చౌటుప్పల్, మే 3: యాదాద్రిభువనగిరి జిల్లా చౌటుప్పల్ మండలం ఆరెగూడెం శివారులోని టింబర్ డిపోల్లో ప్రమాదవశాత్తు అగ్నిప్రమాదం సంభవించి సుమారు రెండు కోట్ల రూపాయలకు పైగా ఆస్తినష్టం ఏర్పడింది. ప్రమాద సంఘటనను పరిశీలించేందుకు వెళ్లిన చౌటుప్పల్ ఏసీపీ సత్తయ్య ప్రమాదవశాత్తు కిందపడిపోయారు. చేయికి గాయమైంది.

మహబూబాబాద్/జన్నారం/నల్లగొండ/రాయకోడ్, మే 3: రాష్ట్రంలో ఎండల తీవ్రతకు జనం అల్లాడిపోతున్నారు. వడదెబ్బకు మృతి చెందుతున్న వారి సంఖ్య రోజురోజుకు పెరుగుతోంది. ప్రచండ భానుడి ప్రతాపంతో జనం ఇళ్లల్లో నుంచి బయటకు రావాలంటే భయపడిపోతున్నారు. రాష్ట్రంలోని వివిధ జిల్లాల్లో గురువారం రాత్రి, శుక్రవారం నలుగురు వడదెబ్బతో అస్వస్థతకు గురై మృత్యువాతపడ్డారు.

న్యూఢిల్లీ, మే 2: భారత వైమానిక దళంలో జవాన్‌గా పని చేస్తున్న బూర్ల వెంకటేష్ ఆత్మహత్య చేసుకున్నాడు. చండీగఢ్ ఎక్స్‌ప్రెస్ రైలులో దుల్‌పూర్-ఆగ్రా క్యాంట్ రైల్వే స్టేషన్ల మధ్య బూర్ల వెంకటేష్ సర్వీసు రివాల్వర్‌తో కాల్చుకుని ఆత్మహత్యకు పాల్పడ్డాడు. ఈ ఘటన జరిగిన రైలు వద్దకు చేరుకున్న పోలీసులు, వైమానిక దళ ఉన్నతాధికారులు ఆత్మహత్యపై దర్యాప్తు చేస్తున్నారు. అయితే జవాను మృతికి ఇంకా కారణాలు తెలియలేదు.

నందివాడ, మే 2: మండలంలోని జనార్థనపురంలో తాళాలు వేసి ఉన్న ఇంట్లో చోరీ జరిగింది. గుర్తు తెలియని వ్యక్తులు తలుపుగడియ తీసి ఇంట్లోకి ప్రవేశించి రూ. 40లక్షలు విలువ చేసే బంగారం, 5వేలు నగదు దొంగిలించిన సంఘటన బుధవారం తెల్లవారు జామున జరిగింది. నందివాడ పోలీసుల కథనం ప్రకారం జనార్థనపురం గ్రామంలోని మలిరెడ్డి రాందాసు రెడ్డి కుటుంబం పశ్శిమ గోదావరి జిల్లా తణుకులో నివాసం ఉంటారు.