న్యూఢిల్లీ, జూలై 26: ప్రభుత్వ పాఠశాలల్లో ఉపాధ్యాయుల భర్తీపై మూడు వారాల్లో నివేదిక ఇవ్వాలని తెలుగు రాష్ట్రాలను సుప్రీంకోర్టు ఆదేశించింది. గడువులోగా నివేదిక సమర్పించకపోతే ఆంధ్రప్రదేశ్, తెలంగాణ ప్రభుత్వాల ప్రధాన కార్యదర్శులు ధర్మాసనం ఎదుట హాజరుకావాల్సి వస్తుందని కోర్టు తీవ్రంగా హెచ్చరించింది.

సికిందరాబాద్, జూలై 26: గాంధీ ఆసుపత్రిలో టిక్‌టాక్‌కు పాల్పడిన ఇద్దరు జూనియర్ డాక్టర్లపై సస్పెన్షన్ వేటు పడింది. సామాజిక మాధ్యమాల్లో భావ ప్రకటన స్వేచ్ఛకు అధికారం ఉన్నప్పటికీ కొంతమంది విచ్చలవిడి కారణంగా అవి దుష్పరిణామాలు కలిగిస్తున్నాయనడానికి ఇదో నిదర్శనం. ఇలాంటి అంశాల పట్ల ఇటీవల నిబంధనలను విధించినప్పటికీ, విద్యావంతులైన యువతీయువకులే ఉల్లంఘనకు పాల్పడడం శోచనీయం.

జి.మాడుగుల, జూలై 26: తేనెటీగలు దాడి చేసిన ఘటనలో చిన్నారి ప్రాణాలు కోల్పోయింది. అయితే అత్యవసర సమయంలో వైద్యుల నిర్లక్ష్యం వల్ల వైద్య సహాయం అందకే తమ చిన్నారి మృతి చెందిందని తల్లిదండ్రుల ఆరోపిస్తున్నారు. తేనెటీగల దాడికి గురై చికిత్స కోసం ఆసుపత్రికి వచ్చిన రెండు గంటల తర్వాత వైద్య సేవలు అందించడం, వైద్యం ఆలస్యం కావడం వల్లనే తన కూతురు మృతి చెందిందని మృతురాలి తండ్రి సుబ్బారావు విలపిస్తున్నారు.

హైదరాబాద్, జూలై 25: అధిక వడ్డీల ఆశ చూపి ఘరానా మోసానికి పాల్పడిన ఘటన పాతబస్తీ డబీర్‌పుర పోలీస్టేషన్ పరిధిలో చోటు చేసుకుంది. అతి తక్కువ సమయంలో ఎక్కువ డబ్బులు సంపాదించాలకునే వారిని లక్ష్యంగా నిందితులు మోసాలకు పాల్పడ్డారు. డబీర్‌పురకు చెందిన దంపతులు బుశ్రా, సిరాజ్ ఉర్ రెహామాన్ యూఐఆర్‌సీ పేరిట సొసైటీ స్థాపించారు. సొసైటీలో దాచిన డబ్బులకు రెట్టింపు డబ్బులు ఇస్తామని అమాయక ప్రజలను మోసం చేశారు.