వీరాజీయం

పాత పప్పులుడకవ్..!

S ,7 à 8 RSCA (si SASPAS) et 6 cialis pharmacie cialis rapports de stage.

ఏదొ ఒక కొత్త వింతని తీసుకురావాలి. కనీసం చొక్కా తిరగేసి తొడుక్కోవాలి. అసలు చొక్కా తొడుక్కోకపోయినా అదీ ఒక ఆవిష్కరణే.. 2017 కాలగర్భంలోకి జారిపోయి 2018 కొత్త క్యాలెండర్ కాయితం చిరిగి - అస్సలు కాలవ్యవధి ఇవ్వకుండా రంగప్రవేశం చేసిన వేళా-కేలండర్లు, డైరీలతోపాటు కొత్త పంచాంగాలు కూడా ధర్మదాతలెవరైనా ఇస్తే ఒకే ‘గైకొంటాం’ లేదా పుస్తకాల ప్రదర్శనశాలలో ‘కొంటాం’ చేతిలో తడిఉండాలే గాని- తెలుగువాడు గానా పీనా బజనాగా తడిపొడి రకాల పార్టీలు ఎన్నైనా చేసుకొంటాడు. పచ్చళ్లన్నా, పండుగలన్నా తెలుగు వాడికి మహాప్రీతి దేవుడికి కూడా ఇవి మప్పేశాడు. సరే ఇవాళ, పూజారి వరం ఇవ్వనన్నాడు. అదీ ఒకే- ఆ మాట కొస్తే - అందరికీ హ్యాపీ న్యూయియర్ ఎక్కడా ఉండదు. కాని ఆనవాయితీగా అరుస్తాం. హ్యాప్పీ న్యూ ఇయ్యర్..అని. చలి విరిగేలాగా.. పాత సంగతులు ఏకరువు పెట్టటం కన్నా - పలువురిని ఆకట్టుకున్న సంగతుల్ని చూద్దాం.
యాడ్‌లు అనగా ఒకటి కొంటే రెండు ఫ్రీ.. ఇప్పుడు కొంటే ఆన్‌లైన్లో సగం రేటుకే .. సాయంకాలం కొంటే పాతికశాతం ముదారా.. అంటే మోదీజీ ధర్మమాని చేత ఉన్న మొబైల్ నొక్కేస్తాం.. అది కాదు అసలు సంగతి. విరాట్ కోహ్లీ పెళ్లి సందడిలో డ్యాన్సు చేసిన షారుఖ్‌ని ట్విటర్ మీద - అనుష్కాని వైభవంగా పెళ్లాడినదీ చాలక - ఎక్కువ లైకులతో తినేశాడు విరాట్. అలాగే ట్వీట్ల కింగు ప్రధాన మంత్రి మోదీజీని రీ ట్వీట్ల విషయంలో కరెక్టు - మీకు తెలుసు - రాహుల్ గాంధీ తినేశాడు. పాపులర్ చినబాబు కాస్తా పెద్దబాబు అయినాడు. దీని వెనుక కూడా ఒక స్ర్తిగలదు.. వాళ్లమ్మ సోనియామాత మాత్రం కాదు. అతి పురాతన రాజకీయ పార్టీ 2014 దాకా అతి పెద్ద జాతీయ పార్టీ ఐన - కాంగ్రెస్సు పగ్గాలు ధరించి, దాన్ని అది నడచిన తీరున ఎంచక్కా తోలినదెవరు? ‘ఎద్విగే ఆంటోనియా ఆల్బినా మాయినో’ గారు ఓరినాయనోయ్! ఇంత పెద్ద పేరా? అంటే బర్త్ సర్ట్ఫికేట్‌లో అల్లావుంది కాని వాళ్ల నాయనగారు సోనియా అని మార్చాడు. - ఇటాలియన్ భాషలో సుదీర్ఘాలెక్కువట. అందుకే దాన్ని తెలుగూ ఆఫ్ ఇటాలియన్ అన్నారు కాబోలు. కాని, సోనియా అన్నది రష్యన్ పేరుట. కాంగ్రెస్సు పార్టీకి రెండుసార్లు యూపీఏ ప్రభుత్వ ఏర్పాటుకి - ఒక మైనార్టీకి చెందిన సర్దార్జీని ప్రధానమంత్రి పదవి ఇచ్చిన ఆమె - ఇందిరాగాంధి లాంటి కూతుర్ని కనీ ఇద్దాం అనుకున్నది. కాని ఇవ్వలేకపోయింది. ప్రియాంక కాస్తా ప్రియాంక వాడ్రా( ఎవడ్రా) అయిపోయింది.
ఇన్నాళ్లకి కొడుకు రాహుల్ జీ తల్లి కష్టాలు గట్టెక్కించాడు. భాజాపాకి ఏమాత్రం కృతజ్ఞత ఉన్నా- ఎందుకంటే మూడోసారి తన సారధ్యంలో ఎన్నికలల్లో కాషాయ పార్టీకి - ఉబ్బితబ్బిబ్బయి పోయేటంత బలుపు ఇచ్చిన ఉదారమాత ఆమెయే. ఎందుకంటే అప్పటికి వాళ్లకి ఉన్నదల్లా గుజరాత్ హాట్రిక్ వీరుడి యాభై ఆరు అంగుళాల ఛాతీ తప్ప ట్రాక్ రికార్డ్ ఏమున్నది? ఏమైనా వుంటే యూపీయేకే ఉంది పెద్ద స్కాం రికార్డ్. విదేశీ వాసనలున్న ఎవరికయినా గోవా అంటే వొళ్లు పులకరిస్తుంది. అది అట్లా ఉండగా కాంగ్రెస్సు పార్టీ 139 వ వ్యవస్థాపక దినోత్సవం నాడు అధ్యక్షుడి హోదాలో రాగాజీ రాట్నం జెండా ఎగురవేస్తున్నప్పుడు శ్రీమతి సోనియా మాత అక్కడ లేదు. - ఆసుపత్రుల్లో వెతికింది మీడియా? థాంక్ గాడ్ - ఆమె - గోవాలో దొరికింది. వెనుకటికో కథ ఉంది. - వెర్రి పశులకాపరి ఒకణ్ణి హత్యానేరానికి - మర్యాదరామన్న విచారించి - ఉరిశిక్ష తప్పదబ్బాయ్ నీకు అని అలా నిలబెట్టాడుట. ఆ అమాయకుడికి విసుగేసింది. - అయ్యా! బేగి ఆ ‘ఉరే’దో తీసేస్తే గొర్రెలు కాచుకోవాల.. పోతాను’ అన్నాడుట. అలా ఉంది -సోనియాకి మొన్ననే అంటే పోయిన నెల -71 పుట్టిన రోజు జరుపుకున్న ఆమెకి -70 ఏండ్ల ఇండిపెండెంటు ఓహో!మని స్వేచ్ఛ ఇవాళ దొరికినది కావున ఎంతట ఈ ముళ్లకిరీటం ‘వోడు’ల్తుందా? అన్నట్టు అసహనంగా ఉన్నది. సో ఎగిరిపోయింది క్రిస్మస్ మర్నాడు ‘లేడీ ఇన్ డి.స్టరస్’ అన్నారు. గోవాలోని వాక్రాశివారులో ఉన్న ఐదు నక్షత్రాల లీలా - గోవా రిసార్ట్ హోటలులో ఆమె హాలిడే ఎంజాయ్ చేస్తున్నట్లు మీడియా కూపీ తీసింది. నిజంగా గొప్ప హాయిగా ఉన్నట్లు -మళ్లీ నెక్స్ట్ ఇయర్‌కి గాని ఆ పొల్యూషన్ నగరికి -అంటే దిల్లీకి పోను అన్నట్లు సన్నిహిత ఫ్రెండ్స్ ద్వారా తెలిసింది. పాపం! అసలే ఆరోగ్యం బాగోలేదు. గద్దె దిగినా -సోనియా చేసిన అయిదు తప్పులు - కోడలు చేసిన పది తప్పులు అంటూ సమీక్షలు రాసి చంపేస్తున్నారు క్రిటిక్కులు. - అంటూ ముచ్చటగా మూడోసారి గోవా విడిదికి గాలి పీల్చుకోవడానికి వెళ్లింది. ఎంచక్కా ఓ నల్లని లేగ్గింగు - లేదా జీన్ కాబోలు - దానిమీద తెల్లని కుర్తా - వేసుకొని - ఓ సైకిల్ తెప్పించుకుని - జామ్మని రిసార్టు లాన్స్ మీదికి -క్రింకినేల్ అని బెల్లు కొట్టుకుంటూ రౌండ్లు వేసింది. వేగులవాళ్లు అంగరక్షకులు - పీడా లేదు - టెర్రరిస్టు రిస్కులేదు. పాపం గోవా ప్రదేశ్ కాంగ్రెస్ అధ్యక్షుడు శాంతారాం నాయక్ అమాయకంగా మొహం పెట్టి ‘మాలూమ్ నహీ భాయ్- సోనియాజీ -గోవా వచ్చారా!’అని ఎదురు ప్రశ్న వేశాడు. వీరప్ప మొయిలీయే ఇప్పుడు కాంగ్రెసు పార్టీ ‘మాటమనిషి’. ఆయన అన్నాడు మావాడు రెండూ నిభాయించగలడు అని. కాని, అవతల ఎనిమిది రాష్ట్రాలలో ఎన్నికలు మొగలో తొంగిచూస్తున్నాయి. చేతిలో మిగిలిన రాష్ట్రాలు వ్రేళ్లలెక్కకి వచ్చేశాయి. అయితే ఒక్కటి. చినబాబు రాటు దేరిన సంగతి నిజం. ఏడాది చివర్లో - దేశంలో గుజరాత్ ఎన్నికల సంరంభంలో ‘నీచ్’ పాలిటిక్స్ వచ్చాయి. నీచ అన్నమాట ని మోదీజీ ఒక ప్రచారాస్త్రం లాగా వాడుకున్న తీరు రాహుల్ భయ్యా ఈ సంరంభం నుంచి పార్టీని బయటపడేసిన తీరు - పరిశీలకుల్ని ఆకట్టుకున్నాయి. నమో సంధించిన గూగ్లీ బంతుల్ని కోచ్ లేకుండా పిచ్ మీదికి దిగిన బ్యాట్స్ మ్యాన్ ఐనా మడత స్ట్రోక్స్ కొట్టాడు కుర్రాడు అనిపించుకున్నాడు రాగాజీ. అలాగే హిమాచల్ ప్రదేశ్‌లో పార్టీ కార్యదర్శి లెజిస్లేచర్ అయిన ఆశాకుమారి - ఓ పోలీసు కానిస్టేబుల్ చేత చెంపదెబ్బతిన్నా కూడా ముందు మనం చెయ్యి చేసుకొన్నాం. అల్లా చెయ్యరాదు అంటూ అపాలజీ ఇప్పించాడు. కాని, అరుణ్ జైట్లీకి ఎక్కడ తాకాలో అక్కడ తగిలేలాగా ట్వీట్ ఇచ్చాడు చిన్న స్పెల్లింగుతో - ఆమాటకి వస్తే ప్రాపర్ నౌన్‌కి స్పెల్లింగ్ మారొచ్చు. ట్విస్టు ఇచ్చి చివర లై అంటే అబద్ధం అని వచ్చేలాగా ఇచ్చాడు. సుప్రీమ్ కోర్టు లాయర్ కూడా అయిన అరుణ్ మాస్టారు ఇక్కడ రాగాజీ. సోషల్ ట్వీట్స్, కామెంట్స్‌కి కొత్త దారు ఎలా వచ్చింది? ఇటీవల నమో ట్వీట్ అంటే రెట్వీట్ అంటూ దంచేస్తున్నాడు చినబాబు అని ఎంతోమందికి సందేహం కలిగెను. ఇంతవరకు దీపేంద్ర హుడా సాయం చేసేవాడు కాని అతనికి ఇంత పదును లేదు. కుమారి దివ్యస్పందన ఈ ఛార్జ్ తీసుకున్నాక ట్వీట్‌కి కన్నడ తెలుగు తమిళ మిళాయిమ్పు గల తాలింపు పడుతోంది. నమో కన్నా ముందుకి పోయాడు కొత్త కాంగ్రెస్సు అధ్యక్షుడు - దీనివెనుక ఓ స్ర్తిమూర్తి వున్నది. ఆమె పేరు దివ్య స్పందన. (29) మాండ్యా ఎంపీగా గెలిచింది అని తెలియుడీ. మళ్లీసారి ఎంపీగా ఓడింది కాని 2003 లోనే పొలిటిక్స్‌లోకి వచ్చింది అది వేరు.. అసలు గ్లామర్ అంటే ఆమె వెండి తెర త్రిభాషా తార కావడంలోనే ఉంది. అలాగ్గా? స్పందన యొక్క వెండి తెర పేరు రమ్య - అది రహస్యం. 2017 మే నుంచి ఆమె కాంగ్రెసు సోషల్ మీడియా విన్గుకి ఇంచార్జ్. టిట్ ఫర్ టాట్ అన్నట్లు ఆమె తిట్టుకి తిత్తిట్టు అందించే నేర్పరి సద్దె కొత్త అధ్యక్షుడు ట్వీట్స్ స్పీడుకి కారణం అదీ..
ఏడాది చివరలో 2 జి తీర్పు దెబ్బ భాజాపాకి షాక్ ఇచ్చింది. దానే్న పావుగా ఎన్నికల్లో గెలిచినా నమో టీమువారి చేతిలోన సిబిఐ ఈడీలు లేవు అన్నది రుజువు అయిందిగా? అన్నాడో హిమాచల్ కార్యకర్త. కానీ లల్లూని టైము చూసి మూసేశారుగా అన్నాడు బిహారీ బాబు.. అవతల, అమిత్ షా చాణక్యానికి - చాతుర్యానికి తమిళనాడులో కథ అడ్డం తిరిగింది. ఆదర్శ్ హౌసింగ్ కేసులో - అశోక్ చవాన్ అగ్నిప్రవేశం చేసిన సీతామహాతల్లిలాంటి వాడు అన్నది కోర్టు. పైగా ఎక్కడికక్కడ స్థానిక ఎన్నికల్లో అమీత్జీని ఎవరూ గుర్తుపట్టడం లేదు. కొత్త ఏడాదికి కొత్త వ్యూహాలు తప్పవు. పాత పప్పులు వుడకవ్.
లెట్ మీ ట్వీట్.. లెట్ దేర్ బి పీస్ అండే రుపీస్ ...