగని మృత్యు హోరును
-2-
నేను.. ఉలకను
పలకను.. ప్రశ్నించను.. స్పందించను
సమాధానమీయను.. ప్రత్యుత్తరమీయను
అయినా, నేను గురువును
అచల భౌతికతను.
*
నేను.. ఆలోచనను
హృదయం నా పురిటి ద్వారం
లోచనను
ఆత్మ నా గర్భాలయం చేతను
మనసు నా ప్రాకారం
చేతనను.. ప్రాణం నా ప్రాంగణం
అలవాటును
వ్యక్తిత్వం నా రక్షణాక్షేత్రం
అనుభవాన్ని
వ్యక్తిమత్వం నా జీవన వాకిలి.
*
నేను.. స్వభావాన్ని.. సహజభావాన్ని
సమభావాన్ని.. సరిభావాన్ని
సమూహాన్ని.. సమత్వాన్ని.
-3-
నేను.. సర్పాన్ని
కుబుసం విడిచిన సర్పాన్ని
మూలాధారాన మురిపిస్తున్న శక్తిని
సహస్రారాన నిలవాల్సిన మహాశక్తిని.
*
నేను.. కదలిన సర్పాన్ని
పారదర్శక కుబుసాన్ని
దృష్టి మరల్చని పడగను
వేయిపడగల విరాట్టును.
*
నేను.. వీడిన భవబంధాన్ని
అధివసించిన అధిభౌతికాన్ని
మణిమకుట సర్పదృష్టిని
మేరుశిఖర వౌన వలయాన్ని.
*
నేను.. దృశ్య అదృశ్య ప్రకృతిని
సప్తలోక శేష అవతారాన్ని
ఇంద్రియలోక ఆత్మ అవధానాన్ని
అవనికి సాష్టాంగ ప్రణామాన్ని.
*
నేను.. ఇరునాడుల సర్ప స్వరాన్ని
గురుకంఠ నవనాదాన్ని
నవవాద ఆరోహణాన్ని
నవనీత ప్రజ్ఞానాన్ని.
*
నేను.. అష్టదిక్కుల స్నేహాన్ని
అష్టసిద్ధుల శుద్ధత్వాన్ని
మూడున్నర అడుగుల గతాన్ని
వేయి పడగల భవిష్యత్తును.
-4-
నేను.. పుట్టాను
చరమాంకాన
నేనును కబళించే మృత్యువు
నా పుట్టుకకు సాక్షి సంతకమైంది.
కడదాకా నాతో ఉంటానన్న ఒడంబడికతో
నా దేహాన్ని పలకరించి పరవశింపచేసింది
ప్రాణంగా, జీవంగా, ఆత్మ తోడుగా
*
నేను జీవిస్తున్నాను
మనసు మార్గాన.. మృత్యు నీడన
గెలుస్తున్నాను.. ఆత్మ పథాన
మృత్యు నేత్రాన.. జ్వలిస్తున్నాను
జీవన వలయాన.. మృత్యు క్షేత్రాన
-5-
నేను.. యోగశీలిని
ప్రయోగశాలను
*
శోధనను.. పరిశోధనను
పరశోధనను.
*
అంతరంగ పీఠికను
విశ్వమూలాల పేటికను
యోగభూమికల చరిత్రను
*
నేను.. మేథను
మేనును
అనుభవాన్ని
నిత్య చైతన్యాన్ని.
*
వికసిస్తున్న మేథను
విలసిల్లుతున్న మేనును
మేను మేథల ప్రయోగశాలను
పర ప్రాంగణాల ప్రవిమలసీమను
*
నేను
ప్రయోగ ప్రయాగను
విశ్వ కుహరాన సృష్టి ప్రమోదాన్ని
కనరాని మాయకు పురిటి మంచాన్ని
రూప సౌందర్యంలోని అరూప సొగసును
ఇకల్ట్ అకల్ట్‌ల సంయోగ భూమికను
ఇహ పరాల హోస్ట్ అండ్ గెస్ట్‌ను.
Related Articles
సూర్య గురులు శుభగ్రహాలు. పారదర్శక గ్రహాలు. శుద్ధ గ్రహాలు. అంటే అశుద్ధతకు అవకాశమివ్వని గ్రహాలు. ఒకవిధంగా ఈ రెండు గ్రహాలను పవిత్ర గ్రహాలుగాను పరిగణిస్తున్నాం. ఇక్కడ పవిత్రం అంటే అపవిత్రతకు తావులేని గ్రహాలని అర్థం. పైగా సూర్య గురులు మంచి స్నేహితులు. అంటే సఖ్య గ్రహాలు.
సూర్యుడు అన్న వెంటనే మన కళ్ల ముందుకొచ్చేది సౌర కుటుంబం. భగభగ మండే అగ్ని గోళం మన ముందు కదలాడుతుంది. ఇంకా చెప్పుకోవాలంటే సూర్యోదయాలు, సూర్యాస్తమయాలు, సూర్యగ్రహణాలు మన ముందు నిలుస్తాయి.
మాస్టర్ సి.వి.వి. ఆవిష్కరించిన ‘‘్భృక్త రహిత తారకరాజ యోగం’’ అంటేనే సంపూర్ణంగా ‘డైరెక్ట్ లింక్’. అంటే విశ్వంలోని ఏ అంశతోనైనా మాస్టర్ యోగసాధన ద్వారా ప్రత్యక్ష సంబంధ బంధాలే తప్ప ఎటువంటి డొంక తిరుగుడు వ్యవహారాలకు, షార్ట్ కట్స్‌కి అవకాశం లేదు.
‘ఆది’లో శుద్ధంగా ఉన్న ‘అంశ’ ప్రాణ మండలం నుండి సృష్టికి సమాయత్తమవుతుంది. ఆ పరిణామంలో తొలిగా కాంతి, కాల ప్రమేయాలతో భూమండలం వైపుగా తన ప్రయాణం ప్రారంభిస్తుంది. అంటే మానవరూపాన్ని సంతరించుకునే దిశగా ప్రాణ అంశ కాలమానానికి లోబడిన అంశగా పరిణమిస్తుంది. ఇక్కడే మానవ ఆయుష్షు అనేది నిర్ణయమైపోతోంది.
శని గ్రహంతో మనం స్నేహంగా ఉండాలనుకుంటున్నాం సరే... మరి శని గ్రహం కూడా మనతో స్నేహించాలని అనుకుంటుండాలి కదా! స్నేహానికి కావాల్సింది రెండువైపుల నుండి సమాన స్పందన. కాబట్టి స్నేహించాలని మనం అనుకుంటే సరిపోదు.. శని కూడా మనతో స్నేహించాలని అనుకోవాలి.