ఈ విప్లవ వీరుడికో ‘నమోతాడు’ వేస్తారా?

త్రిపుర ఎంత చిన్న రాష్టమ్రైతేనేమి? పాతికేళ్ల వామపక్ష పరిపాలనకి చెల్లు చీటీ రాసేసింది. ఒక సునామీ లాగా కాంగ్రెస్సు పార్టీని మింగేసి లోగడ ఢిల్లీలో గద్దెనెక్కినంత సంబర పడిపోయింది మరోసారి కమలం పార్టీ. అతి పెద్ద రాష్ట్రం లో ప్రభుత్వం ఏర్పాటు చేసినంత ఆర్భాటంగా త్రిపురలో కొత్త ప్రభుత్వం ఏర్పాటు చేసుకుంది మోదీ గారి కాషాయ సేన. కొత్తవాడైన ముఖ్యమంత్రి కుర్రాడు- ఉత్సాహవంతుడు- మోస్ట్ ఎలిజిబిల్ బాచలర్ లాగా మెరిసిపోతున్న వాడు.. పేరు కూడా ఎంచి పెట్టినట్లు సరిపోయింది.. బిప్లోబ్ కుమార్‌దేబ్! కంగారుపడకండి -అంటే తెలుగులో విప్లవ కుమార దేవుడు అని అర్ధం. అతడిని ఆర్‌ఎస్‌ఎస్ ప్రచారక్‌గా జగ మెరుగును.. పైగా, ఒక జిమ్ నడపుతున్న వ్యాయా మసిద్ధుడు. అంటే అను మానం లేదు తిండి పుష్టి, కండ పుష్టి రెండూ ఉన్నవాడు.. కాకపోతే, లెనిన్ భారీ విగ్రహాన్ని తు త్తునియలు చేయించిన ఘనకార్యం అతనిది కాదుట.. రావయ్యా ! విప్ల్‌వ కుమార రావయ్యా ! మా భాగ్యం కొద్దీ దొరికావ య్య అం టూ -విప్లవ్ దేవ్ ని గద్దె మీద కూర్చోబెట్టారు. అనుకున్నట్లే - అతను కొన్ని విప్లవాత్మకమైన సిద్ధాంతాలను పెట్టుకుని త్రిపురాసనం మీద ఉపవేష్టితు డయ్యాడు. కొన్ని విప్లవాత్మక ఐడియా లను తయరు చేశాడు. ఈశాన్య రాష్ట్రాలు అంటేనే ఆవు చుట్టూ తిరుగుతాయి. అపార్థం చేసుకుంటున్నారు సుమా! గోమాత చుట్టూ ప్రదక్షిణలు చేసి దాని మూత్రాన్ని తల మీద జల్లుకుంటారని భావిస్తున్నారేమో! గోమాంసం తింటే తప్ప త్రిపుర వారికి భోజనం చేసినట్లు వుండదు.
ముందుగానే జాగ్రత్త పడ్డది కమలం పార్టీ. త్రిపురలోని సీనియర్ నాయకుడొకరు -త్రిపుర వాసులలో- కేవలం హిందువులు మాత్రమే కాదు - క్రిస్టియన్లు- మహమ్మదీయులు వున్నారని గుర్తు చేసుకున్నాడు. హిందువులలో కూడా కొన్ని జాతులవారికి గొడ్డు మాంసం లేనిదే ముద్ద దిగదు అన్నాడు.. అటువంటప్పుడు ఒక ‘పాలసి’గా ఆవును రక్షించాలని పూజించాలని - భావి స్తున్న బిజెపి ఎన్నికలముందు గమ్మున వుంటే -ఈ పాటికి త్రిపురలో ఎర్ర జెండా రెప రెపలు కొనసాగుతూ ఉండేవి.. ఒక రకంగా ఆవు లాంటి సాధు జంతువుతో-త్రిపురలోని కమ్యూనిస్టులని వీరబాదుడు బాదేశారన్నమాట. ఈశాన్యంలో భారతీయ జనతా పార్టీ - ఆవుని కూడా ‘్ఫడ్ ఐటెం ‘లో చేర్చిం ది.. వెంకయ్యగారంతటి హోల్ ఇండియా లీడరు - ఒకవేళ , ఈశాన్య రాష్ట్రాలలో ని కొన్ని వర్గాల మనోభావాలు దెబ్బతినేశాయేమో నని భయపడి- మంత్రి వర్యుని గా వునప్పుడే-‘‘వెంకయ్య అను నేను’’- ఫక్తు నాన్ వెజిటేరియన్‌ని అనగా స్ట్రిక్టు నాన్ వేజిటేరియన్ ని -అని తన గంభీర శైలి లో ప్రకటిస్తూ వచ్చాడు. ‘ఎక్కడ వోట్లు అవసరమో? అక్కడ కెయ్యది అవసరమో అక్కడ అయ్యది నెపమెన్నక , పలుకుము నేర్పరి నాయకా’ - అన్న సూక్తిని - కొనసాగించడంలో తప్పు లేదు కాని - యుపిలో ఆవు ‘మమీ’ అంటే అమ్మ - దాని వేపు మరో రకమైన ఆశగా చూస్తె -కాలో చెయ్యో విరిచేస్తాము అంటారు- అక్కడ ఆవు ‘ఇంగ్లీష్ మీడియం లోను, హిందీ మీడియంలోను ‘‘అమ్మ’’యే - కాని ఈశాన్య ప్రాంతాలకు వెళ్లేసరికి- ఈ అమ్మదనము ‘గ్రేట్’ కాదు గోమాంసంలోనే- కమ్మదనం అంతా’’ అన్న -జనవాక్యానికి కైమో డ్పులు పెట్టారు.
ఓ వీరభక్తుడ న్నాడు- ఆల్ ఈస్ వెల్ ఇన్ వార్ అండ్ ఎలక్షన్స్’ - అంటే వోటు కోసం- ఆవుని తినమని పులిని కాపాడమని -కోరితే తప్పు లేదు. ఆవుని, దొరికితే నిన్నూ కూడా మక్కువగా తినే పులి -మన దేశానికి జాతీయ గుర్తు. దాన్ని కాపాడాలి - తప్పదు.. కొంతమంది -ఎక్కువమంది మాంసాహారులు కూడా ఈ దేశంలో గోమాత విషయంలో - గో సంరక్షణ విషయంలో -చాలా స్ట్రిక్టు. ఆ మధ్య యుపిలో ఎవడిమీదనైనా కోపం వుంటే.. ‘ఆవుని కొడతావురా.. గోమాతని భక్షిస్తావురా.. అంటూ శత్రువుపై దాడి చేసేయ్యవచ్చు. కానీ యుపి లో ఇంత గో భక్తీ ని వ్యతిరేకిస్తూ కేరళ,కర్ణాటక ల లో కూడా - ఆవు మాంసాన్ని భుజిం చడం వీరోచిత ఉద్యమంగా సాగడం మొదలెట్టిం.. దీన్నిఖండించడం పోగా ఉప రాష్త్రపతి వెంకయ్యజీ అన్యాపదేశం గా వత్తాసు పలికారు. - బీఫ్ తినండి కాని సంబరం చేసుకోవద్దు అంటూ ఒక స్టేట్మెంట్ ఇచ్చాడాయన. ఎవరైనా ఆయనని పొరపాటున - బీఫ్ సప్పోర్టర్ గా అపార్థం చేసుకుంటీ ....నేరం ఆయనది కాదు.. ఇప్పుడు తానూ ఎ పార్టీ సభ్యుడు కాదు పార్టీలకి అతీతుడు గావున ఆయన ఇలా -అనగానే ఓ చాందసుడు దాని మీద అటాక్ ఇచ్చాడు- అయితే , ఎందుకీ స్టేట్మెంట్లు?
ఇంచక్కా పులికి బదులు ఆవును- జాతీయ జంతువుగా ప్రకటిస్తే.. బాగుంటుంది అని - అప్పుడీ బీఫ్ వుండదు, బీఫ్ కేసు వుండదు అన్నాడో కుర్ర జర్నలిస్టు. ఇక్కడ ప్రశ్న- మాంసాహారం, శాకాహారం కానే కాదు- ఆవు హిందువుల పవిత్ర మైన జంతువా? కాదా? లేడిని చంపిన సల్మాన్ ని లాగే ‘ఎంతటి సెలబ్రిటీ’ అయినా ఆవుని చంపితే - అనక తింటే -లేదా తినకపోయినా -అది నేరం గా భావించి- గో దూషణ కూడా శిక్షాస్మృతిలో నేరంగా చేర్చే దమ్ము ఉందా? లాంటి చర్చలు జరిగే తీరిక టీవీలకి లేదు. ఒకడు తిన్నాడని ఇంకొకడికి అక్కసు తప్ప- ‘ఆవు హోదా’ గురిచి -మనలాంటి వాళ్లకి అనగా ఆవు తినే తోటకూర తమలపాకులను మాత్రమే తిని, నెమరు కూడా వేయకుండా సంతృప్తి చెందే వాళ్లకి, తప్ప అన్యులకు పట్టడం లేదు. ఒక భాజపా ముఖ్య మంత్రి ఆవు కనిపిస్తే దాని -తోక- వెంట పడతాడు- గోమూత్రపానం కోసం.. ‘ఇంతటి ఉపోద్ఘాతం తరువాత మళ్ళీ విప్లవ కుమార్ దేవ్ (బంగాలి వాడికి’’ వా’ నోరు తిరగదు మనకి ‘బ’ నోరు అట్టదు) దగ్గరికి వద్దాము- ఈ యువ ముఖ్య మంత్రి సార్ధక నామధేయుడు అన్నాంగా - ఆవుకి ఓ హోదా ఇచ్చేశాడు తనకి తెలియకుండానే. త్రిపురలో ఇలా అన్నాడు. ‘ నిరుద్యోగ యువకులు ఉద్యోగం అంటూ గవర్నమెంట్ ని అడగ వద్దన్నాడు- ఒక ఆవుని కొనుక్కోండి -ఇంచక్కా పాల వ్యాపారం మొదలెట్టండి. ఆవు పాలు లీటరు ఎంతో మోదీజీకి కూడా తెలియదు కాని, హమ్కో మాలుం హైనా- బ్రాహ్మడికి పెడితే పుణ్యం అన్నాడుట వో బ్రాహ్మడు--బ్రాహ్మన్ని తింటే మరీ పుణ్యం అన్నాడుట మరొకడు.. అలాగ నువవు -పులులు తినగా మిగిలిన ఆవుల్ని రైట్ రాయల్ వేలో తినేస్తు వుంటే .ఇదేమి న్యాయం?. - అవును త్రిపుర చిన్నదే గాని అక్కడ అన్నీ వన్యమృగ క్షేత్రాలే.. అంచేత - సర్కారు ఉద్యగాలకి బదులు క్షీరం అమ్మితే- లేదా పందుల పెంపక కేంద్రం పెడితే - బోలెడంత ఆదాయం ఖాయం అన్నాడు ముఖ్య మంత్రి వర్యుడు సీరియుస్ గా - ‘‘జియోబేటా జియో! సౌ సాల్‌‘అంటే నీ అమ్మ కడుపు చల్లగా మళ్ళీ ఎలక్షన్ల దాకా సీఎంగా కొనసాగార బిడ్డా అన్నట్లు ‘్భ ‘మన్నదో గోమాత . ముఖ్యమంత్రి వర్యుడు యువకుల బద్దకాన్ని కూడా ఆలో చించాడు ..రొచ్చు రొష్టు ఎందుకు ? అనుకుంటే.. హాయిగా బ్యాంకు లోను పెట్టండి ఓ డెబ్భయ్‌ఐదు వేలు - రుణం కొట్టండి- పాన్ దుకాణం పెట్టుకోండి -పది సంవత్సరాల్లో పది లక్షలకి అధికారులైపోతారు-అన్నాడు. పాన్ వాలా అన్నాడే కాని చాయ్ వాలా అనలేదు విప్లవ దేవ్.. అతనికి నమో కాపీరైటు తెలుసు. ,సారు గారి టేస్టు వగైరా తెలుసు- ఈ విప్లవ్ సూచన -యువకులకి నచ్చినా ఆశ్చర్యపోనక్కరలేదు .. అప్పణంగా బ్యాంకు లోన్ (ఆధార్ కార్డు దేముంది సంపాదిస్తారు) దొరికి పోతూంటే -ఆవునీ - పాన్ షాపు అంటే కిళ్ళీ కొట్టునీ కూడా గైకొంటాము అన్నాడో యువకుడు. పెళ్లి చేసేసుకుంటే - ఆవిడ ఆవుని, నేను షాపుని - చూసుకుంటాము-‘ ఇంటికో ఆవు స్కీము మొదలెట్టాలి ఇప్పుడు భాజాపా .. అదీ ఐడియా.. ( నషాళా నికి అం టిందా)..విప్లవ జీ కి శాస్త్ర విజ్ఞానం కూడా ఎక్కువే.. ఓ కంపూటర్ల సంస్థ వాళళు రిబ్బన్ కట్ చెయ్యమన్నారు- అసలీ ఇంటర్నెట్ మన ప్రాచీన శాస్త్రం.. భారత కాలంలో వుంది - గూగుల్ ని మించిన సెర్చ్ ఇంజన్ - వై ఫై ని మించిన ‘్భ. ఫై’లు ఉండేవి లేకపోతె గుడ్డివాడికి - సంజయుడు భారత్ యుద్ధం అంతా కళ్ళకి కట్టినట్లు ఎట్లా అందించగలడు ? అనడిగాడు. బ్యాంకులకి ఎసరు పెట్టగలాగాలి .. అలా పెట్ట గల వాడు బీఫ్ వ్యాపారానికి బొక్క పెట్టగాలవాడు కాలేడా? అద్దీ సంగతి .. ఈ యువ జిమ్ జిమ్ వాలా ముఖ్యమంత్రిని అర్జంటిగా బులావ్ అన్నాడు శ్రీమాన్ నరెంద్రదాస్ మోదీజీ .. ఐడియాల కోసమే అయ్యుంటుంది ఓ ‘నమోతాడు’ (వీరతాడులా) వేస్తాడేమో.. వేచి చూడుడీ ..!
వావ్, వుయ్ గాట్ అనదర్ మిర్చి మసాలా వాలా.. సీఎం!