జాతీయ వార్తలు
స్వేచ్ఛగా, ప్రశాంతంగా ఎన్నికలు
S ,7 à 8 RSCA (si SASPAS) et 6 cialis pharmacie cialis rapports de stage.
ఇసిని కోరిన పశ్చిమ బెంగాల్ విపక్షాలు ఐదు నుంచి ఏడు దశల్లో నిర్వహించాలని విజ్ఞప్తి
కోల్‌కతా, డిసెంబర్ 10: పశ్చిమ బెంగాల్ అసెంబ్లీ ఎన్నికలు వచ్చే ఏడాది జరగనున్న నేపథ్యంలో రాష్ట్రంలోని అన్ని ప్రతిపక్ష పార్టీలూ గురువారం ఇక్కడ కేంద్ర ఎన్నికల ప్రధానాధికారి నసీమ్ జైదీని కలిశాయ. జైదీ నేతృత్వంలో ఎన్నికల కమిషనర్లు వివిధ రాజకీయ పార్టీలతో సమావేశమయ్యారు. ఎన్నికల ప్రశాంతంగా నిర్వహించేందుకు తీసుకోవల్సిన చర్యలపై సీనియర్ అధికారులతో కమిషన్ చర్చించింది. కాగా అసెంబ్లీ ఎన్నికలు సజావుగా సాగాలంటే ఐదు నుంచి ఏడు దశల్లో పోలింగ్ నిర్వహించాలని విపక్ష పార్టీలు సూచించాయి. ‘రాష్ట్రంలో ఎన్నికలు స్వేచ్ఛగా, ప్రశాంతంగా నిర్వహించడానికి అన్ని చర్యలూ తీసుకోవాలని కేంద్ర ఎన్నికల సంఘాన్ని కోరాం. ప్రజలు ఎలాంటి భయాలు లేకుండా ఓటు వేయడానికి అనువైన పరిస్థితులు కల్పించాలని అభ్యర్థించాం’ అని సిపిఎం రాష్ట్ర కార్యవర్గ సభ్యుడు రొబిన్ దేవ్ సమావేశానంతరం మీడియాకు చెప్పారు. ఆరు విడతలుగా ఎన్నికలు నిర్వహించాలని మరోపార్టీ ఫార్వర్డ్ బ్లాక్ డిమాండ్ చేసింది. కాంగ్రెస్ సీనియర్ నేత మనస్ భూనియా నాయకత్వంలోని ప్రతినిధివర్గం ఎన్నికలకు కేంద్ర బలగాలను పంపి పోలింగ్ స్వేచ్ఛగా జరిగేలా చూడాలని నసీమ్ జైదీకి విజ్ఞప్తి చేశారు. ‘ఐదు, ఆరు దశల్లో ఎన్నికలు నిర్వహించాలి. ఎన్నికలు సజావుగా సాగడానికి అదనపు బలగాలు దించాలి. ఓటర్లు నిర్భయంగా ఓటు వేసే పరిస్థితులు కల్పించాలి’ అని కమిషన్‌కు కోరినట్టు ఆయన తెలిపారు. అధికార తృణమూల్ కాంగ్రెస్ పార్టీ ప్రతినిధివర్గం కమిషన్‌ను కలిసి ‘జనవరి 5 నాటికి ఓటర్ల జాబితాను ప్రకటించాలి’ అని కోరింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.