కమలాపురం : కడప జిల్లా కమలాపురం సమీపంలోని కుందూనదిలో నలుగురు కొట్టుకుపోయారు. ఒకరి మృతదేహం లభించగా, ముగ్గురు పిల్లల కోసం గాలిస్తున్నారు. బక్రీద్ పండుగ మరుసటిరోజు వనభోజనానికి వెళ్లిన ఆ కుటుంబాల్లో విషాదం నెలకొంది. కమలాపురం పట్టణంలోని దర్గావీధికి చెందిన జాఫర్ హుస్సేన్ ఇరుగుపొరుగు ముస్లిం కుటుంబాలు కలిసి 3 నదుల సంగమమైన మూలగడ్డ వద్దకు మంగళవారం వనభోజనానికి వెళ్లారు.

న్యూఢిల్లీ, ఆగస్టు 13: తమపై విధించిన అనర్హత వేటును సవాల్ చేస్తూ దాఖలైన పిటీషన్‌ను వెంటనే విచారించాలని కాంగ్రెస్, జేడీ(ఎస్) రెబెల్ ఎమ్మెల్యేలు సుప్రీంకోర్టును ఆశ్రయించారు. అయితే ఈ అంశాన్ని అత్యవసరంగా విచారణ జాబితాలో పెట్టాలంటూ కోర్టు రిజిస్ట్రార్‌కు ఓ మెమో అందించాలని సుప్రీంకోర్టు వారిని సూచించింది.

విజయవాడ (క్రైం), ఆగస్టు 13: శ్రీనగర్ కాలనీలో వివాహిత హత్య కేసు పోలీసులకు తలభారంగా మారింది. హతురాలు మణిక్రాంతి శిరస్సు కోసం ఏలూరు కాల్వను పోలీసులు జల్లెడ పడుతున్నారు. ఎన్డీఆర్‌ఎఫ్, ఎస్డీఆర్‌ఎఫ్ ప్రత్యేక బృందాల గాలింపు ఇంకా కొనసాగుతూనే ఉంది. అయినా ఇంతవరకూ నీటిలో పడేసిన మణిక్రాంతి తల ఆచూకీ లభ్యం కాకపోవడంతో పోలీసులు తలలు పట్టుకుంటున్నారు.

గార్ల, ఆగస్టు 12: వేగంగా వెళ్తున్న ఎక్స్‌ప్రెస్ రైలు నుంచి జారిపడి ఒక వ్యక్తి మృతి చెందిన సంఘటన గార్ల రైల్వే స్టేషన్ సమీపంలోని పాకాల ఏరు రైల్వే వంతెన వద్ద సోమవారం తెల్లావారుజామున చోటు చేసుకుంది.