విద్యాశాఖాధికారులతో చర్చకు అనుమతినివ్వండి’

విశాఖపట్నం, మే 15: విద్యాశాఖాధికారులతో బహిరంగ చర్చకు అనుమతినివ్వాల్సిందిగా కలెక్టర్‌ను ఎపి ప్రైవేటు ట్యుటోరియల్ స్కూల్స్ అసోసియేషన్ కోరింది. ఆదివారం నిర్వహించిన సమావేశంలో అసోసియేషన్ అధ్యక్షుడు జి.కమలాకరరావు, ప్రధాన కార్యదర్శి ఎస్.సూర్యనారాయణ మాట్లాడుతూ జిల్లావిద్యాశాఖాధికారి ప్రభుత్వ జివోలు, విద్యాహక్కు చట్టాన్ని భేఖాతరు చేస్తూ నిరుద్యోగులైన ట్యుటోరియల్స్ పాఠశాలల యాజమాన్యాలు రోడ్డుపడే విధంగా చేస్తున్నారని ఆందోళన వ్యక్తం చేశారు. చివరకు విద్యాశాఖ సంచాలకుల ప్రోసిడింగ్స్‌ను కూడా నిర్లక్ష్యం చేస్తున్నారని విమర్శించారు.