న్యూఢిల్లీ, సెప్టెంబర్ 16: పోలవరం ప్రాజెక్టు నిర్మాణంలో జరిగిన అవినీతిపై జోక్యం చేసుకోవాలని ఢిల్లీ హైకోర్టులో పిటిషన్ దాఖలైంది. పోలవరం ప్రాజెక్టు అవినీతిపై కేంద్ర సంస్థలకు ఫిర్యాదు చేస్తే పట్టించుకోవడం లేదని.. దీనిపై జోక్యం చేసుకోవాలని కోరుతూ జనసేన నేత పెంటపాటి పుల్లారావు ఢిల్లీ హైకోర్టులో పిటిషన్ దాఖలు చేశారు. జాతీయ ప్రాజెక్టు కావడంతో ఢిల్లీ హైకోర్టును ఆశ్రయించినట్టు పేర్కొన్నారు.

మాచారెడ్డి, సెప్టెంబర్ 16: విద్యుత్ షాక్ ముగ్గురు రైతులను పొట్టన బెట్టుకుంది. బోరు బావి నుంచి కాలిపోయన సబ్‌మెర్సిబుల్ మోటార్ పంపుసెట్టు బయటకు తీస్తుండగా పైన ఉన్న 11 కేవీఏ విద్యుత్ లైన్‌కు పైపు తగిలి ముగ్గురు రైతుల అక్కడికక్కడే మృతి చెందిన సంఘటన కామారెడ్డి జిల్లా మాచారెడ్డి మండలం వెల్పుగొండ గ్రామంలో సోమవారం చోటు చేసుకుంది.

హనుమాన్ జంక్షన్, సెప్టెంబర్ 16: హనుమాన్ జంక్షన్ సమీపంలోని నూజివీడు రైల్వే స్టేషన్ వద్ద సోమవారం ఉదయం జరిగిన రోడ్డు ప్రమాదంలో ఇద్దరు మృతి చెందారు. ఏడుగురు ప్రయాణికులతో వెళ్తున్న ఆటోను ఎదురుగా వస్తున్న కారు వేగంగా ఢీకొట్టడంతో ఈ ప్రమాదం జరిగింది.

హైదరాబాద్, సెప్టెంబర్ 16: ఎర్రమంజిల్ భవనాలను కూల్చి అక్కడ అసెంబ్లీ భవనాన్ని నిర్మించాలని రాష్ట్ర మంత్రిమండలి చేసిన తీర్మానాన్ని హైకోర్టు కొట్టివేసింది. ప్రధాన న్యాయమూర్తి జస్టిస్ రాఘవేంద్రసింగ్ చౌహాన్, జస్టిస్ షమీమ్ అక్తర్‌తో కూడిన ధర్మాసనం ఈ మేరకు సోమవారం నాడు 111 పేజీల తీర్పును వెలువరించింది. ఈ సందర్భంగా ధర్మాసనం కేసుకు సంబంధించి దాఖలైన ప్రజావ్యాజ్య పిటిషన్లలో అంశాలను లోతుగా చర్చించింది.