రాష్ట్రీయం
వ్యర్థాల నిర్వహణకు మూడు ఒప్పందాలు
S ,7 à 8 RSCA (si SASPAS) et 6 cialis pharmacie cialis rapports de stage.
‘స్వచ్ఛాంధ్ర’కు ఉత్తమ పద్ధతులు అవలంభించాలి: సిఎం
విజయవాడ, నవంబర్ 30: ఆంధ్ర ప్రభుత్వం స్వచ్ఛాంధ్ర కార్యక్రమాన్ని ప్రతిష్ఠాత్మకంగా భావిస్తోందని సిఎం చంద్రబాబు స్పష్టం చేశారు. సోమవారం సిఎంఓలో స్వచ్ఛాంధ్ర కార్పొరేషన్ మరుగుదొడ్లు, ఘన, ద్రవ వ్యర్థాల నిర్వహణకు మూడు అంతర్జాతీయ సంస్థలతో అవగాహన ఒప్పందాలు కుదుర్చుకున్న సందర్భంగా ఆయన మాట్లాడారు. వ్యర్థాల నిర్వహణలో ప్రపంచంలోని ఉత్తమ పద్ధతులను అవలంభించాలని చంద్రబాబు సూచించారు. అత్యాధునిక సాంకేతిక పరిజ్ఞానాన్ని ఉపయోగించి పర్యావరణహితంగా వ్యర్థాల నిర్వహణ చేపట్టాలని సూచించారు. వ్యర్థాల నుంచి విద్యుదుత్పత్తి చేయతలపెట్టామని, అందుకుతగిన ప్రతిపాదనలతో అంతర్జాతీయ సంస్థలు ముందుకొస్తే ఆహ్వానిస్తామన్నారు. దీనిపై ఇప్పటికే టెండర్లు పిలిచామని తెలిపారు. రాష్ట్రంలోని 110 మున్సిపాలిటీల్లో 3 లక్షల మరుగుదొడ్ల అవసరం వుందని, ఇప్పటికి 60వేల మరుగుదొడ్ల నిర్మాణం పూర్తిచేశామన్నారు. వచ్చే ఏడాది మార్చిలోగా మిగిలిన వాటి నిర్మాణం పూర్తిచేయాలన్న లక్ష్యంతో పని చేస్తున్నామన్నారు.
ప్రపంచంలోనే పేరున్న సంస్థలు
అవగాహన ఒప్పందాలు కుదుర్చుకున్న జిఐజెడ్, బిఎఆర్డీఏ అండ్ సిడిడి, వాటర్.ఒఆర్‌జి.. మూడు మూడు కంపెనీలు ఘన, ద్రవ వ్యర్థాల నిర్వహణలో ప్రపంచంలోనే పేరుపొందాయి. జిఐజెడ్ 130 దేశాల్లో వ్యర్థాల నిర్వహణలో పనిచేస్తోంది. బోర్డా అండ్ సిడిడి 23 దేశాల్లో తన కార్యకలాపాలు నిర్వహిస్తోంది. రాష్ట్రంలో క్షేత్రస్థాయిలో జరుగుతున్న వేస్ట్ మేనేజ్‌మెంట్ కార్యక్రమాలను అధ్యయనం చేసి మరింత పటిష్టంగా చేపట్టేందుకు మున్సిపల్ అధికారులకు, పారిశుద్ధ్య సిబ్బందికి తగిన శిక్షణ అందజేసి, ఘన, ద్రవ వ్యర్ధాల నిర్వహణలో అంతర్జాతీయస్థాయి ప్రమాణాలను అందుకునేలా కృషి చేస్తున్నారు. బోర్డా అండ్ సిడిడి ప్రతినిధి సుస్మితా సిన్హా మాట్లాడుతూ తమ సంస్థ ఇప్పటికే 23 దేశాల్లో వ్యర్థాల నిర్వహణలో కార్యకలాపాలు నిర్వర్తిస్తోందన్నారు. బెంగళూరు శివారులోని మున్సిపాలిటీలో పూర్తి పర్యావరణహితమైన ఘన, ద్రవ వ్యర్థాల నిర్వహణ ప్రాజెక్టును నిర్వహిస్తున్నట్టు చెప్పారు. ఎలాంటి విద్యుత్, హానికర రసాయనాలతో పనిలేకుండా ప్రాజెక్టు నిర్వహించటం ప్రత్యేకతగా చెప్పుకున్నారు. ప్రాథమిక అవగాహన ఒప్పందం ప్రకారం త్వరలో రాజధాని శివారు మున్సిపాలిటీలో పర్యావరణహిత వ్యర్ధాల నిర్వహణ ప్రాజెక్టు ప్రారంభిస్తామన్నారు. సమావేశంలో పురపాలక, పట్టణాభివృద్ధి మంత్రి నారాయణ, ప్రభుత్వ ప్రధాన కార్యదర్శి ఐవైఆర్ కృష్ణారావు, సిఎంఓ ముఖ్య కార్యదర్శి సతీష్‌చంద్ర, పట్టణాభివృద్ధి శాఖ ముఖ్య కార్యదర్శి కరికాల వలవన్, స్వచ్ఛాంధ్ర కార్పొరేషన్ ఎండి డి మురళీధర్‌రెడ్డి, బోర్డా అండ్ సిడిడి ప్రతినిధి సుస్మితా సిన్హా, జిఐజడ్ సంస్థ ప్రతినిధి డిర్క్‌వాల్దర్, వాటర్.ఆర్గ్ ప్రతినిధి సెల్వరాజ్, తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.