చాలీచాలని గెలుపు!

నీపుర్ర చెయ్యి తియ్ .. నా ఎడం చెయ్యిపెడతానన్నట్లుగా ఉంది కర్ణాటక పరిస్థితి. మన సానుభూతి అందవలసింది -కర్ణాటక ప్రజలకే. పాపం..! క్యూలు కట్టి నిలబడి వేలి మీద ముద్దరేయించుకున్న వోటరు ఏపార్టీ వాడైనా మిగిలింది చింతే..
ఎవరికీ మెజారిటీ రానందున రాష్టప్రతి పాలన వస్తేనే బెట్టర్ అని పించేసొంది అన్నారు ఎందరో సామాన్యులు సోషల్ మీడియాలో. ఈ కప్పల తక్కెడ మేళం తో యాతన పడలేము -పరిపాలన కుంటువడటం ఖాయం అన్నాడో సామాన్య వోటరు . సింగల్ లార్జెస్ట్ పార్టీ గా అవతరించిన భాజపా కి మరీ బాధగా ఉంది. అందాకా వచ్చాం - కాలు జారింది అనుకుంటున్నారు కాని , అధినాయకులు మాత్రం మేకపోతు గాంభీర్యంతో -్ఢల్లీ నుంచి ఇదేదో ఘన విజయం అని గర్జనలు మొదలెట్టేసరికి -ఒకే రోజు రెండో సారి రోడ్డున పడి మిఠాయివాలాలకి కి బేరాలు ఇచ్చారు, మోదీ- షా లకి జేజేలు పలికారు. కానీ , వారి విజయం గోచీ కి పెద్ద... అంగ వస్త్రానికి చిన్న అయ్యిందేనన్న వ్యధ పార్టీ శ్రేణుల్లో గుబులు పుట్టించింది . ఇది మా దక్షిణాది జైత్రయాత్రకి బంగారు వాకిలి అని నాయకులు అన్నా-స్థానిక నాయకులు - నోటికందినట్లే అంది అంతలోనే జారి పోతున్నట్లుగా వుంది అధికారం అని దిగులుగా ఉన్నారు.
‘ఇది చాలా ఖర్చుదారీ వ్యాహారం గురూ అని మొహాలు నలుపు చేసు కుంటున్నారు. మితభాషి అమిత’ బుద్ది’ శాలి అయిన దేవేగౌడ -ఇచ్చిన ‘మోదీషా-క్ ‘ కాంగ్రెస్సు శిబిరం లో కొత్త ఊపిరి పోసింది. అప్పుడే కాంగ్రెస్సు నాయకుడు డీకే శివకుమార్ లాంటి వాళళు ఉప ముఖ్యమంత్రి అయినట్లే -కలలు కంటున్నారు. ఈ ఎన్నికలు సిద్దరామయ్య మీద జనానికి వున్న చీదరింపుని చీపురు కట్టతో చెప్పినట్లు - చాముండేశ్వరి సాక్షిగా మట్టి కరిపిం చేయి. కాని, ఇటు ఎడ్డీ గారికి కూడా గెలుపు దక్కినదే కాని కుక్క పాట్లు మిగిలాయి.. దేవేగౌడ గడుసుగా -గోడమీద పిల్లిలాగా కూర్చొని - తన కుమారరత్నానికి ముఖ్యమంత్రి చాన్సు కలిపించాడు.
పది హేడో తేదీన నేను ముఖ్య మంత్రి గద్దె ని- మోడీ ,షా లు కుడిఎడమల నిలబడి -జేజేలు చెపుతూ ఉండగా ఎక్కుతాననిని బోరవిరుచుకుని ప్రకటించిన ఎద్యురప్పకిది గర్వభంగం. గవర్నర్ వాజుభాయివాలా వేపు ఆశగా చేతులుకట్టుకుని- ఆ దిశగా చూస్తున్నాడు .’’ గవర్నర్ మనోడేగా’’ - రెండు చోట్ల గెలుపు సాధించిన కుమారస్వామి రామ నగరం , చెన్నపట్న నియోజక వర్గాలలో పెద్ద మేజోరీటితో జనం కనపడితే చాలు - చూస్తూనే రెండు చేతులు మూపేస్తున్నాడు. - అతని రొట్టె విరిగి నేతిలోట్లే పడ్డట్లే వుంది.
మొత్తానికి కర్నాటక వోటర్లు ఎవరికీ మద్దతు ఇవ్వలేదు. మూడు పార్టీలని ముప్పు తిప్పలు పెట్టి త్రిశంకు స్వర్గంలో విదిచిపెట్టారు - తన్నుకు చావ మన్నారు. సంబరాలు ఏవో సాగుతున్నా, ఈ మధ్య రెండు శిబిరాలలోను -బ్యాక్ గ్రౌండ్లో అస్థిరత అనే కారు చీకటి కానవస్తున్నది. కింగ్మేకర్ జేడిఎస్ తనే కింగు అవడానికి చాన్స్ కొట్టేసింది. తన బిడ్డ ముఖ్యమంత్రిగా మరి ఒక్క సారి వచ్చినా రేపు సార్వత్రిక ఎన్నికల్లో -దాని ప్రభావం వుంటుంది అన్నది -దేవెగౌడజీ ఆశ. అతగాడు లెస్ టాకర్ -మోర్ థింకర్ .సోనియా గాంధీకి ఏమి కావాలి? ఎలాగో అలాగా - కమలం అధికారం లోకిరాకోడదు.. తన చెయ్యి క్రింద వున్నా సరే .. తక్షణం బేషరతుగా -చెయ్యి అందించింది గౌడ తలుపు తట్టి మరీ -్భష్ ! ఇప్పటికి రాజకీయం అంటింది ఇటలీ మాతకి .
అది అట్లుంనిండు - మనకి ఎమోషనల్ ఇన్నాల్వుమెంటు లేదు. మన రెండు తెలుగు రాష్ట్రాలు ఈ చదరంగం లో భాగస్వాములు కావు కనుక -అలా, వెనక్కిసాగి - ఇలా వాలు కుర్చీలో వ్రాలి - మీడియా మీద- ఫేక్ మేధావులు - కిరాయి మేధావులు- పొలిటికల్ సోకాల్డ్ సైంటిస్టులు ఎగబడి అరుస్తూ ఉంటే రిలాక్స్ అవుతాము-లేదా ఐపిఎల్‌కి చానల్ త్రిప్పుతాము దృష్టి .. ఇంకా కర్ణాటక ప్రస్తుత అసెంబ్లీ కి ఇరవయ్ ఎనిమిది దాకా ఆయుష్షు ఉంది. ఏ గూటి చిలుక అ గూటి పలుకు ఎలా కూస్తుందో చూడవ చ్చును . అది ‘వట్లుండ’ నిండు. ..
బంతి గవర్నర్‌గారి కోర్టులో వున్నది అంటున్నారుగా .. కర్ణాటక విష యములో చూస్తె, వడ్డించేవాడు మనవాడైతే .. కడ ( చివరి) బంతిలో కూ ర్చోమన్నారు. .. అన్న సామెత స్ఫురిస్తోంది . గవర్నర్ వాజుభాయివాలా గారు -మోదీజి యొక్క గంప క్రింద కోడియే పూర్వాశ్రమంలో.. కొంచెం లోతప్పింది- కాని గుజరాత్‌లో ముఖ్యమంత్రి అయ్యేవాడు.. కాబినెట్లో నెంబర్ టూగా ఉండి చక్రం తిప్పినవాడు. రెండువేల ఒకటిలో మోదీకి తన సీటు ఖాళీ చేసి అసెంబ్లీ కి పోటీ చేయమని త్యాగం చేసినవాడు, స్పీకర్ గా కూడా -రాణించిన వాడు .. పైగా ,ఆర్‌ఎస్‌ఎస్ మూలాలు గల వాడు. ‘మా భాగ్యం కొద్దీ దొరికావయ్య ఎద్యూరప్పా... రా !’ అంటూ ఎడ్డీ ని పిలచి -్భజము తట్టి పంపుతాడు గవర్నర్ అన్న ఆశ బిజెపి వర్గాల లో వుండవచ్చు గాని - ఆనక కోర్టులో చుక్కేదురయితే.. ? అంచేత ఆచి తూచి అడుగేస్తాడని విజుల ఆశ. వోటరు దేవుడు - ఎవర్నీ కనికరించలేదు. అందరికీ గున (పాలే) పాఠాలే చెప్పాడు.
ఇదేదో - రాహుల్ గాంధీ- మోదీ-షా ల మధ్య బలపరీక్ష అనుకున్న వా ళ్ళది తప్పు. ఇది ఓల్డ్ బేండీ కూట్స్ సిద్ధ-ఎడ్డీ లమధ్య కుస్తీపోటీ.. ఏటయినా, దూకడానికి వీలుగా జెడిఎస్ - ముందే కూటమిలో చేరలేదు. సెక్యులర్ అన్న లేబిల్ పెట్టుకుని తొందర పడి మోదీకి జై అనకుండా - జాగ్రత్తగా పావులు కదిపిన దేవేగౌడ గారి కెపాసిటీ మోదిజీ కి తెలుసు. అందుకే , తనే పోయి దేవేగౌడని ఖుషామత్ కొట్టి వచ్చాడు.. కానీ అంత కన్న ఎక్కువ ఛాన్స్ హస్తం అందించింది - జెడీఎస్ కాం గ్రేస్ ని వాటే సుకున్నది .. కావాలంటే , ఉపముఖ్య మంత్రి పదవులకి బేరం పెట్ట వచ్చును అనే ఉద్దేశంతో. డీకే శివకుమార్ లాంటి ‘‘కరోడ’’ కాంగ్రెస్సు నాయకులూ - కుమారస్వామికి జై అన్నారు.
అయితే , మన రాజకీయ చరిత్ర లో చాలా వైరటీ వున్నది. కేంద్రంలో అధికారం లో వున్న పార్టికి -తిమ్మిని బమ్మి చేసే అవకాశాలు ఎక్కువగా వుంటాయి కూడా. మేఘాలయలో సీట్లు దక్కినా అధికారం రాలేదు కాంగ్రెస్‌కి. మణిపూర్ లో సింగల్ లార్జేస్ట్ పార్టీ గా రాలేదా? ఏమి అయ్యింది.? గోవా కథ భావి తరాలకు ఒజ్జ బంతి.
హుక్కో క్రూకో -ద్వారా అధికారం లోకి రావాలని ప్రయత్నం చెయ్యడం తప్పుకాదు(!)- చట్ట విరుద్ధం కాదు. కావున - రాజకీయ చదరంగం లో భాజాపాకి -నమో-షా ల శక్తి -యుక్తి దేవుడిచ్చిన వరాలు. కమల నాథులు - లోగడ రాజస్తాన్‌లో కాంగ్రెస్‌కి 96 సీట్లు రాగా సింగల్ లార్జెస్ట్ పార్టీ గా బిఎస్పి సాయం తో -గద్దె నేక్కలేదా? అంటున్నది భాజపా థింక్ ట్యాంకు .. అయితే ముందుగానే గవర్నర్‌ని తనకి కొంచెం ఎక్కువ టైం కావాలని అడిగాడు తన అప్లి కేషన్ లోనే ఎడ్డీ .. మరి ? బల పరీక్ష కోసం డబ్బుకి అమ్ముడు పోయే -ఎం ఎల్ య్యేలను బేరమడుకోవాలా?వద్దా ?అన్నది జనవాక్యం. నీతీ నిజాయితీ లేని -్ఫర్ సేల్ బోర్డు తగిలించుకున్న శాసన సభ్యుల - సభ్యత్వాన్ని ఆటోమాటిక్ గా రద్దు చేసే రూలు చట్టం వచ్చేదాకా -ఈ దేశ వోటర్లు మోస పోతూనే వుంటారు.
అవినీతికి మేము దూరం అంటూ మడి కట్టుకున్న కబుర్లు చెప్పే ఎడ్డీ ... -నీ పార్టీకి వ్యతిరేకంగా పొటీ చేసి - నిన్నటి దాకా నిన్ను అన్ ప్రింటబుల్ తిట్లు తిట్టిన వాణ్ని - ఎలా కొనుక్కుంటావు? అని అడిగితే వెర్రివాడా?ఏ దేశంలో పుట్టావ్ ? అని అడుగుతాడు.. అంచేత -కాసేపు నీతి అవినీతి, ప్రజాస్వామ్యం, కాకరకాయ పచ్చడి గట్రా మరిచి పోయి - హమేషా తమషాగా - కర్నాటక డ్రామాని తిలకిద్దాం.. చలో .. గేమ్లో - జోజీతా ఓ సికందర్.
గుడ్.. పీపుల్ గాట్‌రిడ్ ఆఫ్ సిద్ధరామయ్య!
*