విజయవాడ, ఆగస్టు 25: వరద సహాయక చర్యల్లో ప్రభుత్వం ఘోరంగా విఫలమైందని ప్రజలను నమ్మించేందుకు రైతువేషం వేయటంతో పాటు జలవనరుల శాఖ మంత్రి అనిల్‌కుమార్ యాదవ్ సామాజిక వర్గంపై అనుచిత వ్యాఖ్యలు చేసిన పెయిడ్ ఆర్టిస్ట్ శేఖర్ చౌదరిని విజయవాడ పోలీసులు ఆదివారం అరెస్ట్ చేశారు. శేఖర్ చౌదరిది గుంటూరు జిల్లా వేమూరు నియోజకవర్గం. జగన్ ప్రభుత్వంపై బురద జల్లే పెయిడ్ పబ్లిసిటీలో ఇతను కీలకంగా ఉన్నాడు.

శంషాబాద్, ఆగస్టు 25: రాజీవ్‌గాంధీ అంతర్జాతీయ విమానాశ్రయంలో మరోసారి భారీగా బంగారం ఆదివారం పట్టుబడింది. ఇంటెలిజెన్స్ అధికారుల ముందస్తు సమాచారంతో షార్జా నుంచి ఇండిగో 6ఈ 1406 నంబర్ విమానంలో హైదరాబాద్‌కు వచ్చిన ఓ ప్రయాణికుడి వద్ద నుంచి 26 బంగారు కడ్డీలను గుర్తించి స్వాధీనం చేసుకున్నారు.

జీడిమెట్ల, ఆగస్టు 25: వేర్వేరు రోడ్డు ప్రమాదాల్లో ఓ యువకుడు మృతిచెందగా మరో ఇద్దరికి తీవ్ర గాయాలైన సంఘటన బాచుపల్లి పోలీస్‌స్టేషన్ పరిధిలో జరిగింది. పోలీసులు తెలిపిన వివరాల ప్రకారం.. మియాపూర్, దీప్తిశ్రీనగర్‌లో నివాసముండే పీ.వెంకటేశ్వర రావు కుమారుడు పీ.సాయి శివకాంత్ (35) వ్యాపారి. ఎన్‌ఎస్‌యూఐ నాయకునిగా కొనసాగుతున్నాడు.

గుంటూరు: మాజీ శాసన సభాపతి కోడెల శివప్రసాదరావుపై కేసు నమోదైంది. అసెంబ్లీకి చెందిన ఫర్నిచర్‌ను తన కార్యాలయానికి, తన కుమారుడు శివరామ్ నిర్వహిస్తున్న షోరూమ్‌కు తరలించారని ఆయనపై ఆరోపణలు వచ్చిన సంగతి తెలిసిందే. కోడెలపై అసెంబ్లీ సెక్షన్ ఆఫీసర్ ఈశ్వరరావు పోలీసులకు ఫిర్యాదు చేశారు. శుక్రవారం అసెంబ్లీ అధికారులు కోడెల క్యాంప్ కార్యాలయం, గుంటూరులోని గౌతమ్ హీరో షోరూమ్‌లో అసెంబ్లీ ఫర్నిచర్‌ను గుర్తించారు.