వీరాజీయం

దూకుతా.. దూకుతా.. దూకేశా!

S ,7 à 8 RSCA (si SASPAS) et 6 cialis pharmacie cialis rapports de stage.

‘కమలహాసనా..రావయ్యా.. మా భాగ్యం కొద్దీ దొరికావయ్యా..’ అంటూ అడుగులకు మడుగులొత్తుతారేమోనని వోయబ్బో ఇంచుమించు ఏప్రిల్‌నుంచి ఫీలర్లు, ట్వీట్స్, కామెంట్స్ లాంటివి ఒగ్గుతూ ఫీట్స్ చేస్తున్న దూకుతా...దూకుతా అన్న కమలహాసన్ దూకేశాడు..! కమల్ ది గ్రేట్ కొత్త పార్టీ పెడతాడట. తమిళ నాయగన్ (1987) అంటే నాయకుడు (1996)లో ‘్భరతీయుడైనా’డు-కాని, ఎవరూ ఇతని అపూర్వ రాగంగళ్ (1975)ని తమిళనాడులో జ్ఞాపకం పెట్టుకున్నట్టు లేదు. 1978లో మరోచరిత్ర తెచ్చిన స్టారు- 2017లో రాజకీయ సాగరంలో సంగమం చేస్తున్నాడు. అంతులేని కథా? అందలమా? ఏది? కమలహాసన్ పరిస్థితియే ఇంచుమించు సూపర్‌స్టార్ రజనీకాంతుకి కూడా వుంది. రజనీ-కమల్ పార్టీ లాంటిదానికి నేను సిద్ధమే అని అంటూ వున్నా కమల్హాసన్కి లోపల లోపల బాధగానే ఉన్నది. పాలిటిక్స్‌లోకి రావడం అంటే? వెండి కంచాలలో వేడి బువ్వ, పసిడి కంచాల్లో పాలబువ్వ పెట్టి ఇచ్చినట్టు ముఖ్యమంత్రి పదవి అందించితేనే ఈ బాపతు నాయకులకి రాజకీయాలలో ప్రజాసేవ చేయాలనిపిస్తుంది. కానీ, రోజులు మారేయి... మోదీజీ అధికారంలోకి వచ్చాక తెచ్చిన కొత్త ట్రెండు ఒకటి వుంది. అదే ట్వీట్స్.. అందరూ, ఆబాల గోపాలమూ వీళ్ల ట్వీట్స్‌కోసమే ఎదురు చూస్తున్నారు అనుకుంటున్నారు. రజనీకాంత్ ఈమధ్యనే -మోడీకీ జై అంటూ స్వచ్ఛ భారత్‌కి జై కొట్టేడు. అక్టోబర్ రెండున గాంధీగారి జయంతికి నా చీపురు, తట్టా రెడీ చెయ్యండి సార్- ‘నాన్‌దా రెడీ’ అంటూ ట్వీట్స్ ఇచ్చాడు. భలే (మంచి ఛాన్సు).
నేను సరికొత్త తమిళ దేశం చూడాలి, అనుకుంటున్నాను. అవినీతి లేని తమిళనాడు కావాలి. దానికోసం సంస్కరణోద్యమం ‘చేస్తును’ అంటూ కమల్ అరవమ్లోను ఇంగిలీషులోను ట్విట్టర్‌డాంమీద- ఢమఢమలాడించేస్తున్నాడు. కమల్ తానే సినిమాలకి స్క్రిప్ట్, స్క్రీన్‌ప్లే, డైరక్షనూ, యాక్షనూ ఇలా ఏ నుంచి జెడ్ దాకా చూసుకుంటాడు. కాని వెండితెర మీద దశావతారాలు వెయ్యడం వేరు... రాజకీయ రంగంలో సొంత కథా డైలాగులు తక్షణం ప్రేలవ్! ఆ స్టార్‌కి రజనీకి కొంత అర్ధమైపోయింది. అభిమానుల జనాభా చైనా జనాభా అంత వుంటే చెప్పలేమేమో కానీ, అలా ఇలా వుంటే, అభిమాన ‘్ధనమూ’ పోతుంది...ఉన్న నాలుగు రాళ్లు ఆంఫట్. ఎంజీఆర్ ఎన్టీఆర్‌లు అవగా లేనిది మేము కాలేమా? అని ‘మరమనిషి’గా యావద్ప్రపంచాన్ని ముగ్ధున్ని చేసిన రజనీకాంత్ అనుకుంటే- జయలలితకి నేనేమి తీసిపోయాను అని దశావతారాలు ఎత్తిన మన్మధ లీలలు ఫేం కమల్ అనుకుంటే ‘తంబీ! తగ్గు.. అది అంతా వెండితెరమీద- ఇల మీదకి దిగితే? కదా వేరు. అటు ఆంధ్రా కేసి చూడుమీ అంటారు విజ్ఞులు...టిక్కెట్లు బ్లాకులో కొనుక్కోని నీ సినిమాలు చూసిన జనాలు ఓటర్ల అవతారమెత్తేసరికి నిన్ను ఓట్లు ‘కొనుక్కో’మంటారు- అడుక్కుని గెలవమంటారు-అదీ లేటెస్టు ట్రెండు.
కమలహాసన్ పక్కా తమిళనాడు అయ్యంగార్ దంపతులకు చివరి సంతానంగా పుట్టి, పార్ధసారధిగానే తిర్నామాలు ధరించి పెరిగాడు. ఆరవ ఏటనే సినిమాలో వేషం కట్టి రాష్టప్రతి గోల్డు మెడలు కొట్టేశాడు. నడుస్తున్న చరిత్రలో కమలహాసన్ అంతులేని కథలో రజనీకాంత్ ప్రేక్షక హృదయాల్ని కొల్లగొట్టుకున్నారు. నేను నడుస్తున్న చరిత్ర సినిమా షూటింగ్‌లో విశాఖపట్నంలో 1978-కమలహాసన్ సిటీ బస్సు ఎక్కి లోపలికి పేపర్‌నిలా చుట్టి చేత పట్టుకుని తొడమీద ఇలా వాయించుకుంటూ ముందుకి నడవడం చూస్తే ఓహ్! మాకు కాంపస్ రోజులే జ్ఞాపకం వచ్చాయి.
బాలచందర్‌గారితో ఈ కుర్రవాడ్ని శివాజీ ‘స్కూల్కి’ ఇస్తారా? ఎజీఆర్ బడికా? అని అడిగాను. మంచి డాన్సర్-శివాజీ అంటే చెవి కోసుకుంటాడు అన్నాడాయన. బాలచందర్తో సరదాగా సంభాషణం చేస్తూ ఇంటర్వ్యూగా మార్చేద్దాంని రికార్డు చేసాను- ‘నాకు ఛాన్స్ వస్తుందిగా సార్! మీరే చూస్తారు’ గురవుగారిని ఏమార్చి అన్నాడు కమల్. గొప్పనటుడు డాన్సరు అవుతాడనుకున్నాము నాడే. కానీ నిర్మాతగా అమావాస్య చంద్రుడు ఆఫ్బీట్ పిక్చర్ తీశాడు. బెజవాడలో స్టేజి మీద వుండే చెవి కొరికాను-వైజాగ్‌లో అడిగావుగా ఇవ్వాళ నీ ఇంటర్వ్యూ చేశాకనే మన లంచ్ అన్నాను. అల్లాగే రజని అంతులేని కథలో-తాగుబోతు అన్న వేషంలో-దేవుడే ఇచ్చాడు వీధి ఒకటి చెల్లెలా! అంటూ మిగతా నటుల్ని తినేశాడు. పెద్ద అభినందన సభ చేసారు నవయుగా వారు ఆ సినిమాకి. రజనీకాంత్ ఆడియన్సులో కూర్చుంటే స్టేజిమీదకి పిలవలేదు. తనే లేచి మాట్లాడతానన్నాడు. అయిష్టంగానే వాసుగారు అంటే నవయుగ బాస్ శ్రీనివాసరావుగారు చాలా కష్టంగా ‘ఓ నిముషంలో ముగించమనండి’ అన్నాడు. కాని ఇవాళ? వాళ్ల టాలంట్ శిఖరాగ్రాన్ని చేర్చింది. కమలహాసన్ యొక్క అపూర్వ రాగంగల్ అనగా అపూర్వ రాగాలు నుంచి దశావతారాల దాకా భారతీయుడు-1996-మీదుగా ఓ నల్లేరు మీద బండిలాగ సాగింది. తండ్రి కొడుకులుగా ఒకే నటుడు నటించాడు అంటే ఎంతోమంది నమ్మలేదు. హాలీవుడ్ నటులనే మించిపోయాడు. పద్మభూషణ్ అందుకున్నాడు. రికార్డు నెంబర్‌లో అవార్డులు-దేశ విదేశ సన్మానాలు ఇవన్నీ-కమల్‌హాసన్‌ని గాని రజనీకాంత్‌నిగాని వాళ్ల ఫీల్డులో నెంబరు ’టూ’గా చూడనివ్వవ్. పాత్రోచిత నటన వేరు; పాత్రలో భూమీద జీవించడం వేరు...న్యూసుపేపరు పెట్టి ముఖ్యమంత్రులం అయిపోదాం అని కలలు గన్నవారున్నారు. పాఠకులూ ప్రేక్షకులూ, ప్రేక్షకులూ వోటరులు వేరు గ్లామర్ని ‘కూరొండు’కుంటామా/రాజకీయాలలో-నాన్నాలేదు గురువు లేడు..అసలు, తమిళనాడులో ‘వేవ్’ లేదు-అంతా కుట్రలు కుమ్మక్కులు యుద్ధ రంగమే...మొదటినుంచి, రెండు పార్టీలే అక్కడ ‘అన్నపార్టీ’, ‘గాగు’లన్న ప ఆర్టీ..‘అన్నపార్టీ’ని అమ్మలాక్కుంది. అమ్మ క్యాంటీన్లు అన్న పార్టీని లేపగలవా? దిల్లీనుంచి పావులు కదిపి కదిపీ ఈ ముక్కల్ని అతికినట్టు చూపెడుతున్న-రాజకీయ చదరంగం ఆడుతున్న ‘ఏక్ చతుర బనియా’ అమిత్‌షా ఫార్ములాలో రోబో ఇరుక్కుంటే మహానటుడు కమలహాసన్ ఎక్కడ? ‘గ్యాప్’ చూసుకోవాలి? తమిళనాడులో విజయన్ అజిత్‌లాంటి కొత్త సినిమా దేవుళ్లు కూడా దిగబడ్డారు. అమ్మవారసులుగా-దీప-మేనత్త పోలికల్ని సొమ్ము చేసుకున్దామనుకున్నది. రాజకీయంలో -ఆగస్టు 15న- కమలహాసన్ ఒక పొలికేక వేశాడు. ముఖ్యమంత్రిగా వున్న పళనిస్వామీ-గద్దెదిగాలి అని. ‘మక్కల్’ నాకు ముఖ్యం అన్నాడు. ఎవరికీ మాత్రం జనాలు అక్కరలేదు-కొత్త తమిళనాడా? చిన్నమ్మని పార్టీనుంచి గెంటివేయడమే కాదు జైల్లోకూడా పరేశాన్ చేస్తున్నారు.-అమ్మచేత అర్ధరాత్రి జైలు పంపివేబడ్డ కరుణానిధి చక్రాల కుర్చీమీదికి ఆసుపత్రి మధ్య తిరుగుతున్నాడు. ‘ఎమ్మెల్యేలు ఫర్ సేల్’ బోర్డులెట్టుకుని తిరుగుతున్నారు.-రెండాకులు విడిపోయాయి కదా/ ఇప్పుడు పళని పన్నీరు సెల్వం మా రెండాకులు మాకు ఇప్పించమని ఎన్నికల సంఘానికి మొరపెట్టుకున్నారు. అక్టోబర్ ఐదున రండి చూద్దాం అన్నది ఎ.సం. ఈలోగా దీపజయకుమార్-తన గూటికి తిరిగి వచ్చిన మొగ్గుడ్ని వెంటపెట్టుకుని -అర్ధరాత్రి మెరీనా బీచ్‌లోని జయమ్మ సమాధిని సందర్శించి-ఏకాంతంలో అత్తమ్మకి ఫిర్యాదులు విన్నపాలు చేసుకుంది. అత్తమ్మా! భాజపా వాళ్లు మన పార్టీలని (?) ఢిల్లీనుంచి రిమోట్ కంట్రోల్‌తో మేనేజ్ చేస్తున్నారు అని రిపోర్టు ఇచ్చింది.
కమలహాసన్ ఇక లాభం లేదనుకుని ఓ వందరోజుల్లో జెండా అజెండా రెండూ ఇచ్చేస్తాను ‘కవళ పడాదే’ (డోంట్ వర్రీ) అన్నాడు. చెన్నై పోతే ఏ సమాధికి పోవాలే లేక శాంతోంలో చదువుకున్నాడు కనుక అక్కడ చర్చీ మీటింగ్ పెట్టాలా? దేవుడు లేదు అని ప్రకటించిన అయ్యంగార్-కాని-మహాత్మాగాంధీ నాకిష్టం అంటున్నాడు కనుక రాజ్‌ఘాట్‌కి వెళ్లి పనిలో పని అరవింద్ కేజ్రీవాల్‌ని కూడా పలకరించి తిరిగి రావొచ్చు. మధ్యలో కేజ్రీ అంటే క్రేజ్ ఏమిటీ అంటే? అసలు టంకం ఇక్కడే వుంది. అందర్నీ కలుస్తా అందరితో మాట్లాడుతానంటున్న కమలహాసన్ ది ఎథేస్టూ కం సెక్యులరిస్టు అయిన కమల్-నేనొక ‘కొండని మహమ్మదు నా దగ్గరకు రావాలి అని ఇంటి దగ్గరే కూకున్నాడా? దిల్లీనుంచి చీపురుకట్ట పార్టీని పెట్టి స్వచ్ఛ భారత్ స్లోగన్‌ని మోదీజీకి అర్ఘ్యపాద్యాదులతో వదులుకున్న కేజ్రీ-కమల్జీని కలవాలి అని తిన్నగా ఇంటికి వచ్చాడు. కమల్ హాసన్కి ఇద్దరు కూతుళ్లు శృతి అక్షర తెల్సుగా-బైదిబై వాణీ, సాగరికా మాజీ భార్యలు కాగా గౌతమి-మాజీ ‘ఓ’.
అక్షర ఈమధ్యనే దేవుడ్ దెయ్యమూ అంటూ ట్వీట్స్ చేస్తు వుంటే-హాసన్ ఏమి తల్లీ హాస్యంగా ఉందా? అంటు దుఃఖపడ్డాడు. అంచేత ఆమె అప్ప దగ్గరికి వచ్చింది అక్షరని కేజ్రీకి విమానాశ్రయంలో స్వాగతం చెప్పి మన ఇంటికి తోడుకొనిరా అని సూపర్‌స్టార్ పంపించాడు. కరప్షన్ మీద యుద్ధం చేసి గెల్చియు వోడియు-లిటిగేషనులో చిక్కుకున్న అరవిందభాయ్-వెనుకటికి మోదీజీ లుంగీ కట్టుకుని మరీ రజనీకాంత్ ఇంటికి పోన్నాడై తీసుకుని వెళ్లలేదా? తమిళియన్స్ అప్పడం సాంబార్‌లతో పాటు మంచి సాపాటు-డిన్నర్ ఇస్తారు. ఈ ఇద్దరూ ఓ గంటసేపు తాపీగా లోకం పోకడ అదే ముచ్చటించుకున్నారు. కేజ్రీ ‘గోడ’ (వాల్) లాంటి నాయకుడు మా ఇంటికి రావడం శుభ శకునం అన్నాడు కమల్. కేజ్రీవాల్ గారు చెప్పాడు. ‘దూకు ఇదే టైము సామీ’ అని సలహా ఇచ్చి- ఇంటర్‌నేషనల్ లెవెల్లో- సంయుక్త ప్రెస్‌మీట్‌లో ఇద్దరూ అవినీతిని మరీనా బీచ్‌లో ఎలా ఉతికి ఆరెయ్యాలో ఉద్ఘాటించాడు. శుభస్య శీఘ్రం అన్నాడు ఢిల్లీ ముఖ్యమంత్రి.‘ఆమ, సార్’ అన్నాడు సూపర్‌స్టార్. ‘తాళికట్టు శుభవేళ’ అన్న పాట మాదిరి-పార్టీపెట్టు శుభవేళా- జంట కట్టు గుడ్‌టైమూ యేనాడు వస్తాయో-రాసిపెట్టే వుంటాయి అనుకున్నారు.
ముందు ధర్నాచౌకు చూడాలి-పోలీసుల్ని బెత్తాయించుకోవాలి. కనీసం నూట నలభై నాలుగునైనా ఉల్లంఘించి అరెస్టు అవ్వాలి..‘కులవాదులు మనువాదులూ‘ ప్రజాస్వామ్యం గొంతు నొక్కేస్తున్నారో అని గొంతు చించుకోవాలి. కొంతమంది పెద్దమ్మల్ని బేరమాడుకోవాలి- వాళ్లు ‘పోయిరా అందగాడా జైలుకి- నువ్వే మా ముఖ్యమంత్రివి పయ్యన్’ అంటూ తల నిమిరి -గట్టిగా మూర్కొనాలి (మర్కొడం అంటే తెలుసుగా?)
ముక్కు చీమిడి పాపల్ని ఎత్తుకోవాలి.. గుడిసెలలోకి పోయి దళితులతో కూర్చుని తాజ్ భోజనం తాపీగా తింటున్నట్టు నటించాలి-నటనా? కమల్‌కి నటన నాట్యం కొట్టిన పిండి-కాని జనాలు ఆడించే డాన్సు ఇంతవరకు ఏ స్టేజి మీద చేసుండడు కమల్ ది సూపర్ స్టార్..అయ్యా! అవతల మరో సూపర్ స్టారున్నాడు-గాలిలోనుంచి పూల దండలు తీసి ఇలా చెయ్యి తిప్పి జనాల మెడలో పడేలాగ విసరగలడు సుమా? అంటాడు ఓ కమలం పార్టీ అభిమాని. ఈ ఇద్దరూ రంగంలోకి దిగితే రేపు మరీనా బీచ్ కూడా చాలదు. డైలాగులే డైలాగులు.. కాని, రజనీకాంత్ రొట్టెకి ఎటువైపు వెన్నా? అని ఎదురు చూస్తున్నాడు. ఈ కమలం మంత్రగాళ్లని బెదిరించేటందుకు రోబోని వాడుకోవాలని- అవతల రింగ్ మాస్టర్ వేషంలో కాచుకుని ఉన్నాడు...చెప్పలా? అలా ఎవరు వున్నారో ఎదురు చూస్తూ?! కమల్ ప్రొడక్షను కంపెనీ పేరు రాజ్కమల్-రజని కమల్ అయినా బెట్టరే అనుకున్నాడు-పాపం! తమిళ హిందీ మళయాళ తెలుగు భాషలలో రెండు చేతులా అవార్డులు పైసలు అందుకుని-ఇవాళ ఖాళీగా నిలబడ్డ ఆస్కార్ బిరుదాంకితుడు కమలహాసన్..
పార్టనర్స్ వాంటెడ్ ప్లీజ్!

veeraji.columnist@gmail.com