రాష్ట్రీయం
మేటి నగరంగా విశాఖ
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖ ఉత్సవ్‌లో సిఎం చంద్రబాబు ఎస్పీ బాలుకు స్వరకళా సామ్రాట్ బిరుదు ప్రదానం
విశాఖపట్నం, జనవరి 2: మేటి నగరంగా విశాఖను తీర్చిదిద్దనున్నట్టు ముఖ్యమంత్రి చంద్రబాబు నాయుడు చెప్పారు. విశాఖలో జరుగుతున్న విశాఖ ఉత్సవ్ రెండో రోజు కార్యక్రమానికి శనివారం చంద్రబాబు నాయుడు హాజరయ్యారు. ఈ సందర్భంగా జరిగిన సభలో ఆయన మాట్లాడుతూ విశాఖకు బ్రహ్మాండమైన భవిష్యత్ ఉందని అన్నారు. విశాఖ ప్రజలు చెక్కు చెదరని ఆత్మస్థైర్యంతో హుదూద్ తుపానును జయించారని అన్నారు. హుదూద్ ఆనవాళ్లు కూడా కనబడకుండా, ఇక్కడి ప్రజలు పచ్చదనాన్ని పెంపొందించారని చంద్రబాబు అభినందించారు. విశాఖకు సమీపంలోని భోగాపురం ఇంటర్నేషనల్ ఎయిర్‌పోర్టు ఏర్పాటుకు చర్యలు చేపట్టామని ఆయన చెప్పారు. అనకాపల్లి-్భగాపురం మధ్య సుందర నగరాన్ని ఏర్పాటు చేయడానికి సన్నాహాలు ప్రారంభమయ్యాయని ఆయన చెప్పారు.
ఎస్పీ బాలుకి స్వరకళా సామ్రాట్ బిరుదు
ఈ సందర్భంగా సినీ నేపథ్య గాయకుడు ఎస్పీ బాలసుబ్రహ్మణ్యంకు స్వర కళా సామ్రాట్ బిరుదును ప్రదానం చేశారు. సినీ సంగీత దర్శకుడు ఎంఎం కీరవాణితో కలిసి ముఖ్యమంత్రి చంద్రబాబునాయుడు విశాఖ ఉత్సవ్ వేదికపై ఎస్మీ బాలసుబ్రహ్మణ్యంకు అందించారు. సన్మాన కార్యక్రమం తరువాత చంద్రబాబు నాయుడు మాట్లాడుతూ క్రమశిక్షణతో అంచెలంచెలుగా ఎదిగిన వ్యక్తి బాలసుబ్రహ్మణ్యం అని అన్నారు. ఎంత ఎత్తుకు ఎదిగినా ఒదిగి ఉండే ఆయన మరో 50 ఏళ్లు ఇటువంటి స్వరంతోనే ప్రేక్షకులను మెప్పిస్తారన్న ఆశాభావాన్ని చంద్రబాబు వ్యక్తం చేశారు. బాలు, తను ఒకే జిల్లాకు చెందినవారమని, ఒకే కళాశాల్లో చదివామని చంద్రబాబు చెప్పారు. అనేక భాషల్లో పాటలు పాడి, ప్రేక్షక లోకాన్ని మెప్పించిన బాలు గానం ఎప్పుడూ తెలుగు వారి గుండెల్లో నిలిచిపోతుందని అన్నారు. సన్మానానికి ముందు ఎస్పీ బాలసుబ్రహ్మణ్యం మాట్లాడుతూ ఎక్కడ స్ర్తిలు, భాష గౌరవింపబడుతుందో, మనషులతో పాటు మనసులు కూడా ఆహ్లాదకరంగా ఉంటాయో ఆ రాష్ట్రం సుభిక్షంగా ఉంటుందన్నారు. అది ఆంధ్ర రాష్ట్రం కావడం తన అదృష్టమని అన్నారు. వీటన్నింటికీ కారణం ముఖ్యమంత్రి చంద్రబాబు నాయుడని అన్నారు. చంద్రబాబుకు, తనకు చాలా కాలంగా సంబంధాలు ఉన్నాయన్నారు. ఇద్దరం తరచూ కలుసుకోపోయినా, ఒకరినొకరం పరోక్షంగా గౌరవించుకుంటామని బాలు అన్నారు. ఒక మేధావి చెప్పినట్టు ఐదేళ్ల కోసం ఒక ప్రభుత్వాన్ని ఎన్నుకుంటాం.. అధికారంలో ఉన్న ప్రభుత్వానికి విపక్షాలు చేతనైతే సాయం అందించాలి తప్ప, విమర్శించకూడదని బాలు హితవు పలికారు. ‘సాయం చేయకపోతే, మానేయండి, కానీ చేసే మంచి పనులను అడ్డుకోకండి. దాని వలన ప్రగతికి విఘాతం కలుగుతుంది. జాతి జబ్బు పడుతుంది..అని అన్నారు. ఈ సమావేశానికి ముఖ్య అతిథిగా హాజరైన సంగీత దర్శకుడు ఎంఎం కీరవాణి మాట్లాడుతూ ముఖ్యమంత్రి చంద్రబాబుది ఉక్కు సంకల్పమని అన్నారు. (చిత్రం) విశాఖ ఉత్సవ్‌లో ఢంకా మోగిస్తున్న ముఖ్యమంత్రి చంద్రబాబునాయుడు * ఎస్పీ బాలసుబ్రహ్మణ్యంకు స్వరకళా సామ్రాట్ బిరుదు ప్రదానం చేస్తున్న సిఎం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.