నిజాంసాగర్, మే 10: కామారెడ్డి జిల్లా నిజాంసాగర్ మండలంలోని మల్లూర్ గ్రామ శివారులోని అటవీ శాఖవారి కందకంలో పడి ఎలుబంటి పడి మృతి చెందినట్లు పిట్లం ఎఫ్‌ఆర్‌ఓ సంజయ్‌గౌడ్ తెలిపారు. ఎలుగుబంటి మృతి చెందిందని గ్రామస్థులు అటవీశాఖ వారికి సమాచారం అందించారు. ఈమేరకు శుక్రవారం బాన్స్‌వాడ అటవీ డివిజనల్ అధికారి సాగర్, పిట్లం ఎఫ్‌ఆర్‌ఓ సంజయ్‌గౌడ్‌లు సంఘటనా స్థలానికి వెళ్లి ఎలుగుబంటిని పరిశీలించారు.

పటన్‌చెరు, మే 10: పాదచారులపైకి కంటెనైర్ దూసుకొచ్చిన సంఘటనలో ఇతర రాష్ట్రాలకు చెందిన ఇద్దరు యువకులు దుర్మరణం పాలైన ఘటన శుక్రవారం సంగారెడ్డి జిల్ల్లా పటాన్‌చెరు పోలీస్‌స్టేషన్ పరిధిలో జరిగింది. వారితో పాటు రోడ్డు పక్కన నడుచుకుంటూ వెళుతున్న మరో నలుగురికి గాయపడ్డారు.

న్యూఢిల్లీ, మే 10: అయోధ్యలో వివాదాస్పద స్థలం సామరస్యంగా పరిష్కరించేందుకు వీలుగా మధ్యవర్తిత్వ కమిటీకి దేశ సర్వోన్నత న్యాయస్థానం ఆగస్టు 15వరకు గడువు ఇచ్చింది. అతి సున్నితమైన, వివాదాస్పదమైన రామజన్మభూమి-బాబ్రీ మసీదు భూవివాదాన్ని సామరస్యపూర్వకంగా ఒక పరిష్కారాన్ని కనుగొనేందుకుగాను సుప్రీంకోర్టు మాజీ న్యాయమూర్తి జస్టిస్ ఎఫ్.ఎం.ఐ. ఖలీఫుల్లా నాయకత్వంలోని మధ్యవర్తిత్వ కమిటీకి వెసులుబాటు కల్పించింది.

న్యూఢిల్లీ, మే 10: రాఫెల్ యుద్ధ విమానాల కొనుగోలుపై వచ్చిన రివ్యూ పిటిషన్లను దేశ సర్వోన్నత న్యాయస్థానం రిజర్వులో ఉంచింది. కేంద్ర ప్రభుత్వం తరఫున, పిటిషనర్ల తరఫున శుక్రవారం సుప్రీంకోర్టులో సుదీర్ఘంగా వాదోపవాదాలు జరిగాయి. కేంద్ర మాజీ మంత్రులు యశ్వంత్ సిన్హా, అరుణ్ శౌరి, సీనియర్ న్యాయవాది ప్రశాంత్ భూషణ్ కోర్టులో తమ తమ వాదనలను వినిపించారు.