హైదరాబాద్, మే 9: టీవీ 9 సీఈవో రవిప్రకాశ్‌పై హైదరాబాద్ సీసీఎస్ పోలీసులు కేసు నమోదు చేశారు. నిధుల మళ్ళింపు, ఫోర్జరీ ఆరోపణలపై కేసు నమోదు చేశామని సైబర్‌క్రైమ్ పోలీసులు తెలిపారు. ఈమేరకు గురువారం సీసీఎస్ పోలీసులు ఆయనకు నోటీసులు జారీ చేశారు. టీవీ 9 యాజమాన్యం మధ్య నడుస్తున్న వివాదమే కేసు నమోదుకు కారణమని తెలిసింది.

ఉప్పల్, మే 9: దొంగలు మళ్లీ విజృంభించారు. తాళం పగులగొట్టి ఇంట్లో ఉన్న లక్ష రూపాయల విలువైన బంగారు ఆభరణాలు, కొంత నగదును ఎత్తుకెళ్లిన సంఘటన మేడిపల్లి పోలీసు స్టేషన్ పరిధిలో జరిగింది. పోలీసుల కథనం ప్రకారం బోడుప్పల్ సరస్వతినగర్‌లోని పీవీఆర్ రెసిడెన్సీలో నివసిస్తున్న గోపాల్ రెడ్డి కుటుంబ సభ్యులతో గోవాలో ఉంటున్న బంధువుల ఇంటికి వారం రోజుల క్రితం వెళ్లారు.

హైదరాబాద్, మే 9: తెలంగాణలో అసెంబ్లీ ఎన్నికల ముందు కాంగ్రెస్ పార్టీలో చేరిన భూపతిరెడ్డి, యాదవరెడ్డిలపై అనర్హత వేటుతో ఏర్పడిన ఎమ్మెల్సీ స్థానాలకు ఏర్పడిన ఖాళీల ఎన్నికకు సంబంధించిన నోటిఫికేషన్‌ను ఇవ్వొద్దని రాష్ట్ర హైకోర్టు గురువారం నాడు ఎన్నికల సంఘాన్ని ఆదేశించింది. ఎమ్మెల్సీల సభ్యత్వం రద్దుకు సంబంధించిన రికార్డులను తమకు సమర్పించాలని శాసనమండలిని హైకోర్టు ఆదేశించింది.

గార, మే 9: శ్రీకాకుళం జిల్లాలో గురువారం జరిగిన వేర్వేరు ప్రమాదాల్లో నలుగురు వ్యక్తులు దుర్మరణం చెందారు. గార మండలం అంపోలు పంచాయతీ పరిధి చల్లవానిపేట సమీపంలోని సీఎస్పీ రహదారిపై గురువారం తెల్లవారు జామున జరిగిన రోడ్డు ప్రమాదంలో ఒక వ్యక్తి అక్కడికక్కడే మృతి చెందగా, మరో ఇద్దరు జిల్లా కేంద్రంలోని రిమ్స్, రాగోలు జెమ్స్ ఆసుపత్రుల్లో చికిత్స పొందుతూ మృతి చెందారు.