యువ
సైక్లిస్టులకూ ఓ ఎయిర్‌బ్యాగ్
S ,7 à 8 RSCA (si SASPAS) et 6 cialis pharmacie cialis rapports de stage.
హై ఎండ్ కార్లలో ఎయిర్‌బ్యాగ్‌లు ఉంటాయన్న విషయం తెలిసిందే. ఏదైనా ప్రమాదం జరిగితే, మరుక్షణంలో ఈ ఎయిర్‌బ్యాగ్‌లు తెరుచుకుని, కారులో ఉన్నవారు గాయాలబారిన పడకుండా అడ్డుకుంటాయి. ఇప్పటివరకూ అయితే ఎయిర్‌బ్యాగ్‌ల ఏర్పాటు కార్లకే పరిమితం. కానీ ఏదైనా పెద్ద వాహనం వచ్చి, సైక్లిస్టునో, స్కూటరిస్టునో ఢీకొంటే వారికి దిక్కేమిటి? సరిగ్గా ఇదే ఆలోచన హోవ్డింగ్ అనే కంపెనీకి వచ్చింది. వెంటనే తన ఆలోచనలకు పదును పెట్టి, సైక్లిస్టులకోసం ఓ ఎయిర్‌బ్యాగ్‌ను తయారుచేసింది. సైక్లిస్టులు దీనిని మెడకు తగిలించుకోవాలి. ఇందులో ఉండే అత్యాధునిక సెన్సర్లు చుట్టుపక్కల రాకపోకలు జరిపే వాహనాలపై ఓ కనే్నసి ఉంచుతాయి. సైకిల్ కదలికలను కూడా పరిగణనలోకి తీసుకుంటాయి. అనుకోని అవాంతరం జరగబోతోందని పసిగడితే వెంటనే ఎయిర్‌బ్యాగ్ తెరుచుకుంటుంది. ఈ ఎయిర్‌బ్యాగ్‌లో రెండు విభాగాలు ఉంటాయి. ఒకటి కాలర్. ఇది...వాటర్‌ప్రూఫ్ మెటీరియల్‌తో పటిష్టంగా ఉంటుంది. ఇది మెడకు రక్షణ. రెండోది కవర్. ఇది తెల్లగా, పటిష్టంగా ఉంటుంది. ఇది పడగలా తలపైకి లేచి రక్షణగా నిలబడుతుంది. కళ్లను మాత్రం కవర్ చేయదు. సైక్లిస్ట్‌ను ఏదైనా వాహనం ఢీకొన్నా, తలకు రక్షణ కల్పిస్తుంది ఈ ఎయిర్ బ్యాగ్. ఈ ఎయిర్‌బ్యాగ్ వచ్చే ఏడాది మార్కెట్లోకి వస్తుందని భావిస్తున్నారు.
Related Articles
ఏ విషయంలోనైనా మితి మీరితే అవస్థలు అనివార్యం కాకతప్పదు. అందుకే ‘అతి సర్వత్రా వర్జయేత్’ అన్నారు పెద్దలు. పరిధులు, పరిమితులు దాటితే ఉపయోగం కన్నా లేనిపోని సమస్యలు తప్పవు. మన పెద్దలు ఏనాడో చెప్పిన ఈ సూత్రం నేటి ఆధునిక యుగంలో స్మార్ట్ఫోన్లకు నూటికి నూరుపాళ్లూ వర్తిస్తుంది.
మైక్రోసాఫ్ట్ నుంచి అతి త్వరలో అత్యంత తక్కువ ధరకే అత్యాధునిక ల్యాప్‌టాప్ దూసుకురానుంది. లెనెవో, జెపి సంస్థలతో కలిసి మైక్రోసాఫ్ట్ అతి త్వరలోనే రూ.12వేల ప్రారంభ ధరలో విండోస్ 10, విండోస్ 10 ఎస్ పేరిట విద్యార్థుల కోసం ప్రత్యేకంగా ఓ ల్యాపీని ఆవిష్కరిస్తోంది.
ప్రఖ్యాత కార్బన్ కంపెనీ తన నూతన స్మార్ట్ఫోన్ టైటానియం ఫ్రేమ్స్ ఎస్7ను తాజాగా విడుదల చేసింది. ఈ ఫోన్‌ను వినియోగదారులు షాప్‌క్లూస్ వెబ్‌సైట్ ద్వారా కొనుగోలు చేయవచ్చు. దీని ధరను కంపెనీ రూ.6999గా నిర్ణయించింది.
స్వాతంత్య్రం వచ్చాక మన దేశం గణతంత్ర రాజ్యంగా ఏర్పడటానికి, ఆ తరువాతి పరిణామాల్లో ఎన్నో ప్రత్యేకతలు ఉన్నాయి. ఆ విశేషాలు కొందరికి తెలుసు.. కొందరికి తెలియకపోవచ్చు. నేడు గణతంత్ర దినోత్సవం సందర్భంగా కొన్ని అంశాలపై సమాచారం ఎంతవరకు తెలుసో కనుగొనేందుకు ఈ ‘క్విజ్’...
కుర్రకారే కాదు, అన్ని వయసుల వారూ నేడు స్మార్ట్ఫోన్లు వాడుతూ ‘అంతర్జాలం’లో విహరిస్తున్నందున మొబైల్ యాప్స్‌ను డౌన్‌లోడ్ చేసుకునే వారి సంఖ్య నానాటికీ పెరుగుతోంది.