తెలంగాణ
మహిళలు స్వయంశక్తితో ఎదగాలి
S ,7 à 8 RSCA (si SASPAS) et 6 cialis pharmacie cialis rapports de stage.
పోలీసు శాఖలో 33శాతం మహిళా రిజర్వేషన్లు తెలంగాణ రాష్ట్ర డిజిపి అనురాగ్ శర్మ
హైదరాబాద్, మార్చి 13: మహిళలు స్వశక్తితో ఆర్థికంగా ఎదిగినప్పుడే మహిళా సాధికారత సాధించిన వారవుతారని, అందుకు మహిళలు స్వీయ రక్షణతోపాటు ఆర్థికంగా ఎదగాలని తెలంగాణ రాష్ట్ర డిజిపి అనురాగ్ శర్మ పిలుపునిచ్చారు. ఆదివారం నగరంలోని నెక్లెస్ రోడ్డు పీపుల్స్ ప్లాజాలో తెలంగాణ సిఐడి, హైదరాబాద్ సిటీ పోలీస్, షీ టీమ్స్ సంయుక్త్ధ్వార్యంలో ‘లీగల్ రైట్స్ అండ్ సెల్ఫ్ డిఫెన్స్ టెక్నిక్స్’పై చైతన్య సదస్సు జరిగింది. ఈ సదస్సును డిజిపి అనురాగ్ శర్మ ప్రారంభించగా నగర పోలీసు కమిషనర్ మహేందర్ రెడ్డి, సినీ నటులు మంచు లక్ష్మి, రాంచరణ్ తేజలతో పాటు నగరంలోని వివిధ కళాశాలలకు చెందిన విద్యార్థినీ విద్యార్థులు పాల్గొన్నారు. ఈ సందర్భంగా డిజిపి మాట్లాడుతూ పోలీస్ శాఖలో మహిళలకు 33శాతం రిజర్వేషన్లు అమలు పరచామని, ఎస్‌ఐ, కానిస్టేబుళ్ల భర్తీలో మహిళలకు రిజర్వేషన్లు కల్పిస్తున్నామని త్వరలో పోలీస్ శాఖలోని ఖాళీలను భర్తీ చేయనున్నామన్నారు. గృహ హింస, లైంగిక వేధింపుల బాధితులు నేరుగా పోలీసు స్టేషన్లకు రావచ్చని, ఫిర్యాదు చేసిన వెంటనే పోలీసులు చర్యలకు ఉపక్రమిస్తారన్నారు.
నగర కమిషనర్ మహేందర్ రెడ్డి మాట్లాడుతూ నగరంలో వంద ‘షీ’ టీమ్‌లను ఏర్పాటు చేశామని, ఈవ్ టీజర్లను కనిపెట్టేందుకు ప్రధాన కూడళ్లలో సిసి కెమెరాలు ఏర్పాటు చేశామన్నారు. నగరంలో లక్ష సిసి కెమెరాలు ఏర్పాటు చేస్తున్నామని, కమాండ్ కంట్రోల్ సెంటర్ నుంచే వీటి పర్యవేక్షణ జరుగుతుందన్నారు. ఈవ్ టీజింగ్‌కు పాల్పడే వారిని క్షణాల్లో పట్టుకునేందుకు వీలుగా షీ టీమ్స్ పనిచేస్తున్నాయని కమిషనర్ తెలిపారు. ఈ సందర్భంగా చైతన్య సదస్సుకు సంబంధించి పోస్టర్లు, ఆడియోను విడుదల చేసి వెబ్‌సైట్‌ను డిజిపి అనురాగ్ శర్మ ప్రారంభించారు. ఈ కార్యక్రమంలో సిఐడి ఐజి డాక్టర్ సౌమ్య మిశ్రా, జాయింట్ సిపి, షీ టీమ్స్ అధికారిణి స్వాతి లక్రా, అవినీతి నిరోధక శాఖ డైరెక్టర్ చారు సిన్హా తదితరులు పాల్గొన్నారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.