S ,7 à 8 RSCA (si SASPAS) et 6 cialis pharmacie cialis rapports de stage.

క్రైమ్/లీగల్

08/22/2019 - 00:43

న్యూఢిల్లీ, ఆగస్టు 21: ఇరవై నాలుగు గంటల పాటు అదృశ్యమైన కాంగ్రెస్ సీనియర్ నాయకుడు, కేంద్ర మాజీ ఆర్థిక మంత్రి పి. చిదంబరాన్ని బుధవారం రాత్రి పొద్దు పోయాక పోలీసులు అత్యంత నాటకీయ ఫక్కీలో అరెస్టు చేశారు. జోర్‌బాగ్ ప్రాంతంలోని ఆయన విలాసవంతమైన ఇంట్లోకి దొడ్డిదారిన కొందరు, గోడ దూకి మరి కొందరు సీబీఐ అధికారులు ప్రవేశించి ఆయన్ను అదుపులోకి తీసుకున్నారు.

08/22/2019 - 00:00

ముంబయి, ఆగస్టు 21: ఓ కంపెనీకి పెద్ద మొత్తంలో ముట్టజెప్పిన రుణాలు, ఈక్విటీ వాటాల్లో జరిగిన అక్రమాలకు సంబంధించి మహారాష్ట్ర మాజీ ముఖ్యమంత్రి మనోహర్ జోషి కుమారుడు ఉనే్మష్‌ను ఎన్‌ఫోర్సుమెంట్ డైరెక్టరేట్ (ఈడీ) వరుసగా మూడో రోజు బుధవారం కూడా విచారణ కొనసాగించింది. కోషినూర్‌లో సీటీఎన్‌ఎల్ ఇన్‌ఫ్రాస్ట్రక్ష్చర్ కంపెనీని ఉనే్మష్, ఎంఎన్‌ఎస్ చీఫ్ రాజ్‌థాక్రే స్థాపించారు.

08/21/2019 - 23:31

హైదరాబాద్, ఆగస్టు 21: భద్రాద్రి కొత్తగూడెం జిల్లా గుండాల మండలం రోళ్లగడ్డ అటవీ ప్రాంతంలో సీపీఐఎంఎల్ న్యూ డెముక్రసీ నాయకుడు పున్నం లింగయ్య అలియాస్ లింగన్నది ఎన్‌కౌంటర్ కాదని, పోలీసులు పట్టుకుని కాల్చి చంపేశారని పిటిషనర్ బుధవారం నాడు హైకోర్టులో తమ వాదనలు వినిపించారు. ఇందుకు సాక్షులు కూడా ఉన్నారని, వారి పేర్లను న్యాయమూర్తులకు చెప్పారు. లింగయ్య ఎన్‌కౌంటర్ జూలై 31న జరిగింది.

08/21/2019 - 05:01

భీమవరం, ఆగస్టు 20: ఆక్వా రాజధానిగా పేరొందిన పశ్చిమ గోదావరి జిల్లాలోని భీమవరం ప్రాంతంలోని బ్యాంకులకు కొందరు బడాబాబులు రుణాల పేరుతో భారీగా టోకరావేశారు. ప్రస్తుతం టోకరావేసిన మొత్తాలను లెక్కించుకునే పనిలో బ్యాంకులు ఉన్నాయి. ఇది రూ.పది వేల కోట్లకు పైగా ఉండవచ్చని ఒక అంచనా. బ్యాంకులకు పెద్దన్నగా ఉన్న ఒక బ్యాంకుకు భీమవరం రీజియన్ పరిధిలో రూ.5000 కోట్లు మేర టోకరా వేశారని సమాచారం.

08/21/2019 - 04:48

నార్సింగి, ఆగస్టు 20: నార్సింగి పోలీస్‌స్టేషన్ పరిధిలో ఓ ఖరీదైన కారు డివైడర్‌ను ఢీకొంది. అయితే ఈ ప్రమాదంపై తొలుత పొంతన లేని కథనాలు వెలువడడంతో గందరగోళం ఏర్పడింది. హీరో తరుణ్ కారుకు ప్రమాదం జరిగిందని తొలుత చానళ్లలో బ్రేకింగ్ న్యూస్ వచ్చింది. తరువాత తరుణ్ వాహనం కాదని, మరో హీరో రాజ్‌తరుణ్ కారు ప్రమాదానికి గురైందని వార్తలు వచ్చాయి.

08/21/2019 - 03:57

తిరుపతి, ఆగస్టు 20: అంతర్జాతీయ ఎర్రచందనం స్మగ్లరైన కొల్లం గంగిరెడ్డికి దాదాపు మూడు సంవత్సరాల తరువాత బెయిల్ మంజూరు చేస్తూ తిరుపతి కోర్టు ఉత్తర్వులు జారీ చేసింది. అలాగే వివిధ కోర్టుల్లో గంగిరెడ్డిపై 42 కేసులు ఉన్నాయి. ఈ కేసుల్లో కూడా ఆయనకు బెయిల్ మంజూరయింది. గత టీడీపీ ప్రభుత్వం పాలనలో గంగిరెడ్డి మలేషియాకు వెళ్లి తలదాచుకున్నాడు. దీంతో ప్రభుత్వం రెడ్ కార్నర్ నోటీసు జారీ చేసింది.

08/21/2019 - 01:30

హైదరాబాద్, ఆగస్టు 20: నో ఎంట్రీ సమయంలో నగరంలోకి ప్రవేశించిన భారీ వాహనాలపై ట్రాఫిక్ అధికారులు దృష్టి సారించి జరిమానాలు విధిస్తున్నారు. మోటార్ వెహికిల్ యాక్ట్ ప్రకారం కేసులు నమోదు చేశారు. భారీ వాహనాలు రాత్రి పది గంటల నుంచి ఉదయం ఎనిమిది గంటల వరకే నగరంలోకి ప్రవేశించాల్సి ఉంది.

08/21/2019 - 01:30

బాలానగర్, ఆగస్టు 20: భర్తతో గొడవ పడి ఇంటి నుంచి వెళ్లిపోయి అదృశ్యమైన సంఘటన బాలానగర్ పోలీస్‌స్టేషన్ పరిధిలో చోటు చేసుకుంది. సీఐ వాహిద్ ఉద్దీన్ కథనం ప్రకారం.. బాలానగర్ పారిశ్రామిక ప్రాంతంలోని శోభనకాలనీకి చెందిన బెల్ సిక్టర్ భవన నిర్మాణ పనులు చేస్తూ జీవనం సాగిస్తున్నారు. 15వ తేదిన భార్య సల్మా సిక్టర్ (27)కు రూ.10 వేలు ఇచ్చారు. రెండు రోజుల అనంతరం అవసరం ఉందని తిరిగి డబ్బులు ఇవ్వాలని అడిగాడు.

08/21/2019 - 01:29

తాండూరు, ఆగస్టు 20: మతిస్థిమితం లేని బాలికపై పొరుగున్న యువకుడు లైంగిక దాడికి పాల్పడ్డాడు. యాలాల మండలం విశ్వనాథపూర్‌లోని పాఠశాలలో చదువుతోంది. మంగళవారం బాలికను పశువుల కొట్టంలోకి గ్రామస్థుడు నక్కల శేఖర్(19) తీసుకెళ్లి లైంగిక దాడికి పాల్పడ్డాడు. బాలిక ఏడుస్తూ విషయాన్ని తల్లిదండ్రులకు చెప్పింది. పోలీసులకు తల్లిదండ్రులు ఫిర్యాదు చేశారు.

08/21/2019 - 01:28

రాజేంద్రనగర్, ఆగస్టు 20: భవనం పైనుంచి ఓ వ్యక్తి పడి తీవ్రగాయాలపాలై మృతి చెందిన సంఘటన మైలార్‌దేవ్‌పల్లి పోలీస్‌స్టేషన్ పరిధిలో చోటుచేసుకుంది. పోలీసుల కథనం ప్రకారం.. మైలార్‌దేవ్‌పల్లి డివిజన్ పరిధిలోని టీఎన్జీవో కాలనీ అమ్మా గార్డెన్ సమీపంలోని నిర్మాణంలో ఉన్న ఓ భవంతి పైనుంచి వ్యక్తి కిందపడి తీవ్ర గాయాలపాలై మృతిచెందాడు.

Pages