యువ
మరింత అందంగా సెల్ఫీలు
S ,7 à 8 RSCA (si SASPAS) et 6 cialis pharmacie cialis rapports de stage.
స్టోరేజ్ మొమరీ, ర్యామ్, ప్రాసెసర్ వంటివే కాదు.. స్మార్ట్ఫోన్ అంటే- ఓ మినీ థియేటర్‌లా, జ్ఞాపకాల వేదికలా ఉండాలని నేటి యువత ఉవ్విళ్లూరుతోంది. అందుకే మార్కెట్‌లో సరికొత్త ఫీచర్లతో ఏదైనా మొబైల్ అడుగిడితే చాలు.. దాన్ని సొంతం చేసుకోవాలని కుర్రకారుకు ఒకటే ఆరాటం. కృత్రిమమేధతో మరింత అందంగా సెల్ఫీలు తీసుకునేందుకు ‘ఓపో’ సంస్థ వినూత్న మొబైల్‌ను పరిచయం చేస్తోంది. నాణ్యమైన కెమెరాలతో స్మార్ట్ఫోన్లు రూపొందించే ‘ఓపో’ విడుదల చేసిన ‘ఎఫ్-5’ మొబైల్‌ను చూస్తే యువత మనసు పారేసుకోవడం ఖాయం. ఇది సెల్ఫీ ప్రియులకు ప్రత్యేకం. 20 మెగా పిక్సెల్స్ కృత్రిమ మేధస్సు (ఆర్ట్ఫిషియల్ ఇంటెలిజెన్స్) సాయంతో మన ముఖాలను అత్యంత స్పష్టంగా చిత్రీకరించి అద్భుతమైన సెల్ఫీలను ‘ఎఫ్-5’ అందిస్తుంది. దేశీయ విపణిలో విడుదలైన ఈ మొబైల్‌లో ‘బటన్స్’ ఏమీ లేకుండా పూర్తి తెరతో ఇది అందుబాటులోకి వచ్చింది. ఆన్‌లైన్ పోర్టళ్లతో పాటు సెల్‌ఫోన్ దుకాణాల్లోనూ ఇది అమ్మకాలకు సిద్ధంగా ఉంది. 19,990- 24,990 రూపాయల ధరల శ్రేణిలో ఇది లభిస్తుంది. ఫేషియల్ ఆప్టిమజేషన్ టెక్నాలజీ కారణంగా ఫొటోలు తీసుకునేటపుడు బ్యాక్‌గ్రౌండ్‌ను మనకు కావాల్సినట్లు మార్చుకునే వీలుంది.
Related Articles
ఏ విషయంలోనైనా మితి మీరితే అవస్థలు అనివార్యం కాకతప్పదు. అందుకే ‘అతి సర్వత్రా వర్జయేత్’ అన్నారు పెద్దలు. పరిధులు, పరిమితులు దాటితే ఉపయోగం కన్నా లేనిపోని సమస్యలు తప్పవు. మన పెద్దలు ఏనాడో చెప్పిన ఈ సూత్రం నేటి ఆధునిక యుగంలో స్మార్ట్ఫోన్లకు నూటికి నూరుపాళ్లూ వర్తిస్తుంది.
మైక్రోసాఫ్ట్ నుంచి అతి త్వరలో అత్యంత తక్కువ ధరకే అత్యాధునిక ల్యాప్‌టాప్ దూసుకురానుంది. లెనెవో, జెపి సంస్థలతో కలిసి మైక్రోసాఫ్ట్ అతి త్వరలోనే రూ.12వేల ప్రారంభ ధరలో విండోస్ 10, విండోస్ 10 ఎస్ పేరిట విద్యార్థుల కోసం ప్రత్యేకంగా ఓ ల్యాపీని ఆవిష్కరిస్తోంది.
ప్రఖ్యాత కార్బన్ కంపెనీ తన నూతన స్మార్ట్ఫోన్ టైటానియం ఫ్రేమ్స్ ఎస్7ను తాజాగా విడుదల చేసింది. ఈ ఫోన్‌ను వినియోగదారులు షాప్‌క్లూస్ వెబ్‌సైట్ ద్వారా కొనుగోలు చేయవచ్చు. దీని ధరను కంపెనీ రూ.6999గా నిర్ణయించింది.
స్వాతంత్య్రం వచ్చాక మన దేశం గణతంత్ర రాజ్యంగా ఏర్పడటానికి, ఆ తరువాతి పరిణామాల్లో ఎన్నో ప్రత్యేకతలు ఉన్నాయి. ఆ విశేషాలు కొందరికి తెలుసు.. కొందరికి తెలియకపోవచ్చు. నేడు గణతంత్ర దినోత్సవం సందర్భంగా కొన్ని అంశాలపై సమాచారం ఎంతవరకు తెలుసో కనుగొనేందుకు ఈ ‘క్విజ్’...
కుర్రకారే కాదు, అన్ని వయసుల వారూ నేడు స్మార్ట్ఫోన్లు వాడుతూ ‘అంతర్జాలం’లో విహరిస్తున్నందున మొబైల్ యాప్స్‌ను డౌన్‌లోడ్ చేసుకునే వారి సంఖ్య నానాటికీ పెరుగుతోంది.