ఉప్పల్, సెప్టెంబర్ 10: మద్యం మత్తులో ఓ వ్యక్తి కిరోసిన్ పోసుకుని ఆత్మహత్య చేసుకున్నాడు. ఈ సంఘటన మేడిపల్లి పీఎస్ పరిధిలో జరిగింది. పీర్జాదిగూడ పాత బస్తీలో నివసిస్తున్న ఎండీ జావీద్ (45) కూలీ. అతడు నిత్యం తాగుతుండేవాడు. ఈ క్రమంలో సోమవారం తాగిన మత్తులో ఒంటిపై కిరోసిన్ పోసుకుని నిప్పంటించుకున్నాడు. తీవ్రంగా గాయపడిన అతన్ని గాంధీ ఆసుపత్రిలో చేర్పించగా చికిత్స పొందుతూ మంగళవారం మరణించాడు.

కీసర, సెప్టెంబర్ 10: లారీ ఢీకొని ముగ్గురికి తీవ్రగాయాలైన సంఘటన కీసర పోలీస్ స్టేషన్ పరిధిలో చోటు చేసుకుంది. వివరాల్లోకి వెళితే ఛత్తీస్‌ఘడ్ ప్రాంతానికి చెందిన ఆనంద్ (28), హరితన్ (24), సస్మేల్ (22), అంకిరెడ్డిపల్లిలోని బాలాజీ ఫార్మా కంపెనీలో హెల్పర్‌గా విధులు నిర్వహిస్తున్నారు. మంగళవారం అంకిరెడ్డిపల్లి నుంచి ద్విచక్ర వాహనంపై ముగ్గురు కీసర వైపు వస్తున్నారు.

శ్రీనగర్ : కాశ్మీర్‌లోని బారాముల్లా జిల్లా సోపూర్ ప్రాంతంలో లష్కర్-ఏ- తోయిబా ఉగ్రవాద సంస్థకు చెందిన ఎనిమిది మంది సహచరులను అరెస్టు చేసినట్లు పోలీసులు తెలిపారు. లష్కర్-ఏ-తోయిబా ఉగ్రవాదుల ఆదేశాల మేరకు ప్రజలను భయభ్రాంతులకు గురి చేసేలా ముద్రించిన పోస్టర్లను తరలిస్తుండగా అరెస్టు చేశామని పోలీసులు చెప్పారు. కాశ్మీర్‌లోని పలు ప్రాంతాల్లో ఈ పోస్టర్లు వెలిసాయి.

నాగాయలంక, సెప్టెంబర్ 10: స్థానిక 11వ వార్డులో సోమవారం జరిగిన ఓ సంఘటనలో ప్రమాద వశాత్తు యువకుడు నిప్పంటుకుని మృతి చెందిన సంఘటన ఆలస్యంగా వెలుగులోకి వచ్చింది. ఇందుకు సంబంధించిన వివరాలను ఎస్‌ఐ చల్లా కృష్ణ తెలియజేశారు. కొలగాని మురళీ (44) తన ఇంటి వద్ద పాత దుస్తులను తగులబెడుతున్న సమయంలో ఒక్కసారిగా ఆ మంటలు ఎగసిపడటంతో నిప్పంటుకుని ప్రమాదానికి గురయ్యాడని తెలిపారు.